Perorsaasoq Naasumut
Perorsaasoq misilittagalik – 40 timer
Nuummi Akuleriissillugu Meeraateqarfik Naasut perorsaasumik soqutiginnittumik tunniusimasumillu pissarsiorpoq. Perorsaasoq inimut ataatsimut attuumassuteqassanngilaq, meeqqerivilli tamaat suliffigisinnaassallugu.
Ulluunerani meeqqanut neqeroorummi qanimut attaveqatigiinnernik pingaartitsisumik meeqqallu ataasiakkaat eqimattakkuutaallu ineriartornerinik atugarissaarnissaannillu qitiutitsisumi peqataarusuppit?
Kommuneqarfik Sermersuumi Meeqqeriveqarnermik Atuarfeqarnermillu immikkoortortaqarfimmi ataatsimoorussamik anguniagaraarput Meeqqat alapernaatsut, tatituut, peqqissut nuannaartullu pilersissallugit. Tamanna oqaloqatigiinnikkut aqqutissiuussilluta piviusunngortinnissaanut peqataarusuppit?
Taava suliffissaqartippatsigit:
Inunnut pitsaasumik attaveqarneq aqqutigalugu meeqqat ulluinnarni ataqatigiissunik toqqissisimanartunillu misigisaqarnissaat uagutsinnut pingaaruteqarpoq. Taamaattumik suliffiup anguniagaanut sinaakkutissanik pilersitseqataassasutit taakkununngalu tapersersuissasutit naatsorsuutigaarput.
Naleqartitavut ukuusut aallaavigalugit sulissalluta:
∙Sammisassaqartinneqartut
∙Sassarsinnaasut
∙Oqaasinnguisinnaasut
Atorfik pillugu:
∙Akunneranut 40 tiimit - piffissaq suliffiusoq nal. 8 nal. 16-illu akornannut isumaqatigiissuteqarnikkut inissinneqarsinnaalluni
∙Amerlassusiligaasut avaqqullugit atorfeqassaaq illulu tamaat atassuteqarfigissallugu. Meeqqerivinni anginerusuni piffissami aalajangersimasumi perorsaasoq immikkoortortamut ataatsimut atassuserneqarsinnaavoq
∙Sulisut suleqatigalugit sammisassaqartitsinerit suut pilersinneqassanersut pilersaarusiorneqassapput
∙Akisussaaffeqarneq sammisassaqartitsinerillu pilersaarutaareersut ingerlatiinnarumallugit, inini aalajangersimasumik sulisut ikorfartorlugit
∙Ulluinnarni sammisassat aalajaatsuunissaat pilersaarutaareersut malillugit ingerlatsinissami qulakkeerinneqataanissaq
∙Meeqqallu inini tamani sungiussinermigut tamakkiisumik isiginnissinnaanngorsimassaaq
∙Meeqqat pisariaqartitaattut takusani pillugit inimi sulisunut siunnersueqatiginnissinnaasoq
∙Ilaanngilaq, inimilu sulisunut tunngatillugu aqutsisutut piginnaasaqarani
Qinnuteqartup piginnaasaatut kissaatit:
∙Ilinniarsimasoq
∙Tunngasunik suliassaqarfimmi, meeraaqqerivimmi, meeqqerivimmi imaluunniit ulloq unnuarlu paaqqinnittarfimmi (arfinillit ataallugit ukiulinnik meeraatilinni) ukiuni arlalinni misilittagalik
∙0-niit 5-inut ukiulinnut ineriartuutaasumik sammisaqartitsinermik siammasissumik ilisimasalik
∙Tunngasut iluanni ineriartornermi malinnaasoq
∙Suleqateqarnissamut alapernaatsoq soqutiginnittorlu
∙Imaluunniit arlariinnik oqaaseqartuusinnaaneq
∙Suliniutinik aallartitsisinnaasoq namminersorsinnaasorlu
∙Ammasuullunilu, allanngortitsinissamut piareersimasoq saaffigiuminartorlu
∙Qarasaasiamut naammaginartumik piginnaasaqarnissaq
∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli
Suliffik pillugu:
∙Sammisassaqartitsinernut ukiumullu pilersaarusiornermi sunniuteqarnissamut periarfissatsialak
∙Atugarissaarfiusumik, suleqatigiinnermik ingerlalluartumik suliffimmilu avatangiisit pitsaasuunerannik pingaartitsisut
∙Ineriartornissamut periarfissat pingaartinneqarput
∙Tunngaviit 1-7 aallaavigalugit ingerlaatsineq
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Aqutsisoq Katrine Larsen Lennert, oqarasuaat +299 36 67 40 imaluunniit e-mail: ktll@sermersooq.gl
Pineqaatissinneqarsimannginnermut meeqqanillu pinerliisimannginnermut uppernarsaatit:
Atorfik taanna meeqqanik pinerliisimannginnermut aammalu pineqaatissinneqarsimannginnermut uppernarsaammik peqartussaatitaaneq pillugu inatsit naapertorlugu piumasaqaatitaqarpoq. Inatsit naapertorlugu pinerluuteqarsimannginnermut uppernarsaat kommunimit tiguneqareerpat, aatsaat atorfinitsitsisoqassaaq. Taamaattumik malugeqqussavarput kommunip uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitiinit, aammalu pineqaatissinneqarsimannginnermut uppernarsaat politiinit pippagit atorfininnissaq inissinneqassaaq.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politeeqarfimmut aaneqassaaq.
Akissaatinut atorfinitsitaanermullu tunngatillugu atugassarititaasut:
Namminersorlutik Oqartussat, NPK imaluunniit kattuffiup allap isumaqatigiinniarsinnaatitaasup akornanni isumaqatigiissut atuuttoq naapertorlugu, akissarsiaqartitsisoqarlunilu atorfinitsitsisoqassaaq.
Atorfinitsitsineq qaammatini pingasuni misiliutaassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Qinnuteqaat:
Qinnuteqaat qulequtserlugu Atorfiup ilisarnaataa 691-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: juulip 23.-at, 2024