Perorsaasoq Pingajeqqad-mut
Perorsaasoq misilittagalik – 40 timer
Tasiilami Meeqqerivik Pingajeqqad perorsaasumik soqutiginnittumik tunniusimasumillu pissarsiorpoq.
Ulluunerani meeqqanut neqeroorummi qanimut attaveqatigiinnernik pingaartitsisumik meeqqallu ataasiakkaat eqimattakkuutaallu ineriartornerinik atugarissaarnissaannillu qitiutitsisumi peqataarusuppit?
Ataatsimoorussamillu anguniagarput meeqqat alapernaatsut, tatituut, peqqissut nuannaartullu pilersinnissaanut peqataanissamut.
Taava suliffissaqartippatsigit.
Inunnut pitsaasumik attaveqarneq aqqutigalugu meeqqat ulluinnarni ataqatigiissunik toqqissisimanartunillu misigisaqarnissaat uagutsinnut pingaaruteqarpoq. Taamaattumik suliffiup anguniagaanut sinaakkutissanik pilersitseqataassasutit taakkununngalu tapersersuissasutit naatsorsuutigaarput.
Makkuninnga meeqqerivimmi ilisarnaateqarpugut naleqartitaqarlutalu:
∙Angajoqqaanut ammasuuneq
∙Meeqqani alapernaatsuuneq ineriartorneranilu toqqissisimatitsisinnaaneq
∙Meeqqerivimmi toqqissisimasumik ineriartortitsineq
Suliffik
Atorfik
∙Sapaatip akunneranut 40 tiimit - piffissaq suliffiusoq nal 8 nal 16-illu akornannut isumaqatigiissuteqarnikkut inissinneqarsinnaalluni.
∙Sulisut amerlassusiligaasut avaqqullugit atorfeqassaaq illulu tamaat atassuteqarfigissallugu. Meeqqerivinni anginerusuni piffissami aalajangersimasumi perorsaasoq immikkoortortamut ataatsimut atassuserneqarsinnaavoq.
∙Inini sulisut suleqatigalugit sammisassaqartitsinerit tunngavigalugit pilersaarusiorneq.
∙Sammisaqartitsinermut akisussaaffeqarneq sammisassaqartitsinerillu pilersaarutaareersut ingerlatiinnarumallugit, inini aalajangersimasumik sulisut ikorfartorlugit.
∙Inini ulluinnarni sammisassat aalajaatsuunissaat pilersaarutaareersut malillugit ingerlatsinissami qulakkeerinneqataanissaq.
∙Sulisut meeqqallu inini tamani sungiussinermigut tamakkiisumik iginnissinnaanngorsimassaaq.
∙Inini meeqqat pisariaqartitaattut takusani pillugit inimi sulisunut siunnersueqatiginnissinnaasoq.
∙Aqutsisoqatigiinnut ilaanngilaq, inimilu sulisunut tunngatillugu aqutsisutut piginnaasaqarani.
Qinnuteqartup piginnaasaatut kissaatit:
∙Perorsaasutut ilinniarsimasoq
∙Meeqqanut tunngasunik suliassaqarfimmi, meeraaqqerivimmi, meeqqerivimmi imaluunniit ulloq unnuarlu paaqqinnittarfimmi (arfinillit ataallugit ukiulinnik meeraatilinni) ukiuni arlalinni misilittagalik
∙Meeqqanut 0-niit 5-inut ukiulinnut ineriartuutaasumik sammisaqartitsinermik siammasissumik ilisimasalik.
∙Perorsaanermut tunngasut iluanni ineriartornermi malinnaasoq.
∙Inuiaqatigiinnut suleqateqarnissamut alapernaatsoq soqutiginnittorlu.
∙Marluinnik oqaaseqartuuneq
∙Suliniuteqarumasoq, suliniutinik aallartitsisinnaasoq namminersorsinnaasorlu
∙Suleqatiginnilluarsinnaasoq ammasuullunilu, allanngortitsinissamut piareersimasoq saaffigiuminartorlu.
∙Qarasaasiamut naammaginartumik piginnaasaqarnissaq
Suliffik
Suliffik imaattoq neqeroorutigisinnaavarput:
∙Ulluinnarni sammisassaqartitsinernut ukiumullu pilersaarusiornermi sunniuteqarnissamut periarfissatsialak
∙Suliffimmik atugarissaarfiusumik, suleqatigiinnermik ingerlalluartumik suliffimmilu avatangiisit pitsaasuunerannik pingaartitsisut.
∙Suliatigut ineriartornissamut periarfissat pingaartinneqarput.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Aqutsisoq Naja A. Kilime, oqarasuaat +299 36 78 48 imaluunniit e-mail: naam@sermersooq.gl
Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Akissaatinut atorfinitsitaanermullu tunngatillugu atugassarititaasut:
Namminersorlutik Oqartussat, NPK imaluunniit kattuffiup allap isumaqatigiinniarsinnaatitaasup akornanni isumaqatigiissut atuuttoq naapertorlugu, akissarsiaqartitsisoqarlunilu atorfinitsitsisoqassaaq. Atorfimmut immikkut ittumut tapinik tunniussisoqassaaq.
Atorfinitsitsineq qaammatini pingasuni misiliutaassaaq.
Inissaq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.
Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.
Qinnuteqaat:
Qinnuteqaat qulequtserlugu Atorfiup ilisarnaataa 692-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: juulip 23.-at, 2024