Ilisimatusartoq/dataset-ilisimatusartoq nutaanik qalasersuarmi silaannaap aniatitaanik (Blue Carbon) nalunaarsuiffiusunik
Silap Pissusianik Ilisimatusarfik, Pinngortitaleriffimmiittup, ilisimatusartumut/nalunaarsugassanik ilisimatusartartumik qaammatini 24ini issittumi sikuiuitsumilu kujallermi qeqquaqarfinnik nalunaarsuisoqarnissaanut tunngatillugu suliaqarsinnaasumik pissarsiorpoq.
Suliniut suliniummut POMP-imut attuumassuteqarpoq (https://pomp-project.eu/), tassa suliniutaavoq annertooq arlalinnik suleqataaffigineqartoq EU-Horizon’imillu aningaasalerneqartoq, silap allanngorujussuarnissaa pinngitsoortinniarlugu Qalasersuup imartaata periarfissarititai annertusigaluttuinnartut misissuiffigineqaramik.
Qeqquaqarfissuit maannamut immani kiannerusuni sinerissamullu qanittumiittuni eqqumaffigineqarnerusimagaluarput, nunarsuarmili paasineqaraluttuinnarpoq Qalasersuarmi Sikuijuitsumilu kujallermi sikup milligaluttuinnarnerini sinerissami imaannarmilu uumaffiit pingaaruteqarluinnartut silaannarsuarmiit CO2mik iijoraasinnaanerujussuat pilersinnaalluartoq. Taamaalilluni tamaani uumaffiit silap allanngorujussuarnissaraluanut iluaqutaasinnaassallutik. Issittoqarfinni sumiiffiit qanorlu uumaneqarfiit annertutigisut kulstoffimik iijoraalersinnaanissaat ilisimaneqanngikkallarpoq. Suliniummi satellitsit qaffasissumiit assilisaat atorlugit uumaffiit qeqquaqarfissuusut sumiinnersut issittoqarfinnilu sinerissap qanittuani kangerlunni, qeqquaqarfissuit sumiinnersut, tatsit tarajornitsut sumiinneri, sumilu immap ivigaasai sioqqani naasartut innersut nalunaarsorneqartussaapput.
Ajornanngippallu uumaffiit tamakkua qanoq allanngoriartortiginersut piffissap ingerlanerani malinnaaffigineqartussaapput, siumoortumillu oqaatigineqarsinnaanngortussaassaaq siunissami qeqquaqarfissuanngortussat pingaaruteqartut sumiissanersut. Kissaatigineqassapput atorfinittussatut piukkunneqartoq asimi misissuisarsinnaavoq Kalaallit Nunaannilu ilisimatusariartortunut peqataasarsinnaassalluni.
Piukkunneqartoq Nuummi Kalaallit Nunaanniittumi najugaqassaaq. Suliniummi suleqaterpassuit nunani tamalaaneersut peqataasussaapput, ilaatigut British Antarctic Survey aammalu Norwegian Institute for Nature Research peqataasussaagamik.
Inuk nammineq piumassuseqarluartoq pimoorussilluinnartorlu makkuninnga piginnaanilik ujartorparput:
Nalunaarsukkanik suliaqarnissaminut kandidatitut allagartalik.
Satellitsikkut assilisat aanissaannut, suliarinissaannut nalilersuiffiginissaannullu misilittagaqartoq periaatsimik ataatsimik arlalinnilluunniit atuisinnaalluni suliaqarsinnaasoq.
Ukununnga akuerisaasoq QGIS, ArcGIS imaluunniit GRASS GIS
R/Python’imik paasissutissani ikinnerpaamik ukiuni pingasuni suliaqarsimalluni misilittagaqartoq
Nalunaarsuutit annertuut suliarinissaannut misilittagaqarluartoq
Annertussutsinik ilusilersuinissaminut misilittagaqartoq
Nalunaarsuiffinnit nunanit tamalaaneersunit aallernissaminut misilittagalik
Kulstoffimik missingersuusiornissaminut ilisimasaqartoq.
Atorfik inuttalerneqarsinnaalissaaq 2025 aallartilaarpat
Atorfininnermi atugassarititaasut:
Ukiunik marlunnik killilikkamik piffissami tamakkiisumi atorfeqartoqarsinnaavoq. 2025ip aallartisimaneraniit atorfinittoqassaaq imaluunniit isumaqatigiissutaasut aallaavigalugit. Akissarsiassat atorfeqarnermilu atugassarititaasut atorfininnerup nalaani atugassarititaasut malillugit Namminersorlutik Oqartussat isumaqatiginninniassutaasullu kattuffiata akornganni isumaqatigiissutaasut malillugit piumaarput.
Atorfik Silap Pissusianut Ilisimatusarfimmi pisortamit akisussaaffigineqarpoq.
Sukumiinerusumik paasissutissat
Atorfimmut tunngatillugu paasissutissat sukumiinerusut pissarsiarineqarsinnaapput Nadescha Zwerschke attavigineratigut ugguuna e-mail nazw@natur.gl
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.