Paasissutissat
Atorfik: Radioqarfimmi pisortaq
Suliffeqarfik: KNR
Qinnuteqarfissaq kingulleq: 29. maaji 2024
Attaveqarfissaq: Pisortaq Annga Lynge oqarasuaatikkut 36 15 00 imaluunniit e-mailikkut: aly@knr.gl, imaluunniit HR pisortaq René Andersen oqarasuaatikkut 36 15 36 imaluunniit e-mailikkut ran@knr.gl.
Radiomut pisortaq radiomut immikkoortortaqarfimmi ulluinnarni aqutsinermut ineriartortitsinermullu akisussaavoq KNR-imilu aqutsisunut ilaalluni.
Radiomut pisortap periusissiami anguniagassanut akisussaasuussaaq Radiomullu immikkoortortaqarfiup siammarteriviit assigiinngitsut aqqutigalugit aallakaatitsisarneranut aaqqissuisoqarnikkut aallakaatitassiortarnikkullu qullersatut akisussaasuulluni. Radiomut pisortap aamma KNR-ip aallakaatitassiaata tamatigoortuullutillu soqutigisaqaqatigiiffiit aalajangersimasut soqutigisaannut attuumassuseqannginnissaat kiisalu ileqqorissaarnikkut illersorneqarsinnaanissaat qulakkeertussaavaa.
Tusagassiuutit silarsuaat sumi tamani ineriartupiloorfiuvoq. Unammilleqatigiinneq sakkortuvoq teknikkikkullu atortut allanngorartuarput, tamannalu allannguinissamik atugassarititaasullu allanngorartuartut isumagineqarnissaannik pisariaqartitsiffiuvoq, taamaattumillu KNR-imi Radiomut pisortassamik makkuninnga suliaqarsinnaasumik pissarsiorpugut
- Radiomut immikkoortortaqarfiup aallakaatittagaanik ineriartortitsillunilu pitsanngorsaasinnaasoq
- Aaqqissuisoqarfinnik nukittuunik nutaaliaasunillu pilersitsisinnaasoq suliatigut nutaaliornikkullu qaffasissumik periuseqarnikkut
- Radiomut immikkoortortaqarfiup erseqqissunik anguniagaqarfiullunilu piumasaqaateqarluni suliffittut ingerlalluarnissaanik qulakkeerinnissinnaasoq
- Sulisut akornanni atugarissaarnissamik kajumissusermillu qaffasissumik qulakkeerinnissinnaasoq
Piginnaasat:
naleqquttumik ilinniagaqarneq aqutsinermillu misilittagaqarneq pilersaarusiornermullu tunngatillugu paasisimasaqarneq
- siammarterivinni tamani tusagassiornermik tusagassiuutitigullu nutaaliaasumik aallakaatitassiornermik siammasissumik misilittagaqarneq
- suleqatigiilluarsinnaaneq, attaveqaqatigiilluarsinnaaneq sulisullu akornanni atugarissaarnissamik kajumissusermillu qaffasissumik qulakkeerinnissinnaaneq
- Kalaallit oqaasiinik allattariarsornikkut oqaluttariarsornikkullu qaffasissumik piginnaasaqarneq, aammalu danskisut tuluttullu oqalussinnaaneq.
Akissarsiatigut atorfeqarnermilu pissutsit
Atorfik akissaateqarfimmi LR 38-mi maanna inissisimavoq/akissarsiatigut aalajangersagaavoq.
LR 38-mi akissarsiat tapit aalajangersimasut ilanngullugit apriilip aallaqqaataani 2022-mi qaammammut Kr. 59.906-iupput ukiumoortumillu Kr. 718.872-iullutik.
Aallaaviatigut isumaqatigiissutini atugassarititaasut naapertorlugit atorfinitsitsisoqassaaq. Qinnuteqartorlu tjenestemanditut atorfeqareersimaguni Kalaallit Nunaanni pisortani tjenestemandit pillugit inatsit malillugu tjenestemanditut atugassarititaasut naapertorlugit atorfinitsitaasoqarsinnaavoq.
Naalagaaffimmi tjenestemandit aamma AC-nut isumaqatigiissutit arlallit, ilaatigut DJØF-ip Finansministereqarfiullu akornanni isumaqatigiissutit malillugit sulisut Namminersorlutik Oqartussani atorfinitsinneqarnerminnut atatillugu aningaasarsiaqaratik sulinngiffeqarsinnaatitaapput. Aammattaaq Nunamut namminermut Ministereqarfiup Namminersorlutik Oqartussani atorfinitsitaanerminnut atatillugu akissarsiaqaratik sulinngiffeqarallarnissamik qinnuteqaateqartunut akuersaartumik pissusilersortoqassasoq Namminersorlutik Oqartussanut innersuussutigisimavaa. Sulinngiffeqarallarnissaq pillugu aalajangersakkat Namminersorlutik Oqartussani inuit atorfinitsinneqartut aapparisaannut/inooqataannut aamma atuupput.
Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat. Piffissaq suliffiusussaq tunngaviatigut sapaatit akunnerannut nalunaaquttap akunnerinik 40-nik sivisussuseqarpoq.
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Namminersorlutik Oqartussat kattuffiullu isumaqatiginninniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Ineqarneq
Atorfimmut atatillugu inissaqartitsisoqanngilaq.
Qinnuteqartoq maanna atorfigisaminut atatillugu Namminersorlutik Oqartussat ataanni ineqareersimappat taanna tigummiinnarneqarsinnaavoq. Atorfimmut atatillugu ineqaraanni suliffimmit soraarnermi inigisaq qimanneqartussaavoq.
Attaveqarfissat paasissutissallu amerlanerusut
Paasissutissat amerlanerusut pisariaqartikkukkit Pisortaaneq Annga Lynge oqarasuaatikkut 36 15 00-imut sianerfigineqarsinnaavoq imaluunniit mailikkut aly@knr.gl-imut allaffigineqarsinnaalluni, imaluunniit HR-imi pisortaq René Andersen, oqarasuaatikkut 36 15 36-mut imaluunniit mailikkut: ran@knr.gl.
Qinnuteqarnissamut killissarititaasoq: maajip 29.-at, 2024
Atorfik una qinnutiguk
