Peqqissutsimut Naalakkersuisoqarfimmi peqqinnissakkut ilinniarsimasumut siunnersortissarsiorpoq

Peqqissutsimut Naalakkersuisoqarfimmi peqqinnissakkut ilinniarsimasumut siunnersortissarsiorpoq 

Nunatsinni peqqinnissamut politikkiat ineriartortitseqataaffigerusullugulu nikerartunik suliaqarnissat nuannaraagit sunniuteqaqataaffigerusullugillu? Peqqissutsimut immikkut ilisimasaqaruit atorfissaqartippatsigit.

Atorfik Periusissiornermut Pilersaarusiornermullu immikkoortortaqarfimmi inissisimavoq. Immikkoortortaqarfimmit Peqqissutsimut Naalakkersuisoq sullinneqartarpoq aammalu oqartussaasutut aamma ineriartortitsinermut suliassanut kiisalu naalakkersuisoqarfiup peqqissutsimut tunngasut iluini suliassanut akisussaasuulluni. Immikkoortortaqarfimmi sulinermut Peqqissutsimut Naalakkersuisumik Naalakkersuisoqarfiullu pisortaanik sullissineq ilaavoq.

Suliassat Suliassat ilaatigut makkuussapput:

• Peqqissutsimut sulianik misissueqqissaarinernik, nassuiaatinik, pilersaarutinik aamma peqqissutsimut sulianut periusissianik pingaarnernik kiisalu taakkunanngalu nakkutilliinermik nalilersuinermillu suliaqarnerit.
• Naalakkersuisumik peqqissutsimut sulianik siunnersuineq
• Inatsisartunit Naalakkersuisunillu peqqissutsimut suliat pillugit apeqqutinik suliarinninneq.
• Naalakkersuisoqarfinnik allanik immikkoortortaqarfiinillu suleqateqarneq
• Naalakkersuisoqarfimmi suliassanik isumaginninnermi malinnaalluni ataatsimiinnerni peqataaneq

Piginnaasat

Naatsorsuutigaarput qaffasissumik attuumassutilimmik, minnerpaamik kandidatitut qaffasissusilimmik ilinniagaqarsimassasutit aamma peqqissutsimut tunngasutigut misilittagaqartutit. Taakku saniatigut naatsorsuutigaarput:

• Suliniutinut ataqatigiissaarinermut aqutsinermullu piginnaasaqarneq
• Allattariarsornermi piginnaasaqarneq
• Aaqqissuussaasumik sulisassasutit, peqqissaartuusutit pitsaassutsimillu pingaartitsillutit, piffissanillu killiliussanik eqqortitsillaqqissasutit
• Suliassaqarfimmi, politikkikkut soqutigineqartumi allanngortitsinissamut piumassuseqartutit
• Pingasuinnik oqaaseqartutit – kalaallisut, qallunaatut tuluttullu
• Sulinermi aaqqiinissamik pingaartitsissasutit
• Ulluinnarni ulapaarfiusumi taarseraattunik sulitilluni suliassaqarfiusumi sulilluarsinnaassasutit

Oqartussaaffimmi angisuumi, pissanganartumi unammillernartumilu atorfimmik pissanganartumik nammineersinnaaffiusumillu neqerooruteqarpugut. Ulapaarfiusumik pitsaasunik suleqateqarluni persuarsiunngitsumillu oqaloqatigiiffiusinnaasumik suliffeqarpugut. Suliffiuvugut soqutiginartunik suliatigullu unammillernartulik, tassani suleqatigiissinnaaneq suliamullu tunngatillugu pikkorissuseqarneq assut pingaartinneqarput.

Sukumiinerusumik paasisaqarusuppit?

Atorfik pillugu paasissutissat sukumiinerusut immikkoortortaqarfimmi pisortamut Aka Olesen-imut saaffiginnilluni pissarsiarineqarsinnaapput, oqarasuaammut +299 34 66 69, e-mail: akol@nanoq.gl.

Qinnuteqarfissamut killerititaq

Qinnuteqaat CV ilanngullugu, ilinniarsimanermut uppernarsaatit assilinerat kiisalu attavigineqarsinnaasut / allattorsimaffik qinnuteqaammut ilanngullugit innersuussissut ataaniittoq link aqqutigalugu kingusinnerpaamik ulloq 06. maaji 2024 nassiunneqassapput.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk