Naatsorsuuserivimmi SHARED SERVICE CENTERIMI NUUMMIITTUMI immikkoortortami aqutsisoq

Royal Greenland A/S tunniusimasumik piumassuseqartumillu qullersaqarfimmi Nuummiittumi Shared Service Centerimi erngerluni atorfinissinnaasumik immikkoortortami aqutsisussarsiorpoq.

Atorfik pillugu paasissutissat:

Shared Service Center (SSC), suliffeqarfissuup nunatsinni aallussinerani allaffissornerup annerpaartaanik, matumani aamma naatsorsuuserinermik, isumaginnittuuvoq.

Immikkoortortami aqutsisutut SSC-mi aqutsineq ulluinnarni akisussaaffigalugulu nakkutilliinermi suliassat assigiinngitsut nammineerlutit suliarissavatit. 

Akiitsulinnut naatsorsuuserivik

Arfinilinnik, ataatsimoorlutik Royal Greenland A/S-ip tunisassiorfiinut 37-iusunut ingerlatseqatigiiffinnullu attuumassuteqartunut arfinilinnut naatsorsuuserinermut suliassanik suliaqartartunik, sulisoqarpoq.

Aningaasaqarnermut atortoq SAP atorlugu akiitsoqarnermut suliassat uku suliarineqartarput:

· Takussutissianik nalunaarsuineq malittareqqiinerlu

· Akiitsoqarfigisatsinnut akiliineq

· Naligiissaarinerit assigiinngitsut

· Naatsorsuuserivimmi nalinginnaasumi suliassat allat, matumani piffissap ilaanut ukiumoortumillu naatsorsuusiornermi suliassat assigiinngitsut.

Aqutsisutut pilersaarusiorneq, suliassanik tunniussuineq aamma sulianik naammassisanik malittareqqiineq kiisalu sulisunik ilinniartitsinerup qulakkeerneqarnissaa suliarisassavatit.

Sullivimmi avatangiisitsinni immitsinnut nalunnginnerput qanimullu suleqatigiinnerput ilisarnaataavoq. Taamaaliornikkut aalajangiinermi peqataasinnaaneq suliatigullu ilisimasanik ingerlatitseqqiisinnaaneq suleqatigiinnut tamanut periarfissaavoq 

Nakkutilliisutut suliassat:

• Akiitsoqarnermut naatsorsuuserivik pillugu suleriusissanik suliaqarlutillu ilitsersuisassaatit.
• Nakkutilliisut allat suleqatigalugit RG-p aqutsinermut isumaqatigiissuteqarfigisai pillugit qaammatikkaartumik nakkutilliisassaatit.
• Piffissap ilaani ingerlatsinermilu nalunaarusiornermik suliaqarneq, matumani ingerlatseqatigiiffik Pelagic Greenland A/S pillugu missingersuutinut sanilliullugu nikingasoornerit pillugit nassuiaateqarneq.
• Misissuinerni, matumani pitsanngorsaaniarluni misissuinerni kingornalu malittareqqiinerni, suleqataaneq
• Naatsorsuuserinermi takussutissanik suliffeqarfiup avataani kukkunersiuinermut atugassanik piareersaaneq.

Inuttut suliatigullu piginnaasat:

· Naatsorsuuserinerup iluani ilinniarsimasoq, Cand.merc.-itut imaluunniit HD(R)/HA, imaluunniit aningaasaqarnermik pisuussutilinnillu aqutsinermi qaffasissumik ilinniarsimasoq minnerpaamik ukiuni tallimani misilittagalik.

· Kukkunersiuinermut suliffeqarfimmi naatsorsuuserivimmiluunniit sulisutut misilittagalik.

· Suliffigisami allami aqutsinermik misilittagalik.

· Annertunerusumik ERP-lerinernik (ajornanngippat SAP) Microsoft Office-milu pingaarnertut MS Excel-imik atuinermut ilisimasaqarluartoq.

· Namminersorsinnaasoq ulapaarfimmilu tamakkiisumik isiginnissinnaasoq

· Torersoq peqqissaartorlu

· Qinnuteqartut marluinnik oqaasillit (kalaallisut/danskisut) piumaneqarnerussapput.

Neqeroorutigaagut:

· Sullivimmi avatangiisit soqutiginartut pissanganartullu

· Piginnaasat naapertorlugit inissisimaneq

· Inuttut suliatigullu ineriartorneq

Royal Greenland sulisunut inissamik neqerooruteqarsinnaanngilaq.

Atorfik pillugu paasisaqarnerorusukkuit aningaasaqarnermi ingerlatsisoq Lars Wittendorff oqarasuaammut 361354-imut sianerlutit saaffigisinnaavat.

Soqutiginnikkuit qinnuteqaatit, ilinniakkat siornatigullu suliffigisimasat pillugit paasissutissat kiisalu oqaaseqaatit piaartumik kingusinnerpaamillu 25.04.24 mailimut uunga nassiutikkit: lawa@royalgreenland.com

Ingerlaavartumik oqaloqatiginnittoqartarumaarpoq.

 Uani qinnuteqarit