Paaqqinnittussannik immikkoortortaqarfik Nuuk pissarsiorpoq
Meeqqerivimmik Immikkoortortaqarfik aaqqissugaanik ulluunerani angerlarsimaffimmi paaqqinnittussarsiorpoq.
Kommuneqarfik Sermersooq, Meeqqeriveqarnermik Immikkoortortaqarfia ulluunerani angerlarsimaffimmi paaqqinnittussannik Nuummi pissarsiorpoq.
Angerlarsimaffimmi paaqqinnittoq sisamanik meeraateqartarpoq 0 - 3-nik ukiulinnut, piffissami nal.700-1700.
Pingaartinneqarpoq paarsisartuusussaq perorsaanermik misilittagaqartuunissaa. Piumasarineqarpoq angajoqqaanik meeqqerivinnullu sullissivimmut pitsaasumik suleqateqarsinnaasuunissaa.
Kommunip aaqqissugaanik ulluunerani angerlarsimaffimmi paaqqinnittartut qaammammusiaqarput Kalaallit Nunaanni Naalakkersuisut aamma Sulinermik Inuussutissarsiuteqartut Kattuffiata akornanni isumaqatigiissutaat malillugit.
Atorfiit inuttassarsiuuneqartut ulloq naallugu atorfiuput, Meeqqerivik ”Paarsisoq”-mi pisortaq qaninnertut pisortarissavaa.
Atorfiit imarisaat:
Angerlarsimaffimmi paarsisup atorfimmi suliassaqarfiit, ataanilu makkuninnga suliaqarluarsinnaasumik pissarsiorpugut:
∙Suleqatinut allanut maligassiuisoq.
∙Atuisunut qanimut suleqatiginnissinnaassusilik.
∙Meeraq qitiutillugu, meeqqamullu angajoqqaatut oqartussaasut suleqatigalugit, meeqqamik pitsaanerpaamik ikorfartuinissaq qularnaassavaa, tassuunakkut meeqqap peqqissumik imaqarluartumillu inerikkiartornissaa qularnaarumallugu.
Naatsersuutigaarput:
∙Meeqqanut isumaginninnermullu ikiortitut ilinniarsimassaatit imaluunnit meeqqerinermi sullissinermi misilittagaqarsimassaatit.
∙Ammasuusaatit oqitsumillu periaaseqartoq.
∙Patajaatsumik pitsaassusilimmillu sullissisinnaasoq.
∙Suliamut pimoorussillutillu saaffigiuminartuusutit.
∙Suleqatigiinnissamut piginnaasaqarluartutit.
∙Tatitooq, pilersitsiniaallaqqissoq inissaqartitsiuartoq piumassuseqartorlu.
∙Kisimiilluni aaqqissuulluakkamik sulisinnaasoq.
Neqeroorutigissavagut:
∙Sulinermi atugassarititaasut pitsaasut.
∙Isumassarsiassanut nutaanut eqqarsaatinullu periarfissat.
∙Suleqatit angajoqqaallu suleqatigiilluartut.
∙Suleqatigiinneq nuannersoq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: fagchef Ane Marie Lynge Møller, oqarasuaat +299 36 73 25 imaluunniit e-mail: anmm@sermersooq.gl
Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Qinnuteqaat:
Qinnuteqaat qulequtserlugu Atorfiup ilisarnaataa 687-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: juulip 23.-at, 2024