Paasissutissat
Atorfik: TV-mut pisortaq
Suliffeqarfik: KNR
Qinnuteqarfissap ullua: 9. juni
Attaveqarfissaq: Direktøri Annga Lynge oqarasuaatikkut 36 15 00 imaluunniit e-mailikkut: aly@knr.gl, imaluunniit TV-mi pisortaq Niels Pavia Lynge, oqarasuaatikkut: 36 15 34 imaluunniit e-mailikkut: npl@knr.gl.
Ukiorpassuarni TV-mut pisortaasimasoq ukiumit nutaamit soraarninngussaaq. Taamaattumik KNR TV-mut pisortassarsiorpoq septemberip aallaqqaataani 2024-mi isumaqatigiissuteqarnikkulluunniit atorfinittussamik.
Maanna TV-mut pisortaasoq taartissami aallartinneranit soraarninngornissami tungaanut suliassanik tunniussissaaq aallartisartitsillunilu.
TV-mut pisortanngortoq TV-mut immikkoortortaqarfimmi aamma Radiomut teknikkimi sulisunut aammalu Qanoruumi teknikkimut ulluinnarni aqutsisuussaaq, KNR-imilu aqutsisunut ilaalluni.
TV-mut pisortap periusissiami anguniagassanut akisussaasuussaaq TV-mullu immikkoortortaqarfiup siammarteriviit assigiinngitsut aqqutigalugit aallakaatitsisarneranut aaqqissuisoqarnikkut aallakaatitassiortarnikkullu qullersatut akisussaasuulluni. TV-mut pisortap aamma KNR-ip aallakaatitassiaata tamatigoortuullutillu soqutigisaqaqatigiiffiit aalajangersimasut soqutigisaannut attuumassuseqannginnissaat kiisalu ileqqorissaarnikkut illersorneqarsinnaanissaat qulakkeertussaavaa.
Tusagassiuutit silarsuaat sumi tamani ineriartupiloorfiuvoq. Unammilleqatigiinneq sakkortuvoq teknikkikkullu atortut allanngorartuarput, tamannalu allannguinissamik atugassarititaasullu allanngorartuartut isumagineqarnissaannik pisariaqartitsiffiuvoq, taamaattumillu KNR-imi TV-mut pisortassamik makkuninnga suliaqarsinnaasumik pissarsiorpugut
- TV-mut immikkoortortaqarfiup aallakaatittagaanik ineriartortitsillunilu pitsanngorsaasinnaasoq
- Aaqqissuisoqarfinnik nukittuunik nutaaliaasunillu pilersitsisinnaasoq suliatigut nutaaliornikkullu qaffasissumik periuseqarnikkut
- TV-mut immikkoortortaqarfiup erseqqissunik anguniagaqarfiullunilu piumasaqaateqarluni suliffittut ingerlalluarnissaanik qulakkeerinnissinnaasoq
- Sulisut akornanni atugarissaarnissamik kajumissusermillu qaffasissumik qulakkeerinnissinnaasoq
TV-mut pisortassamik makkuninnga tunuliaqutalimmik KNR pissarsiorpoq
- TV-teknikkip, TV-mut aallakaatitassiornerup iluanni assingusumilluunniit ilinniagaqarneq
- aqutsinermik misilittagaqarneq
- tusagassiornermik, TV-mut teknikkimik aallakaatitassiornermillu siammasissumik misilittagaqarneq
- suleqatigiilluarsinnaaneq attaveqaqatigiinnermullu piginnaasaqarluarneq
- Kalaallisut, danskisut tuluttullu allassinnaaneq oqalussinnaanerlu
Akissarsiatigut atorfeqarnermilu pissutsit
Atorfik akissaateqarfimmi LR 38-mi maanna inissisimavoq/akissarsiatigut aalajangersagaavoq.
LR 38-mi akissarsiat tapit aalajangersimasut ilanngullugit apriilip aallaqqaataani 2022-mi qaammammut Kr. 59.906-iupput ukiumoortumillu Kr. 718.872-iullutik.
Aallaaviatigut isumaqatigiissutini atugassarititaasut naapertorlugit atorfinitsitsisoqassaaq. Qinnuteqartorlu tjenestemanditut atorfeqareersimaguni Kalaallit Nunaanni pisortani tjenestemandit pillugit inatsit malillugu tjenestemanditut atugassarititaasut naapertorlugit atorfinitsitaasoqarsinnaavoq.
Naalagaaffimmi tjenestemandit aamma AC-nut isumaqatigiissutit arlallit, ilaatigut DJØF-ip Finansministereqarfiullu akornanni isumaqatigiissutit malillugit sulisut Namminersorlutik Oqartussani atorfinitsinneqarnerminnut atatillugu aningaasarsiaqaratik sulinngiffeqarsinnaatitaapput. Aammattaaq Nunamut namminermut Ministereqarfiup Namminersorlutik Oqartussani atorfinitsitaanerminnut atatillugu akissarsiaqaratik sulinngiffeqarallarnissamik qinnuteqaateqartunut akuersaartumik pissusilersortoqassasoq Namminersorlutik Oqartussanut innersuussutigisimavaa. Sulinngiffeqarallarnissaq pillugu aalajangersakkat Namminersorlutik Oqartussani inuit atorfinitsinneqartut aapparisaannut/inooqataannut aamma atuupput.
Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat. Piffissaq suliffiusussaq tunngaviatigut sapaatit akunnerannut nalunaaquttap akunnerinik 40-nik sivisussuseqarpoq.
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Namminersorlutik Oqartussat kattuffiullu isumaqatiginninniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Ineqarneq
Atorfimmut atatillugu inissaqartitsisoqanngilaq.
Qinnuteqartoq maanna atorfigisaminut atatillugu Namminersorlutik Oqartussat ataanni ineqareersimappat taanna tigummiinnarneqarsinnaavoq. Atorfimmut atatillugu ineqaraanni suliffimmit soraarnermi inigisaq qimanneqartussaavoq.
Attaveqarfissat paasissutissallu amerlanerusut
Paasissutissat amerlanerusut pisariaqartikkukkit Pisortaaneq Annga Lynge oqarasuaatikkut 36 15 00-imut sianerfigineqarsinnaavoq imaluunniit mailikkut aly@knr.gl-imut allaffigineqarsinnaalluni, imaluunniit TV-mut pisortaq Niels Pavia Lynge, oqarasuaatikkut 36 15 34-mut imaluunniit mailikkut: npl@knr.gl.
Atorfeqarnermi pissutsit nalinginnaasut pillugit saaffiginnissutit Sulisoqarnermut pisortamut René Andersenimut ingerlatinneqassapput oqarasuaatikkut 36 15 36-mut imaluunniit mailikkut: ran@knr.gl.
Qinnuteqarnissamut killissarititaasoq: juunip 9.-at, 2024
Atorfik una qinnuteqarfigiuk
