Neqerooruteqartitsisarnermi inatsisilerinermi imaluunniit periusissatigut pisiortortarnernut misissueqqissaarinernut piginnaasaqarpit?
Periusissatigut pisiortortarnermik Namminersorlutik Oqartussanut sullisserusuppit, soorlu pisiortornerit neqeroornerillu suliarisarnissaannik? Neqerooruteqarnermi inatsisilerituutut periuseqarnissaq piginnaasaqarfigaajuk, Paasissutissanik misissueqqissaarillaqqippit, kisitsisilerillaqqippit imaluunniit Paragraffit ilisimalluarpigit? Taava immaqa Pisiortortarnernut, inissiigallartarnermut Inissianillu Attartuinermut Allaffeqarfimmi suleqatissatsinni ilaavutit.
Allaffiup atuuffii
Namminersorlutik Oqartussat sinnerlugit neqerooruteqartitsinermut aamma tunngaviusumik isumaqatigiissusiornerit
Namminersorlutik Oqartussani immikkoortut sinnerinut pissarsinernut atatillugu siunnersuineq
Namminersorlutik Oqartussani pisiortortarnerup inerisarnera pitsanngorsarneralu
Ataatsimut siunertaraarput akileraartartut aningaasaataat sapinngisamik pitsaanerpaamik atornissaat tassani qulakkiissallugu, pilersuisullu namminersortut imminnut unammilleqatigiinnerat tamanut naapertuuttumik paasiuminartumillu tunngaveqarnissaa.
Suliassatit
Inatsisilerituumik økonomimilluunniit ujartuivugut, ilaatigut makkuninnga suliaqariaannaasumik:
Neqeroorutit isumassarsiamiit nalilerneqarneranut atuuttussanngortinneqarneranullu naammassisumik suliaqarneq
Isumaqatigiissutit naammassillugit suliarineri, isumaqatigiissuteqarneq, isumaqatigiissutit atuuttussanngortinneri aamma aqunneri
Pilersuisunik isumaqatiginninniarnerit
Pisiortornermi ataatsimut suleqatigiinneq ataqatigiissaarinerlu, taassuma ataani Neqerooruteqartitsisarnermut atatillugu suliniummi aqutsisuuneq.
Neqerooruteqartitsinermut aamma suliarinnittussanik isumaqatigiissusiornermut atatillugu Namminersorlutik Oqartussat immikkoortortaqarfiinik siunnersuisarneq
Sulisut atorfeqarnerannut atatillugu inaannut tunngasunik malittarisassanik ilitsersuineq
Pigisat aalaakkaasut pillugit attartuinissamik isumaqatigiissusiornerit
pisiortornerup iluani ineriartortitsinissamut suliassani peqataaneq/ataqatigiissaarineq, taassuma ataani pisiortornermi politikkit, atortorissaarutitigut ikorfartuineq, ilinniartitaaneq
Illuutinik ingerlatsinermut aserfallatsaaliinermullu tunngasuni naatsorsuinerit
Namminersorlutik Oqartussat pisiniariaasiinik pitsaanerpaaffiliineq
Isumaqatigiissutinik, maleruagassanik eqquutitsisarnernik pisanullu tulluuttunik misissueqqissaarnernik malitseqartitsineq
Immikkoortortaqarfimmi aqutsisoqarfimmilu takkussortunik aningaasarsiornikkut misissueqqissarnermi suliaqarnerit
Allaffik Ingerlatsinermut aserfallatsaaliinermullu imikkoortortaqarfimmut aammalu Aningaasaqarnermut Sulisoqarnermullu Aqutsisoqarfimmut ilaavoq. Suliffik soqutiginartoq inussiarnersumik suleqatigiiffiusoq persuarsiorpalunngitsorlu neqeroorutigisinnaavarput aammalu assigiinngitsorpassuarnik suliassartalik. Pisiortortartoqatigiinni ilaassaatit, matumanilu pingaartipparput qaffasissumik suliatigut inissisimanissaq kiisalu suleqatit pimoorussisut, nuannaartut sullisserusuttullu. Allaffik mikisuuvoq, tassanilu suliassat amerlapput ikioqatigiillutalu sulisarluta. Aammattaaq illumi allaffiit allat qanimut suleqatigisarpavut taannalu aqqutigalugu isumasioqatigiilluarnissaq qitiutinneqartarpoq.
Sulineq sapaatip akunneranut akunnernik 40-nik sivisussuseqarpoq.
Atorfiniffissaq: 1. september 2024 isumaqatigiissuteqarnikkulluunniit.
Ilinniakkat misilittakkatillu
Illit inatsisilerinerup tungaatigut kandidatitut ilinniarsimasoq aammalu/imaluunniit aningaasalerinerup tungaatigut tunuliaqutaqartuusutit (ass. cand.merc.jur, cand.jur, cand.merc, cand.scient.pol. imaluunniit kandidatitut ilinniagaq alla attuumassusilik) ajornanngippallu pisortatigut neqerooruteqarnermi misilittagaqareersimasinnaasutit ujartorpatsigit. Toqqagassat allanik ilinniarnerup tungaatigut tunuliaqutallit atassutilinnik misilittagaqareersut, aammalu ilinniarnermini inerlaat naleqquttumik piginnaasallit aamma isiginiarneqarput
Illit inuttut piginnaasatit
Allaffiup suliarisartagai assigiinngitsorpassuupput, taakkulu naleqquttumik piginnaanilimmik ujarlernitta takussuserpaa.
Sulisunik tamatigoortunik ammasunillu pisariaqartitsivugut, sulianik arlalinnik ataatsikkut ingerlatsinissaminnut nuannarisalinnik attaveqarluartunillu. Taamaattumik ukua piginnaaneqarfigissavatit:
attaveqaammik pilersitsineq aammalu Suliassaqarfiit assigiinngitsut aqqutigalugit aaqqissugaanikkullu suleqatigiinneq
Aaqqissuulluakkamik sulisinnaaneq aaqqiissuteqarniartartuunerlu, nammineerluni akisussaaffimmik tigusisinnaassuseqarneq suliamilu naammassinissaasa tungaannut malinnaasarneq
Allattariarsornikkut oqaatsitigullu paasiuminarsaallaqqissuunissaq
Sulilersussap piukkunnaatillip immikkut siunnersortitut atorfinitsinneqarsinnaanera periarfissaavoq.
Attaveqarneq qinnuteqarnerlu
Atorfik pillugu apeqqutissaqaruit, tikilluaqquneqarputit attavigissallugu allaffeqarfimmi pisortaq Anders Malinovski ugguuna andm@nanoq.gl imaluunniit +299 34 58 39. Kalaallit Nunaanni Namminersorlutik Oqartussat pillugit paasissutissat nalinginnaasut pissarsiarineqarsinnaapput nittartakkakkut www.naalakkersuisut.gl. Aningaasaqarnermut Sulisoqarnermullu Aqutsisoqarfimmut tunngasut uani sukumiinerusumik atuarsinnaavatit: www.asa.gl.
Qinnuteqaatip nassiunnissaanut ulloq 1. juli 2024 killigitinneqarpoq.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job