Kalaallisut ilinniartitsisoq
Campus Kujalleq TNI-mi EUD kalaallisut ilinniartitsisussarsiorpoq.
Campus Kujalleq kalaallisut ilinniartitsisinnaasumik 1. august 2024 imaluunniit isumaqatigiissuteqarnikkut pissarsiorpoq, taamatullu aqqutissiuisutut piginnaasalimmik, aqqutissiuisutullu sulerusuttumik pissarsiorpoq.
TNI/EUD-mi ilinniartut ilinniartitsisuuffigissavatit, ilinniarfitsinni assigiinngitsunik TNI/EUD-mi ilinniartitaanerit ingerlappavut, taakkunanilu allaffimmiussatut aammalu pisiniarfimmiussatut ilinniartuullutik.
Illit ilinniakkavit tunuliaqutarissavai, meeqqat atuarfiani kalaallisut ilinniartitsisutut ilinniarsimanissat imaluunniit ilisimatusarfimmi bachelorgradimik angusisimanissat, kalaallisut ilinniartitsinermi piukkunnaatilimmik. Pitsaassagaluarpoq kalaallisut diplomuddannelse imaluunniit masteruddannelse pigigukku, tamannali pituttorsimanngilaq.
Sapaatip akunnerini akunnerit 40-it sullivittut naatsorsuussaapput.
Campus Kujalleq kujataani ilinniartoqarfinni annersaavoq, 70-it missaani sulisoqarpugut, ukiumullu 350-it missaani ilinniartoqartarluta.
Assigiinngitsunik sisamanik immikkoortortaqarpugut. Ilinniarnertuunngorniarfik 30-it missaanik ilinniartitsisulik, ukiumullu 175-it missaani ilinniartoqartarpoq, TNI/EUD allaffimmiussatut pisiniarfimmiussatullu ilinniarfik 10-it missaani ilinniartitsisulik ukiumullu 125-it missaani ilinniartoqartartoq, takornarialerinermik ilinniartitaanermik immikkoortortaqarfik tallimat missaani ilinniartitsisulik ukiumullu 50-it missaani ilinniartulik. Kiisalu pikkorissaanermik immikkoortortaqarfik sineriak tamakkerlugu pikkorissaasartoq.
Atorfimmut annertunerusumik paasisaqarusukkuit TNI-mi EUD-milu ilinniatitaanermi pisortaasoq Mogens Fontain tlf. +299 64 78 60 imaluunniit mf@cak.gl-mut allagaqarlutit.
Annertunerusumik Campus Kujalleq paasisaqarfigerusukukku, nittartagaq www.cak.gl iserfigalugu pissarsiarisinnaavatit.
Qinnuteqaatit kingusinnerpaamik 15. juli 2024 Campus Kujalliup nittartagaatigut takoqqusaarutikkut uploaderneqassaaq.
Qinnuteqaativit saniatigut minnerpaamik uku piumavavut:
ilinniarsimasamut uppernarsaat
CV sullivigisimasat aammalu aammalu ilinniakkat ingerlannikuusat
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.