Imarsiornermik Ilinniarfik ilinniartunut atuartitsisartussamik pissarsiorpoq

Imarsiornermik Ilinniarfik ilinniartunut atuartitsisartussamik pissarsiorpoq

Imarsiornermik Ilinniarfimmi ataatsimoorfiusumi akoorusuppit?

Inuusuttut atuartitsillutit ilinniartitsillutillu qiimassaatigisarpiuk? Aamma siunissami inuttanngortussat aqumiunngortussallu ilinniartikkusuppigit?

Taannaaguit ujartorpatsigit!

Suliffik pillugu

Atuartitsisutut ilinniartunut, ilinniarfimmi suleqatigiit ilagalugit, inuussutissarsiutigalugu ilinniakkat, ilinniarsimasutut befaren skibsassistenti EUD/EUX, aalisartoq, angallatip naalagaa.

Ulluinnaat nikerartut akimmiffiginagit suliffigisinnaasariaqarpatit, tassani suleqatit ilagalugit ilusilersornissaanut naammassinissaanullu akisussaasuussallutit.

Aajukua sammisassat:

Imarsiornermut attuumassuteqartumik tuluttoortitsineq

Tunngaviusumik atuartitsissutit (Danskisut, matematik, fysik & PC)

Illit

Inuussutissarsiornermik ilinniarnerup aaqqissuusaanera aamma inuusuttunik sullissinermik ilinniarsimasutut ilisimasaqarneq paasisimasaqarfigissavatit.

Imarsiornikkut ilinniarneqartartunik ilisimasaqarneq iluaqutaasaaq.

Allaffissornerup tungaatigut pikkorissuusaatit, digitalimik ilisimasaqassaatit.

Inuusutissarsiummut misilittagaqarneq iluaqutaasaaq.

Pisunut maluginnilluarsinnaasuussaatit sulisorpalaartumillu qisuariartartuullutit.

Danskisut tuluttullu oqaatsitigut piginnaasaqarfigalugit.

Kalaallit Nunaannut tunngasunik ilisimasaqarluassaatit.

Uagut

Suliffittut ilinnut neqeroorutigaarput:

Ilinniarfimmi suleqatigiit ataatsimoortut nikerarsinnaasut ineriartornissamullu siunertallit, suliamut atorfimmilu pikkorissusermut tunniusimalluartut. Illit uagullu suliagut qaqilertassavagut, ataatsimoorluta ilisimasagut nutarterlugit periarfissanik aqutsissanillu nutaanik misileraasarluta.

Avitseqatigiinneq suleqatigiittullu nakkutigeqatigiinneq aqqutigalugu nammineq suleqatillu suleriusaat aqqutigalugit siunnersueriaatsinnik ineriartortitsinissat. Nuna tamakkerlugu misilittakkanik avitseqatigiittarnernut iluarsartuusinermi pilersaarusiornernilu peqataasassaatit.

Namminersorlutit sulisassaatit pilersaarusiorlutit, ataqatigiisaarillutit suliassanillu naammassinnittarlutit, ingammik siunnersuinermik sammisaqarnermi, kisianni aamma suleqateqartassaatit soqutigisaqartullu suleqatigisassallugit.

Atorfik Nuummiippoq

Ulloq sulilerfissaq: kingusinnerpaamik 24.maj 2024 imaluuniit isumaqatigiissuteqarnikkut

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk