Perorsaasoq aammalu Socialassistenti

Angerlarsimaffik Uulineq Perorsaasoq aammalu Socialassistenti sulisussarsiorpoq.

Angerlarsimaffik Uulineq ulloq unnuarlu angerlarsimaffiuvoq meeqqanut, inuusuttunut inersimasunullu Autisme Spektrum Forstyrrelse –mik (ASF) innarluuteqartunut.

Nikerartumik sulisinnaasunik perorsaasunik pingasunik sulisussarsiorpugut. Pitsaassaaq

autisme –mik tunngasumik ilisimasaqarnissaq, taamatullu kalaallisut qallunaatullu oqalussinnaanissaq.

Sullivinni periarfissaqarluarpoq ineriartornermi sunniuteqarsinnaanissamik, kiisalu inuttut ilinniarsimasatigullu inerikkiartornissamik.

Qinnuteqartut ilinniarsimanissaannik sapinngisaannillu tunuliaqutit:

1. Perorsaasutut, Socialassistent-tut ilinniarsimasuunissaq.
2. Perorsaasutut immikkuullarissumik sulerusussuseqarneq.
3. Suliffimmut, suliassanullu tunniusimasoq.
4. Qarasaasiamik nalinginnaasumik atuisinnaaneq.
5. Akunniliulluarsinnaaneq attaveqaqatigiilluarsinnaanerlu.
6. Suliffimmi timikkut tarnikkullu piginnaanernik pingaartitsineq.
7. Allatut ittunik aaqqiinermi nassaarsiullaqqissusermik piginnaaneqarneq.
8. Oqaluttariarsornikkut allattariarsornikkullu paasisitsiniaallaqqinneq.
9. Tamakkiisumik isiginnissinnaaneq aaqqeeriataarsinnaanerlu.
10. Suleqatigiissutinut arlaqarsinnaasunut piareersimaneq.

Sukumiinerusumik paasissutissanik pissarsiniaraanni uunga saaffiginnittoqarsinnaavoq:

Forstander Karen Larsen tlf: 342610 imaluunniit uunga: kkst@nanoq.gl Imaluunniit tullersorti Lillian Lennert Frederiksen tlf: 342611 imaluunniit lilf@nanoq.gl 

Atorfinitsinneqarnissaq: 1. Juni. 2024 imaluuniit isumaqatigiissuteqarnikkut.

Qinnuteqarnissamut killiffigititaq: 9. Maj 2024. Atorfininnissamut oqaloqatiginninnissaq sap. ak.20-mi pinissaanut naatsorsuutigineqarpoq. Qinnuteqartunut naliliinerup ataavarnissaanut pisinnaatippugut.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk