Naluttarfik Malik annaassiniartartumik/nalunnguarnermik ilitsersuisumik pissarsiorpoq
Naluttarfik Malik annaassiniartartumik/nalunnguarnermik ilitsersuisumik pissarsiorpoq 1. augustimut imaluunniit isumaqatigiinnikkut / Job nr. 673/24
Naluttarfik Malik pikkorissumik tunniusimasumillu annaassiniartartumik/nalunnguarnermik ilitsersuisumik ulloq 01. august 2024 aallarnerfigalugu sulilersinaasumik pissarsiorpoq.
Pissarsiorpugut – annaassiniartartutut misilittagaqartumik – ulluinnarni naluttarfiup ingerlanneqarnerani peqataasinnaasumik aammalu suliassanik allanik tigusisinnaasumik soorlu:
·Nalukkiartunik nakkutilliineq ulluinnarnilu eqqiaaneq
·Nalunnguarnermik ilitsersuineq meeqqat atuarfianni 4.klassit aamma nalunnguarnermik ilitsersorneqarusuttut allat
·Cafemi aamma billetsinik tuniniaaneq
·Suliassat takkuttut assigiinngitsut
Suliassat annaassiniartartut pigaartuat sulisullu allat qanimut peqatigalugit suliarineqartarput.
Naluttarfik MALIK aalajangersimasunik 14inik sulisoqarpoq 9nillu vikareqarluni. Aalajangersimasumik sulisut holdit pingasuupput, taakkulu annaassiniartartutut pigaartumit aqunneqarput, ulluinnarni sulisunik aqutsisuusunit, suliassat suliarineqartarnerat sullitallu attavigineqartarnerat naapertorlugu. Atorfik tamakkiisumik atorfiuvoq, sapaatip akunneranut akunnerit suliffiusut 40t qaammammullu akissarsiaqarfiusoq.
Illit pillutit naatsorsuutigisavut
·Nalussinnaaneq aammalu naluttarfimmi annaassiniarnermik naammassisaqarsimaneq
·Ikiueqqaarnermik naammassinnilluni angusaqarsimanissaq
·Nalunnguarnermik ilitsersuisutut pikkorissarsimaneq – Pikkorissarneqarneq ingerlanneqarsinnaavoq
∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.
Pingaartipparputtaaq illit
·Aalajaatsuunissat, pitsaassutsimik ilisimasaqarnissat aammalu sullitanik sullissisinnaalluarneq
·Namminersorluni sulisinnaassuseqarneq, akisussaassuseqarneq sullissinissamillu aallussisinnaaneq
·Tamatigoortuuneq suliassat aammalu ingerlaavartumik sulianik agguataarinermi iluarsartuussinerit eqqarsaatigalugit
·Tatitussuseqarneq suliniuteqarusussuseqarneq, nukissaqarneq namminerlu iliuuseqarsinnaaneq
·Suliassatta naammassineqarnissaannik inerisaaqataaneq pitsanngorsaaqataanerlu peqataaffiginissai
Neqeroorutigaavut:
Sullivimmi ineriartortumi allanngulerfiusumilu atorfik unamminartoq, imarisai pillugit nammineq sunniuteqarfiusinnaasoq aamma nammineq akisussaaffeqalernissamut sunniuteqarfigineqarsinnaasoq. Pingaartipparput atorfimmut sullivimmullu patajaatsumik iseriartuaarnissaq anguniagaraarpullu pitsaasumik suliffeqarnissap qulakkeerneqarnissaa aqutsisut qanimut isumasioqatiginerisigut.
Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: pisortaq Carla Villadsen, oqarasuaat +299 366314 imaluunniit e-mail: cavi@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 673-24 -mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: juulip 15.-at, 2024