Naalakkersuisut Siulittaasuata Naalakkersuisoqarfiani Inatsisilerinermut immikkoortortaqarfik inatsisilerituumik pikkorissumik sulisussarsiorpoq

Inatsisilerinermut immikkoortortaqarfik pisortat ingerlatsineranut inatsisinut, ilanngullugit pingaartumik naalagaaffimmi pisortanilu ingerlatsinermut inatsisinut, soqutiginnittumik inatsisilerituumik pikkorissumik sulisussarsiorpoq.

Inatsisilerinermut immikkoortortaqarfik pillugu

Inatsisilerinermut immikkoortortaqarfik Naalakkersuisut Siulittaasuata Naalakkersuisoqarfiata ataaniippoq, tassani Kalaallit Nunaanni naalakkersuisut siuttuat (Naalakkersuisut Siulittaasuat) sullinneqarluni. Immikkoortortaqarfiup suliassaanni ilaatigut ilaatinneqarput:

• Inatsisinik maleruagassanillu, soorlu inatsisissanut, nalunaarutinut, kommunit maleruaqqusaannut suliassaqarfiillu akimorlugit kaajallaasitanut siunnersuutinut, inatsisilerinikkut pitsaassutsinik qulakkeerisarneq.

• Inatsisinut qarasaasiatigut katersivinni aalajangersaanerit, nalunaarutiginninnerit allanngutsaaliuinerlu.

• Naalakkersuisut Siulittaasuata inatsisitigut siunnersorneqartarnera, ilanngullugit inatsisitigut allakkianik akissuteqaatinillu suliaqarnikkut.

• Naalagaaffiup pisortallu ingerlatsinerannut inatsisini maleruagassanik ilitsersuisarneq, ilanngullugit inuit pisinnaatitaaffii aalajangersimasut Naalakkersuisoqarfinni suliassaqarfiit akimorlugit.

• Inatsisini pitsaassusissat, suliassanik suliarinnittarneq allatigullu inatsisilerinermi qulequttat pillugit pikkorissaanerit.

• Naalagaaffimmi pisortanilu ingerlatsinermut inatsisinik ilitsersuutitalinnik allanngutsaaliuineq kiisalu inatsisini piareersaanermi aamma Naalakkersuisoqarfiit akimorlugit suliassaqarfinni suleqatigiissitaliani peqataaneq.

• Naalakkersuisut aamma Inatsisartut) akornanni inatsisiliornermi suleqatigiinnernut tunngavissiineq, taamatullu Namminersorlutik Oqartussat qitiusumilu naalagaaffimmi oqartussat akornanni suleqatigiinneq.

Inatsisilerinermut immikkoortortaqarfimmi inatsisilerituutut inatsisilerituut kajumissuseqarluartut suleqatigiit, politikki qitiutillugu qaffasinnerpaamik suliatigut pitsaassusilimmik sullissisinnaasussat, suleqatigilissavatit.

Illit pillutit

Cand.jur. imaluunniit cand. merc. jur. ilinniagarivatit, atuagarsornermi pitsaasunik tunuliaqutaqarluarlutit suliaqarnermilu misilittagaqarlutit. Ilinniarnerminnik naammasserlaat aamma ba. jur. aamma atorfimmut isiginiarneqarsinnaapput. Nassuiaammi matumani ilinnut ilisarisinnaavutit:

• Pisortat ingerlatsinerannut inatsisit, ilanngullugit pisortat ingerlatsinerannut inatsisit aamma inatsisiliornermi sulianik ingerlatitsisarneq, iluanni annertuumik soqutiginnipputit misilittagaqaruillu pitsaassalluni.

• Suleqataallaqqipputit, isumasioqataallaqqipputit aammalu suleqaternut ilisimasanik avitseqateqartarputit, kisianni aamma nammineerlutit sulinerni akisussaaffimmik tigusisinnaallutit.

• Allattariarsornermi oqaluinnarnermilu ersarissumik eqqortumillu paasissutissiillaqqipputit oqaaseqatigiiliorsinnaallutillu.

• Tulleriissaartumik periaaseqarnissaq sukumiisortaalu pikkoriffigaatit, peqqinnartumik isumatusaarnissaq eqqumaffigilluarlugu. Qungujunnartunik nuannarisaqarputit, isumagissaartuullutit aammalu persuarsiorfiunngitsumi sullivimmi avatangiiseqarneq nuannarinerullugu.

• Kalaallisut/Danskisut marlunnik oqaaseqartuuneq iluaqutaassaaq.

Qinnuteqartunut naammattunik naleqquttunik misilittagalinnut immikkut siunnersortitut atorfinitsinneqarnissaq periarfissaqassaaq.

Nuuk pillugu

Nuuk 20.000-it missaannik inoqarluni issittumi illoqarfiit annersaraat nutaaliaasoq nunanut tamalaanut pingaaruteqartoq aammalu kulturikkut, pisiniartarnikkut sunngiffimmilu misigisassarpassuaqarluni. Illoqarfik aamma peqatigiiffilerinermi illup iluani ukiorlu tamaat sammisassarpassuaqarpoq, aammalu Nuup nunarsuarmi kangerluit annersaanni inissisimanera, Kalaallit Nunaanni pinngortitami asseqanngitsumi nuannerluinnartunik misigisassaqartitsivoq. Ukiuunerani timersornikkut sammisassani ilaapput ilaatigut ujakkaarluni aamma sangusaarluni sisorarneq / snowboarding (sisoraatinik majuartaat), qamuteralannik aamma immakkut nunakkullu ukiukkut aallaaniarneq. Aasaanerani sammisassani ilaapput ilaatigut qaqqami pisuttuarnerit, qaqqasiorneq, paragliding, qaannamik umiatsiamillu angalaarnerit, jetskiing, arfernik takuniaaneq aamma sunngiffimmi aalisarneq.

Qinnuteqarneq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Atorfinitsitsinissamut kissaatigineqarpoq ulloq 1. september 2024 imaluunniit erseqqinnerusumik isumaqatigiissuteqarnikkut. Atorfinitsitsinissamut oqaloqateqarnerit (nammineq tikillugu imaluunniit Teams aqqutigalugu) sapaatit akunneranni 30-mi ingerlanneqassasut naatsorsuutigineqarpoq.

Atorfik pillugu annertunerusunik paasisaqarusukkuit, inatsisilerinermi pisortaq Stefan Krehbiel oqarasuaat nr. +299 56 22 10 aamma e-mail: skre@nanoq.gl imaluunniit attaveqaqatigiinnermut pisortaq Irene Jeppson oqarasuaammut +299 34 52 81 aamma e-mail: ijep@nanoq.gl attavigisinnaavatit.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaat nassiuguk

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job