Ilisimatusarfiup Sulisoqarnermut Akissarsialerinermullu Immikkoortoqarfianut Aningaasarsialerinermut Siunnersorti/Akissarsialerisoq
Akunnermusiaqartitsineq soqutigaajuk aamma/imaluunniit misilittagaqarfigaajuk aamma najoqqutassat isumaqatigiissutissiallu il.il. atuarsinnaavigit? Suleqatit pitsaasut, ulluinnaat allanngorartut ineriartortullu, inuttut/suliatigut ineriartornissaq aamma suliffippit sulliviullu iluani sunneeqataanissat pingaartippigit?
Angeruit? Taava avataaniit ilinniartitsiartortutta akunnermusiallit sullinneqarnissaannut ujagarput illerpiaasimassaaq.
Suleqaterput Danmarkimut nuulluni suliffittaarmat immikkoortortatsinnut ilaalertussamik tunniusimasumik suleqatissarsiorpugut.
Immikkoortortami tassaavagut: Immikkoortortaqarfiup pisortaa ataaseq, AC-fuldmægtigi/inatsisileritooq ataaseq aamma Aningaasarsialerinermut Siunnersorti/Akissarsialerisoq ataaseq (illit), ataatsimullu atorfillit 110-t missaat aamma avataaniit ilinniartitsiartortut akunnermusiallit 80-100-t missaat ukiumut sullitaraagut.
- Suliamut piginnaassuseqarneq aamma atorfimmi pikkorissuseq ilisarnaatigaavut.
- Qiimaneq, ammasuuneq aamma suleqatigiinneq pitsaasoq pingaartippavut.
- Atugarissaarnissaq uatsinnut pingaaruteqarpoq; inuttut aamma suleqatitut.
- Ikioqatigiittarpugut suliassanillu kivitseqatigiittarluta.
- Iluatsitsilluartitsisoq suliatigullu ineriartortitsisoq tassaasoq suleqatigiinneq qajannaatsumik tunngavilik upperaarput.
Suliassatit pingaarnerit tassaassapput Aningaasaqarnermut Sulisoqarnermullu Aqutsisoqarfiup suleqatigineratigut qitiusumik akissarsialerineq, sulianik ingerlatsineq aamma avataaniit ilinniartitsiartortunik akunnermusialinnik sullissineq.
Ilinnut naatsorsuutigisavut:
- Naapertuuttumik ilinniagaqarputit aamma atorfimmit assingusumit misilittagaqarputit.
- Suleriaatsimi namminersorsinnaavutit aamma suliassanut assigiinngisitaartunut siulliullutit iliuuseqartarputit.
- Pingasuinnik oqaaseqaruit iluaqutaassaaq ukunani: kalaallisut, qallunaatut tuluttullu.
- Qarasaasiatigut atortunut piginnaasaqarputit systeminullu nutaanut ilikkajallutit.
Attavigisassat/ilisimatitsissutit:
Atorfik pillugu sukumiinerusunik paasisaqarusukkuit, tikilluaqquneqarputit Allaffimmi aqutsisoq Charlotte Lund Mølgaard, oqarasuaat: +299 385672 attavigissallugu.
Ilisimatusarfik pillugu annertunerusumik paasisaqarusukkuit paasissutissat allat atuarsinnaavatit uunga iserlutit www.uni.gl
Ilisimatusarfik pillugu
Ilisimatusarfik 1987-imi pilersinneqarpoq. Maannakuugallartoq ilinniarneqarsinnaasut assigiinngitsut qulingiluaallutik taamatuttaaq Ilisimatusarfiup neqeroorutigai diplom-imut masterimullu saniatigut ilinniarnerit. Ilisimatusarfik issittumi universitetiuvoq nunarsuup ilaani pilertortumik ineriartorfiusumi nutaanik ilisimasaqalerfiusoq nutaaliorfiusorlu. Siulersuisut tassaapput Ilisimatusarfiup qullersai. Ulluinnarni aqutsineq rektorimit direktørimillu ingerlanneqarpoq. Instituttit sisamaasut Instituttini Siunnersuisoqatigiinnit siunnersorneqartumik siulersorneqarput.
Ilisimatusarfik sisamanik instituteqarpoq:
- Ilinniartitsinermik Ilisimatusarfik
- Inuiaqatigiilerinermik, Aningaasaqarnermik Tusagassiornermillu Ilisimatusarfik
- Kulturimik, Oqaatsinik Oqaluttuarisaanermillu Ilisimatusarfik
- Peqqissaanermik Pinngortitamillu Ilisimatusarfik
Allaffissornikkut aqutsisoqatigiiffik pillugu
Allaffissornikkut aqutsisoqatigiiffiup ilisimatusarfik tamakkerlugu sullitaraa. Ilisimatusarfiup direktørianit aqunneqarpoq. Allaffissornikkut aqutsisoqatigiiffik Ilinniarfissuarmi Ilimmarfimmilu immikkoortortaqarpoq. Immikkoortortat faginik ingerlatsiviusunik qanimut suleqateqartarput soorlu namminneq akunnerminni aamma taamaattartut. Allaffissornikkut aqutsisoqatigiiffimmi suliassat tassaapput: ilinniartut pillugit-, sulisut pillugit aqutsineq, Siulersuisuniik, Akademisk Rådimik kiisalu ilimmarfimmi sulisunik ilinniartunillu sullissineq. Allaffissornikkut aqutsisoqatigiiffiup Ilimmarfiup ilutaanik sanaartornermik nakkutiginninneq aamma ingerlataraa.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job