Isumaginninnermi Aqutsisoqarfik Inulerinermut immikkoortorqarfia AC-fuldmægtigissarsiorpoq
Kalaallit Nunaanni meeqqanut inuusuttunullu atugarliortunut Isumaginninnermut Aqutsisoqarfiup suliniutaannik piorsaaqataarusullutillu ineriartortitseqataarusuppit? Namminersorsinnaavit, isumassarsiarpassuaqartarlutit aamma suliniutit assigiinngitsorpassuit peqataaffigerusuppigit? Taamaappat atorfissaqartitarput immaqa illiuvoq!
Atorfik Isumaginninnermut Aqutsisoqarfiup Inulerinermut immikkoortortaqarfiani aalajangersimasumik inissisimavoq. Inulerinermut immikkoortortaqarfik ilaatigut tarnikkut katsorsaanerit atorlugit toqqaannartumik innuttaasunik attaveqartarpoq, ilutigisaanik sinerissami kommunini isumaginninnermik suliallit qanimut suleqatigineqartarput. Inulerinermut immikkoortortaqarfimmit tarnikkut katsorsaanikkullu sullissinerit ilaatigut makkuupput; inersimasunik katsorsaajartorlutik angalasartut inersimasunik kinguaassiuutimikkut atornerlunneqarsimallutik kingunerlutitsisimasunik pingaarnertut sullissisarput, meeqqanik katsorsaajartorlutik angalasartut kiisalu Klinik Killiliisa, tassani inuit meeqqat aamma inuusuttut kinguaassiuutaasigut kanngutsaattuliorfiginnillutik pissusilersortartut, imaluunniit taama eqqarsaatersortartut katsorsarneqartarput.
Suliassat tamatigoortuupput aammalu suliassaqarfiit assigiinngitsut ataatsimoorlutik suleqatigiinnermi ilaasinnaanissaq, kiisalu nammineq suliassanut suliniutinullu namminersorluni akisussaaffeqarsinnaaneq piumasaqaataapput. Sammisat nutaat sukkasuumik pulaffigisinnaasassavatit aamma eqinnaatsuussaatit, kiisalu suliffeqarfimmi suliassanik minnerusunik annertunerusunillu ataatsikkut ingerlatsiviusumi, ilaatigut ulluinnarni ulapaarfiusinnaasuni sulinermik nuannarisaqartuussaatit. AC-fuldmægtigitut akisussaaffeqalissaatit periarfissaqalerlutillu immikkoortortaqarffimmi aqutsisoq qanimut suleqatigalugu ineriartortitsinissamut kiisalu suliniunik aqutseqataallutit.
Atorfik pillugu
Suliassat ilaatigut tassaapput:
- Suliniutinik suliniutissanillu ineriartortitsineq aqutsinerlu, kiisalu suliniutinik suliaqarnermut ilaasuni tamaginni peqataaneq
- Misissuinernik aallartitsineq, nalilersuinerit assigisaallu Isumaginninnernup iluani soorlui SurveyXact-imi.
- Isumaginninnermut Aqutsisoqarfimmi suleqatigiissitat suliassaanik ataqatigiissaariffiusuni peqataaneq isumaginninnerlu
- Suliniutinik suliniutissanillu kommunit susassaqartullu ilanngussuuttarlugillu suleqatigineri, soorlu nammineerlutik suliffiutillit imaluunniit pisortatigoortumik oqartussaasut.
- Workshopertitsisussani isummersoqatigiittarnerillu pisussani ataqatigiissaarineq.
- Nutaarsiassat nittartagaatitsinnilu nittartagassat ingerlanneqarneri
- Seqertitsilluni saqqummiinerni suliassat assigisaallu suliassartai naammassisarnissaat.
- Ataatsimiinnernit imaqarnilianik allakkianillu allanneq aamma ataatsimiinnissanik pilersaarusiorneq
- Suliassat takkussuuttut
Piginnaasatit:
- kandidatitut ilinniagartuutut naapertuuttumik ilinniarsimanissat
- Namminersorluni, aaqqissugaasumik ineriartortitsinerlu sammillugu sulisinnaavutit
- Pitsaassutsinik eqqumaffiginnissinnaasutit suliniuteqarumatusutillu
- Allakkatigut oqaatsitigullu oqaatsinik atuillaqqissuusutit
- Allanngortoqarnissaanut piareersimaneq, sungiussiasuuneq aammalu suliassanut nutaanut ammasuusutit
- Inussiarnersuusutit, sullissiumatuujullutit aammalu suleqateqarnermik pilersitsillaqqillutit
- Suliaqarfiit assigiinngitsut kulturilu assigiinngitsut avatangiiseralugit sulisut ataasiakkaat ataatsimoortumik aaqqiissuteqarnernut peqataaffigisartagaanni sulerusuttutit
- Kalaallit Nunaanni inuiaqatigiinni pissutsit aamma kulturi ilisimasaqarfigigukkit iluaqutaassaaq
- Ajornanngippat marluinnik oqaasilik
- Isumaginninnermut tunngasunik atuagarsornikkut sulinikkullu ilisimasaqarnissaq kissaatiginarpoq, piumasaqaataanngilarli
Ulloq atorfiniffissaq
1. septembarip 2024 isumaqatigiissuteqarnikkulluunniit.
Qinnuteqarnissamut killiliussaq tassaavoq pingasunngorneq 17. juli 2024 nal. 12.00 (Kalaallit Nunaanni nalunaaqutaq malillugu)
Atorfinitsitsinissamut oqaloqatiginninnerit tamatuma kinguninngua ingerlanneqarnissaat naatsorsuutigineqarpoq.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Piffissaq suliffiusussaq aallaaviusumik tassaavoq sapaatip akunneranut akunnerit 40-t. Piffissap ilaani arlalinnik angalasarnissat naatsorsuutigineqassapput
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Paasissutissat amerlanerit
Atorfik pillugu itinerusumik paasisaqarusukkuit, immikkoortortaqarfimmi katsorsaasuni akisussaasoq Pilunnguaq Poulsen oqarasuaammut +299 34 66 71 imaluunniit e-mailimut pilp@nanoq.gl
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job