KTI-mi kontorfuldmægtigissarsiorpoq.

KTI-mi Aatsitassanik Ilinniarfimmi allaffeqarfik kontorfuldmægtigissarsiorpoq.

KTI ilinniarfiuvoq nutaaliaq, Nuummi aamma Sisimiuni inuussutissarsiornermi ilinniakkanik Savimminilerinermut ilinniakkanut, Sanaartornermi ilinniakkanut, Aatsitassarsiornermut, Ilinniarnertuunngorniarnermut aamma oqaatsitigut pikkorissarnermut tunngasuni. 

Københavnimi Maskinmesterskole KTI-mi inissisimavoq, kiisalu Danmarks Tekniske Universitet – ARCTIC DTU ingerlatsinikkut suleqatigalugit ingeniøritut ilinniakkat marluk ingerlanneqarlutik.

KTI taassuma saniatigut kollegiani inissianut 360-inut, atuartut, sulisut aamma kollegiap kantiinaani Sisimiuniittuni ingerlatsinermut akisussaasuuvoq.

Sisimiuni KTI-mi allaffimmioqatigiinni kontorfuldmægtigitut suleqatigiinnut ukununnga ilanngutissaatit, allaffeqarfimmi aqutsisoq 1, allaffeqarfimmi sulisut 9.

KTI pissanganartumik sammisassatigut ineriartorfiuvoq, ilinniakkanik pikkorissarnernillu ilinniakkanut tunngasuni amerlanerusunik neqerooruteqarpoq.

Kontorfuldmægtigitut pingaarnertut akisussaaffitit suliassatillu tassaapput:

•  Ilinniartunik sullissineq
•  Ulluinnarni IRIS aningaasaqarnermut aqutsissummik suliarinninneq
•  Ulluinnarni ilinniartunut aqutsinermi atortumik IT-reg-imik, Lectio-mik aamma Mit Perspektiv-imik suliaqarneq
•  AMA/PKU-mi pikkorissarnerit naligiissinneri kiisalu isumannaarinninnerit
•  Ilinniartunut pikkorissartunullu aggersaanerit
•  Ilinniartut pikkorissartullu angalanerinik ineqarnerinillu inniminniinerit
•  Ilinniartunut kisitsisitigut paasissutissat
•  Ilinniartunut pikkorissartunullu atuarnermut uppernarsaatit
•  Atuarfimmi misiliisunik inersimasunullu ilinniartunut aningaasarsianik nalunaarutiginninnermi nalunaarsuineq
• Suliassat assigiinngitsut takkussuuttut allat

Kontorfuldmægtigitut KTI-mi allaffeqarfimmi sulisut allat qanimut suleqatigissavatit, kiisalu Ilinniagaqarnersiuteqartitsivik USF, Majoriaq, sinerissami sumiiffiit arlallit aamma Den Centrale Regnskabsafdeling DcR.

Suliassatigut piginnaasat

• Allaffimmiutut ilinniagalik
• Allaffimmi sulinermik aningaasaqarnerlu pillugu sulinermik misilittagalik - ajornanngippat ilinniarnermut tunngasunit.
• Excel, Outlook, Lectio, IT-Reg, XAL, IRIS & Mit Perspektiv lisimasalik (ilinniartitsisoqarsinnaavoq)

Inuttut piginnaasat

• Aalajaatsoq akisussaaffeqartorlu
• Suleqateqarnissamut piumassusilik piginnaasalillu.
• Marlunnik oqaasilik - kalaallisut & danskisut.

Neqeroorutigisinnaavagut

• Suliffik unammillernartoq allanngorartorlu.
• Suliffeqarfik ineriartorfiusoq.
• Suleqatit pikkorissut, tunniusimasut pitsaasullu.
• Suleqatigiinnermik tunngavilimmik suliffimmi avatangiisilik, piginnaanernik aamma suleqatigiinnermik pingaartitsisoq.

Qinnuteqaatit ataavartumik suliarineqassapput piaarnerpaarlu atorlugu atorfinitsitsisoqarsinnaalluni. Qaammatini pingasuni sulilluni misiliisitsisoqassaaq.

Paasissutissat allat:

Paasissutissat allat pillugit Allaffimmi aqutsisoq Signe Ezekiassen +299 861644-mut imaluunniit mailikkut siez@kti.gl – imut attaveqarfigineqarsinnaavoq.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk