Qaqortumi Igagit Foodlabimi ulluinnarni aqutsisunngorit
Igagit Foodlab ineriartortinneqarnerani peqataarusuppit nunattalu nerisassaatai sammillugit? Innovation South Greenlandip Igagit Foodlab Qaqortumiittumiittoq ulluinnarni aqutsisussarsiorpaa.
Misissuineq nutaaliornerlu
Igagit Foodlabimi aqutsisutut suleqatigissavatit aallarnisaasut nerisassiornermillu nuannarisallit. Aallarnisaasut isumassarsiaannik inuussutissanillu nutaanik tunisassiornermi ikiuuttassaatit. Aallarnissaasut sumiiffinnilu inuussutissanik tunisassiortut akornanni suleqataassaatit.
Igagit Foodlab tassaavoq Qaqortumi inuussutissalerinermi igaffik qaffasissoq nutaaliaasunik atortorissaarutinik tapersersuinissamillu neqerooruteqartartoq. Matumani aallarnisaasut nutaat ingerlareersullu inuussutissalerinermi akuerisaasumi avatangiiseqarlutik tunisassiornertik aallartissinnaavaat. Igaffiup atortui tamarmik atorneqarsinnaapput naleqqussarneqarsinnaallutillu.
Iggavik Innovation South Greenlandimit ingerlanneqarpoq. Nunatsinni piujuartitsinerup aallunneqarleraluttuinnarnerani sumiiffinni inuussutissat tunisassiarineqartut piumaneqaleraluttuinnarput. Nunatta kujataani inuussutissanik tunisassiorneq Igagit Foodlabip annertusaaqataaffigerusuppaa, nunatsinnut nunattalu avataanut pilersuinissaq siunnertarineqarluni.
Suliassatit makkuupput
Ulluinnarni aqutsisutut igaffimmi misilittagaqartariaqarputit namminersuutigalugulu nakkutilliisinnaassuseqartariaqarlutit, eqqiaasinnaasariaqarputit ulluinnarnilu ingerlatsinermik misilittagaqartariaqarlutit. Inuussutissarsiornikkut siuarsaalluni sammisaqartitsisarnissat pilersaarusiortassavatit. Kalaallisut tuluttullu oqalussinnaasariaqarputit, ilinniartitsineq oqaatsit taaneqartut marluk atorlugit ingerlanneqartarmat. Atorfimmi pingaarutillit ilagaat ulluinnarni igaffimmi atuisut attaveqarfigisarnissaat. Igagit Foodlab nutaajummat, illutaa isikkualu ilusilersueqataaffigissavatit.
Suliassat:
- Nammineq nakkutilliinerup akisussaaffiginera
- Igaffiup inuussutissalerinermut aqutsisoqarfiup eqqiaanermi pitsaassusissatut piumasaqaataanut naammassinnissimanissaa isumagissallugu
- Atuisunik attaveqartarneq: igaffimmi malittarisassat pillugit paasissutissiisarnissaq taakkulu eqqortinneqarnersut aammalu eqqiaanermi pitsaassusissatut piumasaqaatit eqqortinneqarnersut qulakkiissallugu
- Atortuutigineqartunik akisussaaneq: atortut ajunnginnersut qulakkiissallugit maskiinallu akulikitsumik aserfallatsaalineqartarnissaat isumaginissaa
- Innovation South Greenlandimi sulisut peqatigalugit sammisaqartitsinerit pilersaarusiorneri ingerlannissaallu
- Qarasaasiatigut inuillu attaveqaataat aqqutigalugit nittarsaanerit, oqaluttuallu nuannersut ingerlateqqinneqartarnissaannut akisussaaneq
Atorfik pillugu
Atorfik Innovation South Greenlandip inuussutissalerinermut imikkoortortaqarfiuvoq. Inuussutissarsiutinut tunngasuni assigiinngitsuni sunniivigeqatigiinnissamik siunertaqartumik suleqatit pikkorissut Igagit Foodlabip ulluinnarni pisortaata allaffimmi pissanganartumi allaffimmeeqatigissavai. Innovation South Greenland paasissutissat annertunerusut www.isg.gl.-mi pissarsiarineqarsinnaapput.
Atorfininnissaq ullorlu aallartiffiusussaq pillugit immikkut isumaqatigiissuteqarnikkut pissaaq. Ingerlaavartumik oqaloqatigiinnerit ingerlassinnaavagut qinnuteqaativillu tigunissaa qilanaaralugu.
Akissarsiat atorfinitsinneqarnermilu atugassarititaasut
Aningaasarsiat atorfinitsitaanermilu atugassarititaasut immikkut isumaqatigiissusiornikkut piginnaasat naapertorlugit aalajangersarneqassapput.
Qinnuteqaat
Qinnuteqaatit pinerlussimannginnermut uppernarsaat ilanngullugu, ilinniagarisimasat pillugit paasissutissat siusinnerusukkullu suliffigisimasat aammalu ilinniarsimanermut allagartat il.il. pdf-nngorlugit kingusinnerpaamik ulloq 15. juli 2024 pisortamut Miki Jensenimut mj@isg.gl -mut aamma info@isg.gl -mut nassiunneqassapput.