Najugaqatigiiffik Seernaq tullersortissarsiorpoq

Paasissutissat

Atorfik: Ikiorti aqutsisoq

Suliffeqarfik: Kommuneqarfik Sermersooq

Qinnuteqarfissaq kingulleq: 10. juli 2024

Attaveqarfissat: Tupârnak' K. Raage, mobil. +299 547846 imaluunniit e-mail: tuki@sermersooq.gl

Najugaqatigiiffik Seernaq tullersortissarsiorpoq

Inunnut Innarluutilinnut Tarnimikkullu Nappaatilinnut Immikkoortortaqarfik eqeersimaartumik tunniusimasumillu Najugaqatigiiffik Seernami tullersortissarsiorpoq Aqutsisuni sulineq misilittagaqarfigerusukkukku najugaqartunullu allanngueqataarusussuseqarlutit, taava illerpiaq suleqatissatut amigaatigivatsigit.

Atorfik piffissaq tamakkerlugu sapaatip akunneranut 40 tiimit nal. 8.00-miit 16.00 tungaanut ullukkut suliffiuvoq. Aqutsisoq qanimut suleqatigissavat taassumalu peqannginnerani illit aqutsisumut paarlattaasassaatit immikkoortoqarfimmi aqutsisut allat tapersersortigalugit. Eqqumaffigissavat ulluinnarni naliginnaasumik suliffiup avataatigut aqutsisuni inissisimanerni sulinermut tunngasunik sianerfigitittarsinnaagavit.

Najugaqatigiiffik Seernaq Nuummi najugaqatigiiffitsinni annerit ilagaat. Najugaqatigiiffik 18-inik najugaqartuuteqarpoq timikkut tarnikkullu innarluuteqarput ilaatigut ineriartornermikkut akornutillit autismertullu. Illit pingaarnertut suliassarissavat najugaqartut tarnimikkut, inooqataanikkut aamma nalinginnaasunik piginnaasassanik inerisaaviginissai, taamaalillutik sapinngisamik imminnut ikiorsinnaalersillugit. Suleqatitit peqatigalugit najugaqartut kissaataat malillugit pitsaasumik imaqarluartumillu inuuneqarnissaannut tapersersussavatit. Sulisut 25-t missaaniittut ilaaffigilissavatit, peqqinnissamut tunngasunik ilinniagallit, perorsaasut ilaalu ilinniagaqartuunatik.

Suliassatit:

∙Aqutsisup peqannginnerani aqutsinermik ingerlatsinermillu suliassanik isumaginninneq

∙Suliassanut pikkorissusermik akisussaaqataaneq, taassumap iluaniillu sulisut najugaqartullu piginnaasaanik atuineq ineriartortitsinerlu

∙Aningaasaqarnermut akisussaaqataaneq politikkikkut aningaasat atugassat akuerineqarnikut aallaavigalugit

∙Suliffissanik aaqqissuusinermut akisussaaqataaneq, taassumap iluaniilluni nikingasoqartillugu nalunaartussaaneq aammalu piffissamut siumungaaq pilersaarusiorsinnaaneq

∙Tullersortitut naapittarnernut peqataasarnissaq

Ilinnit naatsorsuutigineqartut:

∙Inuit innarluutillit tarnimikkullu nappaatillit sullinnerini ilisimasaqartutit

∙Aqutsinermut sapiissuseqartutit misilittagaqartutillu, piumasaqaataanngilarli

∙Ineriartorusussuseqarneq aamma immikkoortoqarfik eqqarsaatigalugu, taamaalilluni najugaqartuusumut allannguineq pingaaruteqarluinnartoq pilersillugu

∙Aqutsisoq suleqatigalugu sulisunut ersarissumik assigiimmik anguniagaqarneq

∙Suliffeqarfimmi ilisimasanik avitseqatigiiffiusumi, suleqatigiiffiusumi oqaloqatigiiffiusumilu sulinissamut piumassuseqartutit

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.

Qulaani taakkartorneqartut saniatigut kissaatigivarput:

∙Allanik ilinniagallit peqatigalugit suleqatiginnissinnaasutit

∙Attaveqarluarsinnaasutit

∙Ataqqinnillutit akuersaarpalaarlutillu naapitsisinnaasutit

∙Tatiginninnermik pilersitsisinnaassuseqartutit suleqataalluarlutillu

∙Inuttut sanngisuujutit eqqissisimasuullutillu

∙Ersarissumik attaveqarsinnaasutit killiliisinnaallutillu

∙Aalaakkaasutit aqutsisuniillu aaliangiussat aalaakkaallutit ingerlattassagitit

∙Iluarsiissutissanut suliniuteqartutit suliffissanullu nikeraratarsinnaasunut naleqqussarsinnaassuseqartutit

Uagut pilluta:

Atorfimmi tassani ataatsimooqatigiinnermi annertuumi peqataassaatit: Immikkoortoqarfiuvugut arfineq-pingasunik najugaqatigiiffeqartut, najugaqatigiiffiit allat tallimat, sammisassaqartitsinermut ataatsimooqateqartitsinissamullu neqeroorutinik marlunnik kiisalu tapersersorteqarfiit pingasut Nuummi, Tasiilami Paamiunilu agguataarsimasut.

Immikkoortoqarfimmi annertuumik ineriartorfiusussanngortumi pissanganartumilu atorfimmik neqeroorfigivatsigit. Ineriartortitsinermi ilaatigut pineqarlutik sulilerlaatut iluamik ilitsersuunneqarnissat, ingerlaavartumik siunersioqatigiittarnissamik kiisalu suliatigut ataatsimooqatigiiffeqarnissamik imaqarput.

Tusarfiginissat qilanaaraarput.

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: aqutsisoq Tupârnak' K. Raage, mobil +299 547846 imaluunniit e-mail: tuki@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 626-24 -mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk: 

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: juulip 10.-at, 2024

Atorfik una qinnuteqarfigiuk

Powered by Labrador CMS