Nivinngaqqitaq Ilinniarnermi aqutsisoq
Nivinngaqqitaq Greenland business school ilinniarnermi aqutsisussarsiorpoq ilinniakkanut ingerlaqqiffiusunut
Ilinniarneq soqutigisaraajuk? Ilinniakkanut ingerlaqqiffiusunut ilisimasaqarpit aammalu niuernermut tungasunik misilittagaqarpit? Suliffitsialammik ikorfartueqataarusuppit, aqutsisut tatiginartut, qanilaartullu peqatigalugit, siunissamilu inuiaqatigiit pisariaqartitaat Greenland Business School-imiik soraarummeertut sakkussanik ilisimasanillu tuniorarnissaannut? taava illiuvoq ujangarput.
Greenland Business School ilinniarfiuvoq ilisimasaqarluartoq eqeersimaartorlu, inuussutissartiutinut sammiviup iluani ilinniakkanik atituumik ilalinnik suliffeqarfiit pisortallu peqatigalugit neqeroorutilik. Greenland Business School massakkut inerisaavoq neqeroorutinik nutaanik piorsaalluni, taamaasilluni ilinniartunik aammalu inuiaqatigiinni sulisussat atorfissaqartitat pikkorissut pilersinniarlugit. Taakkua ilinniakkat ingerlaqqiffiusut ilaatigut tassaapput bachelor- aamma akademi-mi ilinniakkat kiisalu aningaasalersueriaaseq pillugu ilinniakkat.
Suliassatit…
Ilinniarnermut aqutsisutut tamakkiisumik akisussaaffigissavat pilersaarusiorneq, ingerlatsineq aammalu ilinniakkat ingerlaqqiffiusut pitsaasuunissaannik qulakkeerinninnissaq, peqqissaartumik suliannullu eqqortumik suliaqarsinnaasoq. Sulinerup piumasaqaatigaa naammagittartuunissat, suliavillu sinaakkutaasa iluani tatiginassusermik pilersitsisinnaanerit. Ilinniarnermi nakkutilliisutut akisussaaffigissavattaaq ilinniartut ullormi pitsaalluinnartumik ilinniartitaanikkut atugassaqartinnissaat, aammalu ilinniarnerminni ilinniakkanik pitsaasumik ilinniartinneqarnissaat, ilinniakkat tamaasa akimorlugit.
Ilinniarmermi aqutsisutut suleqatigiinnut ilanngutissaatit, tassani suliat tunngaviusumik ilinniakkaniik ingerlaqqiffiusunut ilinniakkanut kiisalu ilinniaqqinnerit nikeqattaarfiusumi. Ilinniartitsisunut aaliangersimasumik ilinniakkanut attuumassusilinnut aqutsisutut inississaatit. Ilinniartitsisoqatigiinnut tapertanut ilanngutissaatit ilinnut ilinniakkanut tungasunut.
Suliassatit pingaarnertut ukuussapput:
Ulluinnarni ilinniatitsinerup ingerlarnge inatsisit malillugit ingerlanneqarnissaa
Ilinniartitsinissap ingerlanneqarnissaanut pilersaarusiorneq, uani suliassat agguataarneri, misilitsinnissamut aaqqissuussinerit aammalu skemaliornissaq
Studieordning-it, ilinniartitsissutissanik kiisalu pilersaarutit ineriartortitsinissamik akisussaasuussaatit
Ilinniakkanik ilinniatitsinerullu nalilersortarneri, uani aamma ilinniartut atugarissaarnissaannut misissuinerit.
Ilinniakkanut aggersunut ineriartortitsinissaq peqataaffiginissaa.
Kissaatigaarput…
Inuussutissarsiutigalugu- aammalu qaffasinnerusumik ilinniagaqarsimassasutit, kissaatiginarpoq pædagogikummimik naammassisaqarsimassasutit.
Ilinniartitaanermi aqutsinermik aamma ilinniakkanik pilersaarusiornermik – aaqqissuussinermik uanilu immikkut skemaliorneq, tiimillu agguataarneri misilittagaqarfigisimassagitit.
Perorsaanikkut ilikkarnissamullu ineriartortitsinermik misilittagaqassasutit, ilinniarfiusumi naammassisaqanermik takutitsisinnaallutit.
Sulisut, ilinniartullu atortorissaarnissaat pingaartillugit salliutillugillu suleqatigisinnaassagitit
Oqaloqatigiissinnaanermik nassuiaassinissamillu annertuumik peqassasutit, kalaallisut qallunaatullu oqalussinnaaneq annertuumik pingaartinneqarpoq.
Neqeroorutigaangut…
Suliffik pissanganartoq, ilinniarfimmi ineriartortumi, ilinniartunik sulisunillu pilersitsiniarnermi pingaarnertut inissisimasunik suleqateqarneq. Suliffik sulisunik aqutsinermik ingerlataqartoq. Tassani ineriartortisinermi aammalu atuutitsinermi ilinniakkanut tungasunik peqataanissamut periarfissalik. Sulianik pissanganartunik imalik aammalu pikkorissunik eqeersimaartunillu suleqateqarnermik avatangiiseqarluni sulinissamut periarfissaqarneq kiisalu suleqatit pinngorartitsinissamik piumassusillit suleqatiginissai, ulluinnarni quiasaarneq atuuttuuvoq aamma.
Sulinerup sivisussusaa nal.ak. 40-t sap.ak.-nut. Sulilernissaq 1. september 2024 imaluunniit isumaqatigiinneq malillugu.
Paasissutissat allat
Ilutsinni ilinniarmi aqutsisutut imminut takorloorsinnaavit, atorfimmilu annerusumik paasisaqarusullutit, taava Ilinniarnermut pisortaaq Troels Friis attavigisinnaavat, oqarasuaat +299 34 25 57, mail trfr@gbs.gl atorlugit.
Greenland Business School pillugu paasisaqarsinnaavutit ugguuna www.gbs.gl.
Qinnuteqaat
Qinnuteqaammut killigitinneqarpoq ulloq 10. juli 2024. Oqaloqateqarnerillu qinnuteqarfik naappat ingerlanneqassapput.
Tusarfiginissat qilanaaraarput!
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.