Royal Greenland A/S teknikkeqarnermut ingerlatsisumik aqutsillaqqissumik sulisussarsiorpoq

Upernaviup pigisaani teknikkeqarnermut immikkoortortami sulisut arfineq pingasut akisusaaffigis-savatit, teknikkimillu aamma suliallit suleqatigissallugit. Taakkullusi Upernavimmi nunaqarfiinnilu, teknikkeqarnermut ingerlatat, maskiinat, illuutit aammalu biiliutit angallatillu sutigut tamatigut pitsaasumik isumannaatsumillu ingerlannissaat isumagissavasi. Aqutsisutut aamma akisussaaffigissavatit Upernavimmi nunaqarfinnilu arfineq marluusuni tunitsivinni aserfallatsaaliineq, tassanilu tunitsivinni aqutsisut tunisassiorfinnilu ingerlatsisoq suleqatigissavatit.

Tunisassiorfimmi ingerlatsisoq qullersarissavat Upernaviullu pigisaani aqutsisoqatigiinnut ilaassaatit.

Ukiup ingerlanerani angalangaatsiartarnissat naatsorsuutigissavat, aamma nunaqarfinnut.

Teknikkeqarnermut aqutsisussaq nunaqarfimmi qitiunerusumi Tasiusami najuaqassaaq.

Suliassatit pingaarnerit makkuussapput:

· Teknikkeqarnermut immikkoortortami sulisunut arfineq-pingasunut aqutsineq

· Tunisassiorfinni teknikkeqarnermut ingerlatat maskiinallu ingerlannissaasa, ataqatigiissaarnissaasa aammalu aserfallatsaalinissaasa pilersaarusiornissaat

· Tunitsivinni aqutsisut tunisassiorfinnullu ingerlatsisoq suleqatigalugit Nutaarmiuni, Tasiusami, Innaarsunni, Aappilattumi aammalu Upernavik Kujallermi tunitsivinnik aserfallatsaaliineq

· Tunisassiorfiit tunitsiviillu oqartussaasut piumasaqaataannut naapertuunnissaannik qulakkeerineq

· Arlaanik ajutooratartoqarsinnaaneranik misissuinissamut najoqqutassiaq najoqqutaralugu paasissutissanik qulakkeerineq

· Upernaviup pigisaani tunisassiorfiit tunitsiviillu pitsanngorsarnissaannut, ineriartortinnissaannut sanaartornikkut allanngortinnissaannut tunngatillugu suliffeqarfiup iluani suleqateqarluni pilersaarusioqataaneq

· Aningaasaliissutissatigut sanaartornikkullu allanngortiterinissatigut pilersaarusiornernik akisussaaneq – tamatumani ingerlatsinermi aserfallatsaaliinermilu aningaasartuutinik aqutsineq malittareqqiinerlu

Illit piginnaasatit:

· Maskinmesteritut, installatøritut imaluunniit teknikkeqarnermut tunngasumik assingusumik ilinniarsimasuuvutit

· Inuussutissalerinermik suliffissuaqarnerup aammalu tunisassiornerup tungaatigut teknikkeqarnermut aqutsinerullu tungaatigut misilittagaqarluarputit

· Nillataartitsivilerineq qerititsivilerinerlu misilittagaqarfigalugillu piginnaasaqarfigavat

· Qerititsiveqarfiit ammoniakkitortut tungaatigut ilisimasaqarluartuuvutit

· Ineriartortitsinermik uuttuutilersuinermik misilittagaqarluarputit, tamatumani anguniagalersuineq takkuninngalu atuutsilersitsineq malittareqqiinerlu

· Namminersorsinnaassuseqarputit

· Aqutsinerup tungaatigut pikkoripputit suleqatikkuminarlutillu

· Misissuisarlutit, aaqqissuulluakkamik tamakkiisumillu isiginnillutit sulisarputit

· Paasissutissat eqqortut misilittakkatillu naapertorlugit aalajangiisarputit

· Imminut suliffeqarfillu sinnerlugu anguniagaqarasuttuuvutit

· Kalaallisut, danskisut aammalu tuluttut allattariarsornikkut oqalunnikkullu piginnaasaqarnissat kissaatiginarpoq, piumasaqaataanngilarli

Neqeroorutigaagut

Aqutsisoqatigiit piumassuseqarluartut, suleqatit pikkorissut aammalu inuttut sulinermilu ineriartornissamut periarfissagissaarluni suliffeqarfik pissanganartoq unamminertorlu.

Upernaviup pigisaani pinngortitarsuarmi alutornarluinnartumi sukisaarsaarnissamut periarfissagissaarpoq.

Piginnaasatit naapertorlugit akissarsiaqartitsineq atorfininnermilu atugassarititaasut illit piginnaasannut naapertuuttut. Maleruagassat naapertorlugit nuunnermi pigisanik assartuussineq aamma ilinnut illoqutigiinnullu atorfininnermut atatillugu angalaneq.

Sulinermut atatillugu inissaqartitsisoqarsinnaavoq. Inimut akiliisarnermut tunngatillugu Kalaallit Nunaanni sulisunut ineqartitsinermut maleruagassat malillugit akiliisoqartassaaq.

Atorfik pillugu paasisaqarnerorusukkuit tunisassiorfimmi ingerlatsisoq Hans Peter Kristensen ukunatigut attavigineqarsinnaavoq: Oqarasuaat +299 53 23 98, e-mail: hpkr@royalgreenland.com imaluunniit Sulisoqarnermi tullersorti Søren Olsen Damgaard oqarasuaat +299 54 75 87 email: sold@royalgreenland.com

Tusarfiginissat qilanaaraarput.

Qinnuteqarfissaq kingulleq: 20. maaji 2024.