Ilisimatusarfiup kantiinaanut igaffimmi aqutsisoq

Ilisimatusarfiup kantiinaanut igaffimmi aqutsisumik pissarssiorpoq.

Ilisimatusarfiup kantiinaa ullormut inuit 200-t missaannut - ulluinnarni campus Ilimmarfimmiittartunut - ullaakkorsiutiliorlunilu ulloqeqqasiutiliortarpoq.

Tamassuma saniatigut ataatsimiinnernik ingerlassani nerisaqartoqarnissaanut aamma suliassaqartassaaq - soorluttaaq aaqqissuussanut annernut Ilisimatusarfik nerisassanik pajuttuisartoq, soorlu ilasseqatigiinnernut, soraarummeerluni allagartartaartoqarneranut il.il.

Suliassaq inuussutissanut tamalaanut tunngasoq atorfimmut aamma ilaavoq - tamassumani kioskip nioqqutissaateqartarnissaa isumagisassavat.

Atorfik sapaatip-akunneranut 40 tiimit suliffiuvoq, piffissat suliffiusut nikerarsinnaapput ulluinnarni nal. 7-15 akornanniilluni. Atorfiup 2024-mi juulip aallaqqaataani imaluunniit isumaqatigiissuteqarnikkut inuttalerneqarnissaa kissaatigineqarpoq.

Suliassatit pingaarnerit

Ulluinnarni aamma suliatigut Ilisimatusarfiup kantiinaa aqussavat.

Igaffimmi sulinermik aqutsinermillu imaluunniit assigisaanik misilittagaqarputit - suleqatitit qaninnerit aamma Ilisimatusarfimmiittut sinneri peqatigalugit ineriartorusussuseqarlutillu naleqqussarusussuseqarputit.

Igaffimmi peqatigiinnermut akoorusupputit, igaffillu piffissat ilaanni peqqinnartunik pitsaasunillu nerisassiortarpoq naqqaniit sananeqakkajuttunik.

Piginnaasatit

Siullertut pingaarnertullu igaffimmut sulianut tunngasumik ilinniagaqarsimasumik - aamma eqimattanut ilinniartuusunut, sulisuusunut ilinniartitsisuusunullu misilittagaqartumik ilisimasaqartumillu -suleqatitaarusuppugut.

Ulluinnarni ingerlasseqataassaatit - tamassumunnga ilanngullugit nerisassiornerup eqqiiaanerullu iluanni. Ingerlassinermilu pisariaqartinneqarpat akuttuallaanngitsumik unnukkut sapaatit akunnerisalu naanerisa ilaanni (nalliuttorsiornerni, aaqqissuussani assigisaanilu) suleqataasarsinnaassaatit.

Ilisimatusarfimmut nioqqutissanik inniminniinermik, nerisassanut pilersaarusiornermik, nioqqutissanik inniminniisarnermut akisussaaffeqarnermik il.il. suliassanik isumaginneqataasassaatit.

Ilimmarfimmut nioqqutissanik tunniussisoqarnerani suliap ingerlasarneranik aamma ineriartortitseqataassaatit, tamassumunngalu atatillugu missingersuutinut allaffissornikkullu suliassat tunngasut isumagisassavatit - ilisimatusarfimmi immikkoortortaqarfiit attuumassuteqartut suleqatiginerisigut.

Qarasaasiamik atuineq sungiusimavat skiimaliorsinnaallutillu allatulluunniit paasissutissiorsinnaavutit kantiinap suliaanut attuumassuteqartumik.

Suliatsinni ataqatigiissitsinerusoq tassaasoq økologii (pinngortitami pissuseqatigiinneq) pillugu suliaqarusuttuuvutit immaqalu misilittagaqarfigalugu.

Iffiorusussuseqarpit, simersialiorusuttarpit, mamalaajaliorusuttarpit sinnikullu atornissaat eqqumaffigerusullugu? Taava illiuvoq ujagarput.

Inuttut suliffinnut suleqatinnuttaaq tunniusimasuunissat, piffissaq eqqorlugu takkussinnaanissat aamma suleqatigiinnermi kiinnerartuunissat naatsorsuutigaarput.

Immaqa atorfimmi assingusumi misilittagaqarputit isumassarsiatsialannillu avitsiginnikkusullutit.

Minnerunngitsumik campusimi eqimattat assigiinngisitaartut qanillugit sulisinnaavutit, taakkualu tamarmik nerisassat mamaat isikkuilu pillugit isumaqarput.

Suliffitsialak Campus Ilimmarfimmiittoq neqeroorutigaarput. Igaffik illup qeqqani inissisimavoq.

Igaffimmi ikiortit 3-t igaffimmi misilittagallit peqatigalugit ulluinnarni sulisassaatit.

Attavigisassat/ilisimatitsissutit:

Atorfik pillugu sukumiinerusunik paasisaqarusukkuit, tikilluaqquneqarputit Allaffimmi aqutsisoq Charlotte Lund Mølgaard, oqarasuaat: +299 385614 attavigissallugu.

Ilisimatusarfik pillugu annertunerusumik paasisaqarusukkuit paasissutissat allat atuarsinnaavatit uunga iserlutit www.uni.gl

Ilisimatusarfik pillugu

Ilisimatusarfik 1987-imi pilersinneqarpoq. Maannakuugallartoq ilinniarneqarsinnaasut assigiinngitsut qulingiluaallutik taamatuttaaq Ilisimatusarfiup neqeroorutigai diplom-imut masterimullu saniatigut ilinniarnerit. Ilisimatusarfik issittumi universitetiuvoq nunarsuup ilaani pilertortumik ineriartorfiusumi nutaanik ilisimasaqalerfiusoq nutaaliorfiusorlu. Siulersuisut tassaapput Ilisimatusarfiup qullersai. Ulluinnarni aqutsineq rektorimit direktørimillu ingerlanneqarpoq. Instituttit sisamaasut Instituttini Siunnersuisoqatigiinnit siunnersorneqartumik siulersorneqarput.

Ilisimatusarfik sisamanik instituteqarpoq:

• Ilinniartitsinermik Ilisimatusarfik
• Inuiaqatigiilerinermik, Aningaasaqarnermik Tusagassiornermillu Ilisimatusarfik. 
• Kulturimik, Oqaatsinik Oqaluttuarisaanermillu Ilisimatusarfik 
• Peqqissaanermik Pinngortitamillu Ilisimatusarfik

Allaffissornikkut aqutsisoqatigiiffik pillugu

Allaffissornikkut aqutsisoqatigiiffiup ilisimatusarfik tamakkerlugu sullitaraa. Ilisimatusarfiup direktørianit aqunneqarpoq. Allaffissornikkut aqutsisoqatigiiffik Ilinniarfissuarmi Ilimmarfimmilu immikkoortortaqarpoq. Immikkoortortat faginik ingerlatsiviusunik qanimut suleqateqartarput soorlu namminneq akunnerminni aamma taamaattartut. Allaffissornikkut aqutsisoqatigiiffimmi suliassat tassaapput: ilinniartut pillugit-, sulisut pillugit aqutsineq, Siulersuisuniik, Akademisk Rådimik kiisalu ilimmarfimmi sulisunik ilinniartunillu sullissineq. Allaffissornikkut aqutsisoqatigiiffiup Ilimmarfiup ilutaanik sanaartornermik nakkutiginninneq aamma ingerlataraa.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk