![Ivaneq Angerlarsimaffimmut Perorsaasoq](https://image.sermitsiaq.ag/1491011.webp?imageId=1491011&width=960&height=606&format=jpg)
Ivaneq Angerlarsimaffimmut Perorsaasoq
Perorsaasut Angerlarsimaffik Ivaneq-mut
Perorsaasut Angerlarsimaffik Ivaneq-mut
Angerlarsimaffik Ivaneq ulloq unnuarlu angerlarsimaffiuvoq meeqqanik 0-18 tikillugit ukiulinnut. Isumaginninnermut Aqutsisoqarfiup ataani inissisimalluni.
Atorfiit inuttassarsiunneqartut atorfiniffissaq ulloq 1.8..2024 imaluunniit isumaqatigiissutit malillugit .
Angerlarsimaffik Ivaneq Kalaallit Nunaanni ulloq unnuarlu meeqqannut angerlarsimaffiit annersaraat meeqqanik 34-nik meeraateqarluni 0-niik 18-nit tikillugit ukiullit .
Suliffeqarfik arfinilinnik meeqqat ukiuinnut naleqqussakkanik immikkoortortaqarpoq.
Angerlarsimaffik Ivaneq-mi Perorsaariaatsimi anguniagaai.
atassuteqaqatigiinnermi perorsaariaaseq suleriuseraarput, tassalu taanna pisarpoq inuit imminnut naapeqatigiinneranni, immikkullu isiginiarneqarluni sulisup inersimasup ineqartullu peqatigiinnerat.
Angerlarsimaffik Ivaneq-mi perorsaariaaseq inersimasumut tunngavoq, inersimasullu attaviginnittariaasia meeqqamullu pissusilersuutaa isiginiarneqarlutik taamaattumik Angerlarsimaffik Ivaneq-mi perorsaariaatsimut ileqquisa najoqqutai ukuupput:
1. Toqqissisimasumik meeqqamut tunngavik - Pingaarnertut aappaattullu inummiit inummut attaveqaatit atortinneqarneri
2. Sanarfineqarneq siumullu nalunanngitsoq - aaliangersimasumik ullup ingerlarnga immikkoortortani tamani
3. Ulloq sammisassaqarfiusoq - meeqqat ullut tamaasa neqeroorfigineqassapput sammisassanik ukiuinut naleqquttunik
4. Atugarissaarneq pillugu ataatsimoortumik isumaq - inooriaatsimut malitassat immikkoortortani tamani
Perorsaasup suliassaasa ilagaat:
Pingaarnertut attaveqaataaneq
Ulluinnarni nakkutilliineq, misissueqqissaarneq eqqarsaasersornerlu meeqqat ulluinnarni allattuivianni
Ukiup affakkaartumik nalunaarusiorneq, perorsaanermullu suliniutissanik nassuiaaneq
Meeqqat tapersersorlugit sammisaqarnissaannut peqqinnartumik inooriaaseqarnermut
Aallaarsimaarnermut peqataasarneq
Illit:
Perorsaasutut ilinniarsimanissat
Eqqummaariffigigit meeqqanut sullitiligassannut/ akisussaaffigiligassannut annertuumik pingaarutiqassagavit
Ilisimasaqarnissat sumiginnagaasimanerup kingunerisartagaanik
Ulluinnarni annikitsumik iluatsittut nuannaarutigisaritit
Akerleriittoqaraangat tigusinnaagitit
Ajunngitsussaq periarfissallu salliutikkitit aporfissat tunulliullugit
Marluinnik oqaaseqartuusutit (kalaallisut qallunaatullu) taannali piumasaqaataanngilaq
Soqutiginnikkuit paasisaqarnerorusukkuillu attavigikkit
Pisortaq Beate Platou oqarasuaat +299 34 94 50 Email: beate@ivaneq.gl
Tullersortaagallartoq Mona Villadsen +299 34 95 51 EEmail: mov@ivaneq.gl
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.