Meeqqat Angerlarsimafiat Ivaaraq imm. tungujortoq aqutsisumik ujaallerpugut
Ivaaraq meeqqanut, inuuduttuaqqanut kiisalu inersimasunut annertuumik innarluutilinnut nuna tamamakkerlugu unnuarlu angerlarsimaffiuvoq.
Ivaaraq marlunnik immikkoortortaqarpoq; tungujortoq qulinut inissalik kiisalu sungaartoq ineqartunut tallimanut inissalik. Ineqartuutivut tamarmik ulluinnarni ikiorneqarnissaminnik pisariaqartitsisarput ilarpaaluilu kaasuartakkanik atuisuusarlutik.
Ataatsimut isiginnittaaseq atugaraarput, ataasiakkaat pisariaqartitaat aallaaviilu isiginiartarlutigit. Ineqartut ataasiakkaat tamarmik najoqqutassiorfigineqartarput ineriartornissaannullu pilersaarusiorfigineqartarlutik, kommunerisaallu qanimut suleqatigisarpavut.
Neqeroorutigisinnaavavut:
- suliffik ineriartortoq, ilaatigut assigiinngitsunik suliallit suleqatigiinnerannik assut pingaartitsivigisarput.
- suleqatigiinnermik, attaveqatigiilluarnermik kiisalu minnerunngitsumik suliffimmi avatangiisinik pitsaasunik aallussiviusoq.
- suliffik allanngorartunik suliassaqarfiusoq ullullu allanngorartut.
- immikkoortortami aqutsisumik allamik, pisortap tullianik pisortamillu qanimut suleqateqarfiusoq.
Ujartugaraatsigit:
- aqutsisutut misilittagaqaruit, imaluunniit aqutsinermut ineriartorumaguit perorsaasutullu ukiorpaalunni misilittagaqaruit.
- aqqutissiuinermik, suliassanik agguataarinermik kiisalu Pisortap tullianik suleqateqarnermik, sulisunik ineriartortitsinermik soqutiginnikkuit, apeqqutaatinnagu perorsaasuunersut ilinniagaqarsimanngitsuunersulluunniit.
- Kissaatigisarput tassaavoq immikkoortortami aqutsisoq ammasoq, tusaaniartoq ajunngitsunullu isiginnittaasilik. Ajornartorsiutit pinnagit qaangerniagassanik isiginittaaseqartoq.
Ivaaraq Nunatsinni kisiartaalluni annertuumik innarluutilinnut angelarsimaffiuvoq, najugaqartuutivullu nunatsinnit tamarmit pisuupput, taamaammat najugaqartuutitta angajoqqaavinik qanimut suleqateqarneq pingaaruteqarpoq. Ulluinnarni anguniartagarput tassaavoq najugaqartuutivut imartuumik toqqissisimanartumillu inuuneqartissallugit.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Suliassat itinerusumik paasisaqarfigigerusukkit uunga saafiginninnissanut tikilluaqqusaavutit: Ivaaraq Pisortaa Inge Kolby Pedersen på 64 57 44 imaluuniit e-mail: forstander@ivaaraq.gl eller Ivaaraq pisortaata tullia Malene Høegh-Olsen på 64 57 43 imaluuniit e-mail: souschef@ivaaraq.gl
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.a