Paasissutissat
Atorfik: Aningaasaqarnermut Siunnersorti
Suliffeqarfik: Namminersorlutik Oqartussat
Qinnuteqarfissaq kingulleq: 31. maaji 2024
Attaveqarfissat: Ane Wraae Nielsen
Nunalerinermut Immikkoortortaqarfimmi aningaasaqarnermut siunnersorti
Ulloq atorfiniffissaq: 1. juuli 2024 imaluunniit sukumiisumik isumaqatigiissuteqarnikkut.
Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfimmi Nunalerinermut, Nukissiornermut Silallu Pissusianut Immikkoortortaqarfimmi suleqatissarsiorpugut. Ulluinnarni immikkoortortaqarfimmi sulisut quliupput, suliassaqarfinnut pingasuusunut agguagaasunik, taakkununngalu suliassaqarfik ataaseq nunalerinermut tunngasuuvoq.
Nunalerinermik suliaqartunut, nunalerinermik inuussutissarsiuteqarnermik ingerlatsinermik ineriartortitsinermillu, aammalu suliassaqarfimmi inuussutissarsiutinik siuarsaanermi aaqqissuussinermik aqutsinermik akisussaaffeqartunut suleqataassaatit.
Suliassatit
Suliassatit pingaartumik nunalerisuniit inuussutissarsiutissarsiornermut tapersiissutinut qinnuteqaatinut tunngasuussapput. Piginnaaneqarfitit naalakkersuinikkullu suliassat apeqqutaallutik suliassatit assigiinngissinnaapput. Ilaatigut suliassavit ukuunissaat naatsorsuutigisinnaavat:
- Inatsisitigut tunngaviusut naapertorlugit inuussutissarsiutinik siuarsaanermut qinnuteqaatinik suliaqarneq
- Namminersorlutik Oqartussat taarsigassarsititsisarnermi sullississutaat XAL aqqutigalugu inuussutissarsiutinik siuarsaanermi tapersiissutinik akiliisarneq aamma taarsigassarsititsisarnermi sullississummik nutaamik ineriartortitseqataaneq
- Taarsigassarsinissamut qinnuteqaatinik suliaqarnermut atatillugu Nunalerinermut Siunnersorteqarfimmik, Savaatillit Peqatigiit Suleqatigiissunik kiisalu nunalerisunik suleqateqarneq, kisiannili aamma ineriartortitsinermi suliassanut atatillugu suleqateqarnerusinnaavoq
- Immikkoortortaqarfiup aningaasanut inatsimmi nunalerisunut kontoni atuinermut malinnaanissamik qulakkeerinninneq
- Naalakkersuinikkut sulialinnut sullisseqataaneq, tassunga ilanngullugit ingerlatitseqqinnermi suliassat, soorlu tusagassiorfinnut nalunaarutinik, oqalugiaatissanik paasititsiniaanernilu tapersiissutissanik il.il. suliaqarneq.
Nunalerinermik inuussutissarsiuteqarnerit pingaartumik Kalaallit Nunaata kujataani ingerlanneqarput, taamaattumillu Kalaallit Nunaata kujataani angalasarnissat naatsorsuutigisinnaavat.
Piginnaaneqarfiit
Suliassatit pingaarnerit inuussutissarsiutinik tapersiissuteqarnissamut qinnuteqaatinik suliaqarnermut tunngasuussapput. Taamaattumik aningaasaqarnermut pikkorissuusariaqarputit, aammalu naatsorsuuserinermi missingersuusiornermillu ilisimasaqaruit iluaqutaassaaq. Aaqqissuussamik sulisinnaassaatit, suliassallu torersuunissaat nuannarissavat. Suliassat aallaqqaataaniit naggataanut malinnaaffigisinnaanissaat ataqqinaatigaat, suliassallu aqunnissaat piginnaaneqarfigaat, aammalu pisariaqartikkaangakku ikiortissarsiorsinnaavutit.
Kalaallisut oqalussinnaavutit aammalu ilakkuminartuuvutit, torersuuvutit, ikiuukkumatuujuvutit attaveqaqateqarnermullu piginnaaneqarluarlutit. Qinnuteqartut oqarasuaatikkut oqaluutingaatsiartarsinnaavatit, taamaattumillu aamma tamatumunnga tunngasortaata piginnaaneqarfigilluarnissaa pingaaruteqarpoq.
Taamaattumik naatsorsuutigaarput:
- aningaasaqarnermut attuumassutilimmik ilinniagaqarnissat
- ataqatigiissaakkamik sulisinnaanissat piffissaliussanillu malinnissinnaanissat
- akisussaaffimmik tigusinissamut ersisuissuseqarnissat
- inuit suliassaqarfiillu assigiinngitsorpassuit tatiginartumik suleqatiginissaannik pilersitsisinnaanissat
- kalaallisut danskisullu oqaatsinut piginnaaneqarnissat
Aamma kissaatigaarput:
- kalaallit nunalerinerannik ilisimasaqarnissat
- naalakkersuinikkut aalajangiisarnermi suliassanik paasisimaarinninnissat misilittagaqarnissallu
- Namminersorlutik Oqartussat IT-mut atortuinik, soorlu F2-mik, XAL-imik aamma IRIS-imik ilisimaarinnittuunissat
Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfik pillugu
Naalakkersuisoqarfimmi sulisut 45-t missaanniippugut, taakkunanngalu Nunalerinermut, Nukissiutinut Silallu Pissusianut Immikkoortortaqarfimmi sulisut qulit missaanniipput, ilinniartut ilanngullugit. Tamatuma saniatigut pisortat pilersuisoqarfiat Nukissiorfiit, Innaallagissiornermut Oqartussaasut, Pinngortitaleriffik aamma Asiaq Naalakkersuisoqarfimmut immikkoortortaqarfittut inissisimapput.
Naalakkersuisoqarfimmi suliassat inuiaqatigiinnut pingaarutillit Kalaallit Nunaannut iluaqutaasumik isumagisaraagut. Ulluinnarni sulisut akunnerminni nuannersumik, aammalu suliat inernerinut namminneerlutik sunniuteqarsinnaanerinut inissaqartitsiviusumik pissuseqarput.
Ineriartortitsinermi pissanganartorpassuarnik suliaqarpugut, aammalu atorfinni ineriartorsinnaallutit misiginissat uagutsinnut pingaaruteqarpoq.
Naalakkersuisoqarfiup aqutsisuisa nukittuumik ataavartumillu qaffasissusilimmik toqqissisimanissaq pingaartippaat. Naalakkersuisoqarfimmi uninngaannannginnerput, pimoorussinerput akisussaaffinnillu tigusisarnerput ilisarnaatigaarput. Naalakkersuisoqarfik ataaseq ataatsimoorfigaarput, assigiinngissutsigut nukittoqqutigalugit. Taamaattumik avatangiisini toqqissisimanartuni sulisinnaanerit, tamatumunngalu tapertatut tunniussaqarsinnaanerit takusinnaassavat.
Neqeroorutigaavut
- Akisussaaffik annertooq, taamatullu pitsaasumik allannguinissamut periarfissaqarneq
- Suliffeqarfik pilerinartoq, ataqqinniffiusumik tatiginniffiusumillu silaannaqarfiusoq
- Suliassaqarfik tamatigoortoq pissanganartorlu, nunami namminermi nunarsuarmilu annertuumik aallunneqartoq
Akissarsiat atorfeqarnermilu atugassarititaasut
Akissarsianut atorfeqarnermilu atugassarititaasunut, tassungalu atorfininnermut soraarnermullu atatillugu angalanissanut pequtinillu nassiussinissanut pisinnaatitaaffeqarnerit ilanngullugit, piffissami atorfiniffiusumi Namminersorlutik Oqartussat kattuffiillu isumaqatiginninniarsinnaatitaasut ilaasortaaffigisat akornanni isumaqatigiissutit atuuttut malinneqassapput.
Piffissaq suliffiusoq tunngaviusumik sapaatit akunnerannut nal. ak. 40-nik sivisussuseqarpoq.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Qinnuteqarnissamut killiliusaq
Qinnuteqaat CV-mik aamma soraarummeernermut uppernarsaatit assilinerinik ilaqartinneqartoq linki matuma kingulianiittoq aqqutigalugu kingusinnerpaamik 31. maaji 2024-mi nassiunneqassaaq.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job
Qinnuteqaat nassiuguk