Nuummi Pillorissaasut timimillu sungiusaasut suleqatigiit timimik sungiusaasumik sulisussarsiorput
Kommuneqarfik Sermersooq / Suliffeqarnermut Isumaginninnermullu Ingerlatsivik/ Inunnut Innarluutilinnut aamma Tarnikkut Nappaatilinnut Immikkoortortaqarfik/Nuuk
Piginnaanngorsaqqiineq pingaarnertut suliassaralugu Nuummi Pillorissaasut aamma timimik sungiusaasut suleqatigiit timimik sungiusaasumik sulisussarsiorput, ajornanngippat 1.juni 2024 tamatumaluunniit kingorna piaartumik atorfinittussamik.
Timimik sungiusaasutut ilinniarsimasuuguit Nuummilu piginnaanngorsaqqiinermilu nukinnik atuillutit sulilernissat eqqarsaatigigukku Kommuneqarfik Sermersuumi piginnaanngorsaqqiillutik suleqatigiinni timimik sungiusaasutut atorfik immaqa ilinnoorpoq.
Pillorissaasut aamma timimik sungiusaasut suleqatigiit suliassaat pingaarnernut sisamanut agguagaapput aamma immikkut ittumik suliaqarfimmik ataatsimik peqarpoq: Meeqqanut suliassaqarfik, Inersimasunut suliassaqarfik, Piginnaanngorsaqqiinermut aamma Innarluutilinnut suliassaqarfik & tarnimikkut innarluutilinnut suliassaqarfik inuunerissaarnerulernissamut teknologiimik atortorissaarutinut tunngasunik immikkut ittumik akisussaaffilik.
Pillorissaasut aamma timimik sungiusaasut suleqatigiit innuttaasut qanorluunniit ukioqaraluartut timikkut, eqqarsartaatsikkut, malugissutsikkut aamma/imaluunniit tarnikkut ulluinnarni unammillernartitaminnik namminersorsinnaanerulernissaannut suleqataapput. Taamaaliortarpugut ilaatigut piginnaanernik ulluinnarsiutaasunik siunertaqarluartunik sammisaqartitsinerit aqqutigalugit. Piginnaanernik attassiinnartitsinermik sungiusarneq, ataasiakkaarinikkut holdikkaartumilluunniit. Innuttaasut inuunerminni nammineersinnaanerunissamut, orniguteriaannaalernissamut peqataalluarsinnaalernissamullu iluaqusersuutinik mikisunik angisuunillu tunineqarnissaannut nalilersuineq, atukkiineq tunniussinerlu.
Ineriartornermik ingerlatsinermik aallartitseqqammerpugut, pingaarnertullu suliatsinnik ineriartortitsinitsinni suliatigut piginnaasat, assigiinngissuseq, ataatsimoornerlu ilisarnaataapput. Innuttaasut nammineersinnaanerulernissaannik pitsaanerusumillu inuuneqalernissaannik tapersersornerat.
Kommuneqarfik Sermersuumi piginnaanngorsaqqiinermut immikkoortortaqarfimmi tapertariilluni suleqatigiilluartunut ineriartortitseqataallutillu sunniuteqaqataarusuppit taavalu pillorissaasoq/timimik sungiusaasoq immikkut ittumik akisussaaffilik angerlarsimaffimmilu ikiortit suleqatigalugit inuunerissaarnerulernissamut teknologiimik suliniutinik nutaanik pilersitseqataallutit, taamaappat illiuvoq ujartugarput!
Atorfik ullormut suliffiusussaq tamaat suliffiuvoq (nal. ak. 40-t) Nuummilu ataatsimut allaffeqarluni, ullut tassanngaaniit aallartittassaaq.
Timimik sungiusaasup suliassai:
∙Innuttaasunut napparsimavimmi uninngasimasunut, piginnaasakillisimasunut angerlarsimaffimmilu ikiorneqarnermik imaluunniit annertunerusumik angerlarsimaffimmi ikiortimik pisariaqartitsisunik suliassaqarfiit allat peqatigalugit piginnaanngorsaqqinnerit.
∙"Paaqqutarineqalernissaq sioqqullugu piginnaanngorsarneq" atorlugu piginnaanngorsaanermik suliniuteqarneq.
∙Ilisimasalittut naliliineq misissuinerlu
∙Ulluinnarni suliassat pillugit piginnaanngorsaqqiineq sumiiffimmi pillorissaasoq angerlarsimaffimmilu ikiortit suleqatigalugit
∙Innuttaasup angerlarsimaffiani imaluunniit qasuersaartitsisarfimmi timip uninngatiinnannginnissaa siunertaralugu eqaarsaartitsineq.
∙sungiusarnermut, ilitsersuinermut naliliinermullu tunngasunik angerlarsimaffimmut pulaarnerit.
∙Qinnuteqaatinik suliaqarneq iluaqusersuutissanik aamma inigisami allannguutit.
∙Iluaqusersuutinik pisiniarnerit, tunniussineq kiisalu iluaqusersuutinik sungiusaaneq/ilitsersuineq
∙Suliassaqarfinnut allanut, kommunip utoqqarnik paaqqinnittarfiini sammisassaqartitsiviinilu suleqatigilluartakkani paasissutissanik ingerlatitseqqiillaqqissoq.
∙Uppernarsaatit
∙allaffissornermi suliassat:
∙susassaqarfiit arlallit suleqatigiinnerat.
∙Sullitanik ataatsimeeqateqarneq, ilaqutaasunik aammalu akimortumik suleqatigiinnik ataatsimeeqateqartarneq
Pisariaqartitarput tassaavoq:
∙Timimik sungiusaasoq ilinniarsimasoq
∙Piginnaanngorsaqqinnissamut tunngasunik soqutigisaqarluartutit
∙Utoqqaat tungaatigut ilisimasaqarluartutit, ajornanngippat ulluinnarni piginnaanngorsaaqqiinermik misilittagaqarsimasuusutit.
∙Assigiinngitsunik sulialinnik suleqatigiittarnermik ilisimasaqarluartoq
∙Iluaqusersuutinut tunngasunik ilisimasalik.
∙Nammineersinnaassuseqarneq sulinermilu nammineq aaqqissuussisinnaaneq.
∙Isumassarsiullaqqissuusutit iliuuseqarusussuseqartoq suliatigullu inissilluarsimasutit.
∙Kulturini assigiinngitsuniissinnaasutit
∙Pissutsinut allanngorarsinnaasunut tulluarsarsinnaasutit.
∙Suleqatigiinnut suleqataalluartoq, ammasoq inissaqartitsilluartorlu.
∙Ingerlatitseqqiilluarsinnaasutit - suleqatigiinnullu allanut ilinniartitsilluarsinnaallutik
Uagut neqeroorutigaavut:
∙Pitsaasumik ilisarititsineq.
∙Suliffeqarfik pissanganartoq illit annertuumik sunniuteqarfigisinnaasat
∙Pillorissaasut aamma timimik sungiusaasut suleqatigiinni ingerlalluartuni sulianut tunngasunik siunnersueqatigiilluartarneq
∙Suliassat assigiinngiiaartut pissanganartullu
∙Suleqatit pikkorissut piumassusillillu
Suliatigut piginnaasat, assigiinngissuseq, ataatsimoornerlu suleriaatsimik siunissaq ungasinnerusoq eqqarsaatigalugu kivitsinissamut pingaaruteqarsoraavut. Taamaattumik suliniutinik nutaanik, suliatigut uatsinnut qaninnerulersitsisussanik aallarnisaalluta aallartilluareerpugut. Kukkussutitta oqaluuserinerisigut ilinniutiginerisigullu ataatsimut pikkorinnerulersinnaanerput upperaarput.
Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Suleqatigiinnut aqutsisoq Heidi Paneeraq Møller, oqarasuaat +299 274985 imaluunniit e-mail: hepm@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 521-24 -mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: juunip 13.-at, 2024