IT-mut tapersersuisumik pissarsiorpoq

IT-mut tapersersuisumik KTI Tech College Greenland Sisimiuniittoq pissarsiorpoq.

Amerlanerit nalunngilaat: Qarasaasiaq qinngasaarileraangat eqqisisimanissaq nuannaarniarnerlu sapernarsisarluni.

Nuannaalertarpit sullissilluarsimagaangavit atuarfiup, ilinniartup suleqativillu IT-mik ajornartorsiutaa iluarsigaangakku, aammalu ilinniartup suleqatillu eqqissisarsinnaallugit.

Qulaaniittunut angeruit taava uku takukkit:

Kalaallit Nunaanni ilinniarfiit annersaasa ilaat IT-mik suliaqarsinnaasumik pissarsioqqippoq, atuarfiup ilinniartuinik sullissisinnaasoq, suleqatinik aqutsisunik ulluinnarni ulapaarfiusumi sullissisinnaasumik.

KTI atuarfiuvoq alliartuinnaavissoq inuiaqatigiillu pisariaqartitsinerat ilutigalugu. Atuarfik muteerniuvoq ilinniarfeqarfik pisariaqartitanik tamanik pilik, allaffersornikkut e-mik ilinniartitsisoq ungasissumiillu ilinniartitsisinnaasoq.

Atuarfimmi Sisimiuni suleqatitut inississuutit, immikkoortortaqarfimmilu IT-mi pisortaqarpoq, IT-mi tapersersuisoq aammalu IT-mi tapersersuisutut ilinniartoq.

Suliassat ukuupput:

• Sulisut ilinniartullu PC-anik, tablet-ianik allanillu aaqqissuussisartoq.
• First line-mi tapersersuisoq, Teknik IT-mi ingerlatitsisoq.
• Hardware/Software-mi ajornartorsiuteqartillugu tapersersuisoq.
• Office 365-mi aqutsisoq
• IT-mi ilitsersuisoq atuarfimmilu naliginnaasumik siunnersuisoq.
• Misilitsittoqartillugu tapersersuisoq, terminsprøvemi allanillu.
• IT-mi periutsinik nutaaqartillugu tapersersuisoq.
• Hjemmesidemik intranetimillu nutarterisoq.

Illit:

• IT-mi tulluartumik ilinniarsimasuussuutit
• Office 365-mut ilisimasalik
• Minnerpaamik ukiuni 2-5ni suliffeqarfimmi assigusumi misilittagalik
• Siusinnerusukkut ilinniarfeqarfimmi sulisimassasutit, piumasaqaataanngilarli
• Sullissilluartuunissat sukkasuumillu iliuuseqarsinnaanissat
• Namminersorlutit sulisinnaanissat namminerlu ulloq ilusilersorsinnaallugu.

Taamaammat uagut toqqassuatsigut 

• Periarfissinneqassuutit IT-mi immikkoortortaqarfimmi atortorissaartumi allanngorartuunngittumilu inerfiartornissarnut
• Suleqatissaqarputit savituunik IT-mik suleqatissaminnik pingaartitsisut
• Suliffeqarfik kajumiffiusoq nuannersumillu silaannalik misigissavat

Paasissutissat allat:

Neriuutigaarput, sulilersitsineq qaammatini pingasuni misiliutaaqqaassasoq.

Piaartumik suleqatitaarnissarput neriuutigaarput, taamaammat qinnuteqaatit ataasiakkaarlugit tigugaagatsigit misissussavagut.

Atorgimmut tunngatillugu paasisaqarusukkuit tikilluaqqusaavutit forstanderi Jokum Møller-i attavigissallugu +299 86 16 00, e-mail jomo@kti.gl imaluunniit IT-mi aqutsisoq Rene H. Kristensen +299 86 16 20, e-mail rhk@kti.gl

Kalaallit Nunaanni Tekniknimi ilinniarfik – KTI

KTI ilinniarfiuvoq Nuummi Sisimiunilu inuussutissarsiutiginiarlugu ilinniarfillit Jern og Metal, Sananerit illuliornerit, Aatsitassarsiornermut ilinniarfiit, Oqaatsinut ilinniarfiit, aammalu ilinniarnertuunngorniarnermut ilinniarfiit, e-GUX aammalu Nordatlantiskimik ilinniarnertuunngorniarfiit aammalu ingeniørinngornissamut pikkorissarfiit aammalu maskinmesterimut ilinniarfiit.

KTI ukiuni kingullerni pissanganartumik nutarterneqarnikuuvoq sammisassaqarnikkut, pikkorissartsitsinerit ilinniarfiusinnaasunut ingerlanneqarnikuullutik.

KTI-p suleqatigai Danmark-imi Teknisk Universitet – ARCTIC DTU, aammalu uku marluusut ingeniøritut ilinniarfiit Maskinmesterimullu ilinniarfiit Københavnimiittut.

Taassumap saniatigut KTI-p ilinniartut 360-it Sisimiuni kollegiaqarneri akisussaaffigalugit.

Takuuk aamma hjemmeside-put www.kti.gl, aamma kommunip hjemmeside-a www.qeqqata.gl.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk