Inatsisilerituunik marlunnik Inuussutissarsiornermut Niuernermullu Immikkoortortami pissarsiorpugut
Naalakkersuinikkut aqunneqartumi ingerlatsivimmi sulissallutit piumassuseqarpit? Inatsisilerituutut sulinermi piginnaaneqarluartuuvit, ulluinnarnilu sukkasuumik iliuuseqartarnerit eqqarsariartarnerillu nuannaraagit? Taamaappat immaqa illit tassaavutit Inuussutissarsiornermut, Niunernermullu, Aatsitassanut, Inatsisit Atuutsinneqarnerannut Naligiissitaanermullu Naalakkersuisoqarfimmi inuussutissarsiornermut niuernermullu immikkoortortami inatsisilerituussarput nutaaq.
Kalaallit Nunaanni ukiuni aggersuni annertuunik nutaanik pissanganartunillu unammilligassaqarfiusussaavoq. Timmisartunut mittarfiit nutaat piviusunngortinneqalerput, inuussutissarsiutillu arlaqartut, tamatumani ilaatigut takornariartitsineq ukiuni aggersuni kalaallit aningaasarsiorneranni aningaasaqarnikkut tunniussueqataalersussaapput malunnaatilimmik. Inuussutissarsiutit pilersitsiviullutillu ineriartortitsiviusut Kalaallit Nunaata ineriartortinneqarnerani qitiulissapput aningaasarsiornikkut assigiinngisitaarnerujartortunik ingerlatsiviusumi, tamakkualu piumasaqarfiussapput unammilleqatigiinnikkut killiliussanillu allanngujaatsunik peqarnissaanik. Soqutigisaqarfigigukku peqataaffigissallugulu kissaatigigukku mingutsitinngitsumik ineriartortitsinermik piviusunngortikkiartuaarneqarnera, piujuaannartitsinerup Issittumi suliffeqarfinnik pilersitsiortornermi nipilersoqataaffigisaanik ingerlatsiviunera, taava atorfik una immaqa ilinnut soqutiginaateqassaaq.
Atorfik pillugu
Inuussutissarsiornermut niuernermullu immikkoortortaqarfimmi inatsisilerituutut ulluinnarni sulinermi Naalakkersuinermik suliaqartunut inuiaqatigiinnullu avatangiiserisanut qanimut suleqatigiittoqartarpoq. Suliassat pissanganarlutillu soqutiginartut assigiinngisitaartullu suliassaraatit, soorluttaaq inatsisissanik ilusilersuisarnermi, malittarisassiortarnermilu suliassaqarfimmi pineqartumi aalajangeeqataasassasutit. Taamaattumik ulluinnaat ilaatigut sukkasuunik iliuuseqarfiusartut eqqarsarasuarfiusartullu piareersimaffigissavatit, sukkasuumillu pissutsinut allanut naleqqussapallassinnaasassallutit, suliassanut immikkut aalluttariaqartunut, assersuutigalugu inatsisissatut siunnersuusiornermi imaluunniit nalunaarutissamut siunnersuusiornermi oqaasertaliussassanik siunnersuuteqartarnernut.
Inatsisilerituutut ulluinnarni suliassatit inuussutissarsiornermut niuernermullu suliassaqarfimmi ilaatigut makkuninnga ilaqassapput:
Inatsisissanut siunnersuusiortarneq, aamma inatsisinik malittarisassanillu allaffissornikkut atortuulersitsisarnerit, tamatumani ilanngullugit peqqussutit aamma nalunaarusiat danskit naalagaaffiata inatsisiliorneranut atasut.
Inatsisiliornermi pilersaarutinik naalakkersuisoqarfimmi inatsisilerituut allat peqatigalugit ataqatigiissaarisarneq.
Inatsisinut tunngasutigut siunnersuisarneq aammalu inuussutissarsiornermut niuernermullu immikkoortortaqarfimmi suliassanik isumaginnittarneq
Attaveqartarnerit aammalu suleqatigiinnernik danskit pisortaqarfiinni oqartussaasunut isumaginnittarnerit, tamatumani aamma danskit inuussutissarsiornermut ministeriaqarfiannut, danskit nunanut allanut ministeriaqarfiannut, sillimaniarnermut danskit aqutsisoqarfiannut, danskit inuussutissarsiornermut aqutsisoqarfiannut, danskit finansministeriaqarfiannut, il.il.
Attaveqartartuusutut suliat nunat tamalaat akornanni isumaqatigiissutinut kattuffinnullu assigiinngitsunut atatillugu, soorlu ukununnga IAEA, EU, OECD, il.il.
Naalakkersuisoqarfimmi aqutsinikkut qullersaqarfimmut siunnersuisarneq isumasioqateqartarnerillu
Naalakkersuisoqarfimmi persuarsiunngitsumik periaaseqarlutalu ileqqoqarpugut, namminerisamillu iliuutsit pingaartinneqartarput ilalersorneqartarlutillu.
Piginnaanernut misilittakkanullu tunngatillugu kissaatit
Inatsisilerituutut naammaginarluartunik suliassannut piginnaaneqarlutit ilinniarsimanissat
Suliassatigut siammasissumik isiginnittuuneq, sukkasuumillu ajornartorsiutinik paasinnipallattarneq
Inunnut oqaloqatigiinnikkut aamma allatatigut attaveqallaqqissuuneq
Naammaginartunik kalaallisut, danskisut aamma tuluttut piginnaasaqarnissaq
Suliassakkaartumik sulianik aallussillaqqissuuneq namminersorumatunerlu
Suliassami aaqqiissutissarsisarnernut akisussaassuseqallaqqinneq
Nunatsinni pissutsinik ilisimasaqarluarneq
Immikkoortoqarfik pillugu
Inuussutissarsiutinut aamma niuernermut immikkoortortaq Inuussutissarsiornermut, Niuernermut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoqarfiup marlunnik; Atuisartoqarnermut aamma Unammilleqatigiinnermut Aqutsisoqarfimmik kiisalu Aatsitassanut Aqutsisoqarfimmik aqutsisoqarfeqartup ataaniippoq.
Inuussutissarsiutinut aamma niuernermut immikkoortortami sulisut assigiinngitsunik tunuliaqutaqarlutalu, piginnaasaqartugut 13-iuvugut. Suliassarpassuatsinnik kivitseqatigiilluta ataqatigiilluarpugut, nuannisaqatigiittarlutalu.
Atorfininnissamut tunngatillugu
Kissaatigineqarpoq atorfiup 1. septemberip aallaqqaataa 2024 imaluunniit isumaqatigiissusiornikkut inuttalerneqarnissaa.
Minnerpaamik atorfik ataaseq kissaatigineqarpoq immikkut siunnersortitut imalunniit siunnersortit pisortaattut inuttalerneqarnissaa. Taamaattumillu takorloorparput ingerlatsivimmit naalakkersuinikkut aqunneqartumit ukiuni arlalinni misilittagaqartuunerit, kommunimi imaluunniit naalakkersuisoqarfimmi assigisaaniluunniit. Qitiuvoq illit akisussaaffimmik tigusisinnaanissat nammineerlutillu suliassannik ingerlatsisinnaanissat, illup iluani maani avataanilu.
Nutaamik ilinniakkamik naammassisaqaqqammersut aamma qinnuteqartut allat misilittagaqannginnerusut aamma atorfinitsinneqarsinnaapput aallaavittut fuldmægtigitut.
Ilassutitut paasissutissat
Atorfiit pillugit annerusumik paasisaqarumaguit Immikkoortortaqarfimmi Pisortamut Marte Lona-mut attaveqarnissamut tikilluaqqusaavutit: mlon@nanoq.gl kiisalu oqarasuaatikkut (+299) 34 65 68.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfiup aappaanut atatillugu periarfissat ilagaat sulisunut inissiamik pequsersorsimanngitsumik innersuussisoqarsinnaanera malittarisassat qaqugukkulluunniit atuuttut naapertorlugit. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job