![Isumaginninnermut Aqutsisoqarfiup Paarisap immikkoortortaa ilinniartumik ikiortissarsiorpoq](https://image.sermitsiaq.ag/2109602.webp?imageId=2109602&width=960&height=548&format=jpg)
Isumaginninnermut Aqutsisoqarfiup Paarisap immikkoortortaa ilinniartumik ikiortissarsiorpoq
Atorfik pillugu:
Paarisa pinaveersaartitsinerup peqqissutsimullu iluaqutaasinnaasut iluanni annertunngitsumik allaffissornermik suliassanillu allanik suliaqarusuttumik ilinniarnerup saniatigut ikiortissarsiorpoq.
Suliassatit ilaatigut makkuussapput:
Immikkoortortaqarfimmi sulisut allat peqatigalugit allaffissornerup iluani suliassanut annertunngitsunut ikiuuttarnerit
Sinerissami suleqatigisanut atortussat assigiinngitsut poortorlugillu nassiuttarneri
Suleqatigisartakkanut malittarinnillunilu attaveqartarneq
Ataatsimiinnernut pingaarutilinnut assigiinngitsunut peqataalluni imaqarniliortarnerit
Allaffissornerup iluani tapertaaneq, taassuma iluaniillutik aaqqissuussanut, workshopinut isumasioqatigiinnernullu aaqqissuisarnerit
Utaqqiisaasumik suliassat
Paarisa pillugu:
Immikkoortortaqarfimmi Paarisami qanimut suleqatigiit sisamaapput, taakkulu pinaveersaartitsinermik peqqissutsimullu iluaqutaasinnaasunik suliniuteqarlutik. Suleqatigiit sisamat tassaapput:
Killiliisa
Imminut toquttarnermut akiuiniarneq
Kinguaassiutitigut peqqissuseq
Meeraaneq susassaqarfiulluartoq peqqinnartorlu
Suleqatigiit sisamat iluanni suliassanik suliaqartarumaarputit.
Ilinni ujakkagut tassaapput:
Uunga attuumassuteqarsinnaasumik bacheloorinngorniarputit kandidatinngorniarlutilluunniit
Pinaveersaartitsinermik peqqissutsimullu iluaqutaasinnaasunik suliniutinik suliaqarnissat soqutigivat
Sullarillutillu namminersorluarsinnaavutit
Aalaakkaasuuvutit piffissarlu eqqorlugu takkuttarlutit
Pinaveersaartitsilluni suliniutit timitalimmik aammalu taassuma iluani sulinermik misilittagaqarusupputit
Allannermi oqalunnermilu attaveqarsinnaalluarputit
Atorfimmi tiimit sapaatip-akunneranut 15-20-upput, allanngorarsinnaappulli apeqqutaallutik pisariaqartitagut illillu pisariaqartitatit
Ilinnut neqeroorutigisinnaasagut tassaapput:
Suliffik pitsaasuuvoq aalaakkaasuullunilu aammalu suleqatigiilluartunik sulisulik, atugarissaarneq namminerlu sulinermi sinaakkutinut sunneeqataasinnaaneq isiginiarneqartarpoq
Suliffik tamatigoortoq amerlasuunillu allanngorartunik suliassalik, aqutsisoqarfimmi piginnaasat pingaartinneqarput illillu piginnaasatit atorfissaqartinneqarlutik
Ulloq atorfiniffissaq:
Aggustip aallaqqaataa 2024, imaluunniit isumaqatigiissuteqarnikkut.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Paasissutissat allat
Atorfik pillugu paasisaqarnerorusukkuit Camilla Lennert mailikkut attavigisinnaavat: caml@nanoq.gl
Qinnuteqarfissaq kingulleq: 25.07.2024
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.