Royal Greenland A/S nakkutilliinermi aqutsisussarsiorpoq
Kalaallit Nunaanni suliffeqarfiit annersaanni Royal
Greenland A/S-imi suliassanik soqutiginartunik unamminartunillu
suliaqarnissannut piareersimavit?
Kalaallit
Nunaanni tunisassiornermi naatsorsuuserinermilu nakkutilliisunut aqutsisutut sulisut
katillugit sisamat aningaasaqarnermut nakkutilliinermullu tunngasunik suliallit
akisussaaffigissavatit. Ineriartornermi ingerlatsinermilu suliassat tamarmik suliarinerini
nunatsinni immikkoortortarisassinnit Group Controlling qanimut
suleqatigisassavasi.
Immikkoortortami aqutsisutut atorfiup sulisullu ineriartornissaat isumagissavat. Taamatuttaaq nunatsinni tunisassiornermi aqutsisunut qitiusumik suleqataassaatit, matumani aningaasaqarnikkut malittareqqiisarnermik kiisalu nalunaaruteqariaatsit pioreersut nutaallu ineriartortinnerannik suliaqartarlutit.
Sulisutit peqatigalugit ilaatigut makku suliarisassavasi:
· Ingerlatsineq pillugu ataavartumik malittareqqiineq nalunaarsuinerlu
· Tunisassiorfinni ingerlatsisunik tunisassiornermilu aqutsisunik kiffartuussineq
· Missingersuusiorneq/naatsorsuusiorneq kingornatigullu taakkuninnga malittareqqiineq
· Qaammatikkaartumik naatsorsuusiorneq tamatumanilu missingersuutitigut nikingasoorutit pillugit nassuiaasiorneq
· Paasissutissanik nalunaarsuineq/pisortanut attaveqarneq
· Misissueqqissaarnermi peqataaneq, tamatumani malittareqqiinertalimmik kisitsisinik najoqqutassanik pitsannguutinik misissueqqissaarneq
· Tunisassiornermi aningaasartuutit nalingannik tunngaviusumillu paasissutissanik SAP-imi nalunaarsuineq
· Royal Greenland A/S sinnerlugu siumut ukiumoortumillu naatsorsuusiornermi paqataalluarneq
· Tunisassiorfinni kilisaatinilu SAP-imik immikkut ittumik atuisinnaaneq
· Suliassaagallartunik aalajangersimasunik suliaqarneq
Tunuliaquttat
Inuttut ammasuullutillu nutaanik ilikkagaqarusussuseqarputit. Imaassinnaasoq aqutsisutut atorfeqareersutit imaluunniit ukiorpassuarni sulinikkut misilittagaqarnerit atorlugu aqutsisunngorusuttutit. Misissueqqissaarlutit ataqatigiissarluakkamik sulisinnaassuseqarputit, aammattaaq annikitsualuit eqqortuunissaannik pingaartitsisuuvutit. Aammattaaq immikkoortortaq iluatsilluassappat sulisut atugarissaarnissaasa piumassuseqarluarnissaasalu pingaaruteqassusaat ilisimalluarpat. Soorluttaaq immikkoortortat assigiinngitsut akimorlugit suleqatigiilluarnermi pitsaasunik angusaqartoqarsinnaanera ilisimalluarit.
Tamatuma saniatigut makkuninnga piginnaasaqarputit:
· HD regnskab-imi, cand merc-itut imaluunniit allatut ingerlaqqiffiusumik aningaasaqarnermut tunngasumik ilinniagaqarputit
· Aningaasaqarnermik nalunaarsuinermillu suliaqarfiusartumi sulineq misilittagaqarfigaat, pitsaassaarlu suliffeqarfimmi tunisassiornermik aallutaqartumi sulineq misilittagaqarfigigukku
· Qarasaasiami nalunaarsuiffiit atorlugit sulineq misilittagaqarfigaat, SAP-imik atuisinnaaguit pitsaassaaq
· Suliffeqarfimmi tunisassiornermik aallutaqartumi ingerlatsineq pillugu malittareqqiineq misilittagaqarfigivat
· Aqutsineq ingerlatallu pillugit malittareqqiineq pillugu suliamut attuumassutilinnik paasiuminartunillu paasissutissiineq misilittagaqarfigaat
· Qarasaasiamik - MS officemik ingammillu Excelimik – atuineq sungiusimalluarpat
· Marluinnik - kalaallisut qallunaatullu – oqaasiliuguit pitsaassaaq
Royal Greenland sunik neqeroorteqarsinnaava?
Tunisassiornermi naatsorsuuserinermilu nakkutilliinerup tungaatigut atorfik soqutiginartoq. Ullut suliffiit tamatigoortut pissanganartunik unamminartunillu suliaqarfiusartut amma inuttut suliatigullu ineriartorfiusinnaasut taamatuttaaq suliavit inernarannik takunniffiusinnaasoq. Atorfiup qanoq imaqarnissaanik aalajangeeqataanissannut periarfissaqarluassaatit. Akissarsiat piginnasannut tulluartut pilerinartullu neqeroorutaapputtaaq.
Soqutiginnikkut qinnuteqaatit, siornatigut suliffigisimasat piumaguillu oqaaseqaatit piaarnerpaamik kingusinnerpaamillu 5. august 2024 mailimut uunga nassiutikkit (aamma atorfik pillugu apeqqutissaqaruit): njor@royalgreenland.com. Imaluunniit suliffeqarfissuarmi sulisoqarnermut ingerlatsisoq, Christian Laursen attavigiuk ugguuna: +299 48 44 75, mail: chla@royalgreenland.com