Ornittagaatitsinni Orpikkami perorsaasumik ujaarlerpugut
Ivaaraq meeqqanut, inuusuttuaqqanut kiisalu inersimasunut annertuumik innarluutilinnut nuna tamakkerlugu ulloq unnuarlu angerlarsimaffiuvoq.
Ivaaraq marlunnik immikkoortortaqarpoq; tungujortoq qulinut inissalik kiisalu sungaartoq ineqartunut tallimanut inissalik. Ineqartuutivut tamarmik ulluinnarni ikiorneqarnissaminnik pisariaqartitsisarput.
Nunatsinni taama ittuni kisiartaanerput pissutigalugu najugaqartuutivut Nunatsinni sumiiffinnit assigiinngitsunit aggersuupput.
Ornittagaatitsinni Orpikkami perorsaasumik pissarsiorpugut. Tassani kisivit atorfiliussaatit, kisiannili immikkoortortavut marluusut ulluinnarni peqataaffigissallugit.
Neqeroorutigaarput suliffik ineriartortoq, ilaatigut assigiinngitsunik suliallit suleqatigiinnerannik assut pingaartitsivigisarput.
Ujartugaraatsigit:
• Peroraasutut ilinniagaqaruit
• innarluutilinnik sullissinermut ilisimasaruit imaluunniit sulinikkut misilittagaqarluaruit.
• Minnerpaamik siusinnerusukkut meeqqanik inersimasunillu sammisaqartitsinermik suliaqarsimaguit
• Tamatigoortumik sulissinermik namminersornermilu nuannarisaqaruit
• Perorsaasutut Orpikkami atorfeqartutut Ivaaqqap immikkoortortaani tungujortumi sungaartumilu immikkoortortami aqutsisut peqatigalugit najugaqatuutitta piginnaasaat aallaavigalugit sammiseqartinneqarnissaat pilersaarusiortassavat.
• Sianiutilerineq aallaavigalugu perorsaanermut ilisimasaqarneq iluaqutaassaaq, immikkuli piumasaqaataanngilaq
• Aaqqissugaanikkut pisortap ataani atorfeqassaatit, pisortalli tullia suliatigut qanimut suleqatigissallugu.
Piffissaq suliffik tassaavoq 8.00-16.00, ulapaarfinnilu immikkoortortani ulluinnarni suleqataasarsinnaaguit iluaqutaassaaq.
Ulluinnarni sulinermi kalaallisut oqaatsit atugaammata oqaatsit taakku pisinnaasaqarfiginissaat minnerunngitsumillu kalaallit kulturiata ilisimasaqarfiginissaa iluaqutaassaaq.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.