Isumaginninnermut Suliffeqarnermullu Ingerlatsivimmi immikkoortortanut siunnersorti
Kommuneqarfik Sermersooq, Isumaginninnermut Suliffeqarnermullu Ingerlatsivimmi Oqartussaaffeqarfik
Pisartakkanik Isumaginniffimmi, Isumaginninnermut Suliffeqarnermullu Ingerlatsivimmi immikkoortortanut assigiinngitsunut siunnersorti / Atorfik nr. 662/24
Kommuneqarfik Sermersooq pikkorissunik kajumissuseqarluartunillu pisartakkanik isumaginniffimmi siunnersortimik 1. aggusti 2024-mi tamatumaluunniit kinguninngua atorfinittussamik pissarsiorpoq.
Pisartakkanik Isumaginniffimmi utoqqalinersiat - siusinaartumik pensionisiat, ineqarnermut tapiissutit aamma erninermut atatillugu sulinngiffeqarnermut pillugit inatsit atuuttoq malillugu aamma sullissisup/isumaginninnermi siunnersortip aalajangiinerani naliliinerit aalajangersimasut tunuliaqutaralugit sullissinissaq qulakkeerneqassaaq.
Pisartakkanik Isumaginniffik arlalissuarnik suliassaqartarpoq aammalu kommunip iluaniittunik avataaniittunillu arlalissuarnik suleqateqartarluni
Immikkoortortanut assigiinngitsunut siunnersortip suliassarissavaa immikkoortortanut ikiuisarnissaq, matumani immikkoortuni pisariaqartitsineq tunngavigineqartassaaq.
Nuummi immikkoortortaq arfineq-pingasut missaannik sulisoqarpoq, suleqatigiinnullu tallimanut agguataagaallutik – ineqarnermut tapiissutit pillugit suleqatigiit, utoqqalinersiallit pillugit suleqatigiit, erninermut atatillugu sulinngiffeqarnermut, akiligassalerisut, controllerillu suleqatigiit.
Atorfik piffissaq suliffiusussaq tamakkerlugu suliffiuvoq, pisartakkanik suliassaqarfimmi immikkoortortami aqutsisoq qaninnertut aqutsisoralugu.
Atorfiup imaa:
Aningaasaqarnermut tunngasunik sulisumik – misilittagaqarluarsinnaasumik – pensioninik pisartakkanik isumaginniffimmi suleqatigiinni suleqataasussamik aamma suliassanik arlalinnik uku ataanni suliaqartussamik pissarsiorpugut:
∙Siunnersuinermik ilitsersuinermillu sullissinerit makkunani:
∙Qinnuteqaatinik suliaqarneq (erninermut atatillugu sulinngiffeqarnermut, ineqarnermut tapiissutit, pensionit)
∙Immikkoortortani tamani saaffiginnissutinik/mailinik suliaqarneq (Immikkoortortami suliaqarfiusumi)
∙Piffissaq sianerfissaq
∙Akiligassanik suliaqarneq
∙Ataatsimiinnerni peqataaneq
∙Suliassat takkussuuttut nalinginnaasut
Suliassat oqartussaaffeqarfiup sinnerani sulisut qanimut suleqatigalugit pisarput aamma sullissisut kiisalu avataaniittut suleqativut suleqatigalugit pisarlutik.
Qinnuteqartumut naatsorsuutigisat:
Naatsorsuutigaarput TNI-mut assigisaanulluunniit ilinniarsimasuusutit.
Pitsaassaaq suliassaqarfimmi sullissinermik misilittagaqartutit aammalu IT (GetOrganized aamma AX prisme) misilittagaqarfigigukkit
Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.
Tamatuma saniatigut pingaartipparput, illit:
∙Ineriartortitsinermik sullissilluarnermillu pingaartitsisuusutit
∙Suleqatikkuminartoq
∙Isumalluartuullutillu ilakkuminartuusutit
∙Aalajaatsuunissaq, pitsaassutsimik ilisimasaqarluartoq immikkuualuttunillu maluginiaasinnaasoq
∙Allattariarsornermi oqaluttariarsornermilu ersarissumik paatsuugassaanngitsumillu attaveqartartuuvutit.
∙Namminersorluni sulineq akisussaassutsinillu ilisimaarinnilluartuunissat
∙Suliassanut suliassallu agguataarneqarneri ingerlaavartumik allanngortiterneqarneranni eqaatsumik periaaseqartoq
∙Ulloq ulapaarfiusumi ukkatarinnillutit aaqqissuulluakkamillu suliaqarsinnaasoq
∙Siammasissumik suleqateqarluarsinnaasoq.
∙Qinnuteqartut marluinnik oqaasillit (kal/dk) atorfinitsinnissaat orniginartinneqarput.
∙Suliassat takkussuuttunut piareersimanissaq
Uagut neqeroorutigaavut:
Suliffik suleqatitsialaat suleqatigalugit aammalu atorfiup imarisaanik sunniuteqarnissamut periarfissalik kiisalu aaqqissuussaanermi ineriartortumi allanngorartumilu akisussaaqataanissaq. Tamakkununnga ilanngullugu qanimut siunersiueqatigiiffimmi suleqatigiilluni suliffik avatangiiseqarnissaa aamma suliniuteqarnissap nutaaliornissallu inissaqartuarnissai anguniartuarparput.
Pineqaatissinneqarsimannginnermut uppernarsaat:Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.
Akissaatinut atorfinitsitaanermullu tunngatillugu atugassarititaasut:Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Pisartakkanik Isumaginniffik
Immikkoortortami aqutsisuugallartoq Margrethe Møller, oqarasuaat +299 367517 imaluunniit e-mail: marm@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 662-24 -mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: juulip 12.-at, 2024