Ilisimatusarfimmut prorektori
Ilisimatusarfimmi prorektoritut atorfik oktobarip aallaqqaataani 2024-mi - isumaqatigiissuteqarnikkulluunniit - inuttalerneqartussanngorlugu inuttassarsiuunneqarpoq.
Ilisimatusarfik pillugu
Inuiaqatigiilerinermik, silaqassutsikkut pilersitat, perorsaanermik, peqqinnissamut suliassaqarfinni teologiimilu ilisimatusarnerup iluanni Ilisimatusarfik ilisimatusarfiullunilu ingerlaqqiffiusumik ilinniarfiuvoq.
Siunissami qaninnerusumi suliatigut aaqqissuussatigullu Ilisimatusarfik allannguisuuvoq. Sulisut, nunarsuarmioqatit, nunatsinneersut nunanilu tamalaaniittut, kiisalu allaffeqarfiup sunniivigeqatiginerisigut ilinniartitaanermut tunngasut aamma ilisimatusarnerup pitsaassutsikkut qulakkeerneqarnissaat ilisimatusarfiup aqutsisuisa suliniutigisarpaat.
Ilisimatusarfiup ilinniakkanik neqeroorutini allilernissaat, ilinniakkat tamarmik ilisimatusarnermit tunngaveqarnissaat kiisalu najugalinnut nunanullu tamalaanut naleqquttunik Issittoq Kalaallit Nunaallu pillugit sutigut tamatigut ilisimatusarnermut ilisimatusarfiup suliaqarfiulluarnissaa sulissutigiuarpai.
Ilisimatusarfiup ilisimatusarfiisigut ineriartorneq tamanna annertusiartorpoq - Spiralilersuisimaneq pillugu suliap kiisalu 1945-p kingorna Danmarkip aamma Kalaallit Nunaata akornanni oqaluttuarisaanermi pisimasut pillugit aarlaannaanulluunniit attuumassuteqanngitsumik maannakkut qulaajaaneq Danmarkimi Syddansk Universitet suleqatigineratigut Ilisimatusarfiup maannakkut akisussaaffigaa.
Prorektorip suliassai
Rektori, prorektori ilisimatusarfiullu pisortaa Ilisimatusarfiup qullersarai, taakkua ulluinnarni aqutsinertik sinaakkutit siulersuisunit aalajangerneqarsimasut iluanni ingerlappaat.
Siunnersuisoqatigiinnik ataatsimiititalianillu pilersitsinermi sullissinermilu rektorip suliaqarnerani prorektorip ikiussavaa, taamaasilluni ilinniartitsineq ilisimatusarnerlu, suleqatigisat suliffimmilu avatangiisini pissutsit taakkuninngalu ineriartortitsinerit aamma nalilersuinerit ingerlaavartumik ingerlanneqartassapput.
1945-p kingorna Danmarkip aamma Kalaallit Nunaata akornanni oqaluttuarisaanermi pisimasut pillugit Ilisimatusarfimmi qulaajaanerup tunngaveqarluarnissaanut suliaqarnermik prorektori immikkut isumaginnittuussaaq.
Rektorip qanimut isumaqatigiissutigineqarneratigut ulluinnarni aqutsinermut atatillugu rektorip prorektorillu suliassaat agguataarneqassapput - aamma piffissap suliffiusup ilaa ilisimatusarnermut atorneqarnissaa isumaqatigiissutigineqarsinnaavoq.
Prorektori rektorimut sinniisuusartussaavoq rektorillu sulinnginnerani/pisinnaannginnerani suliassaanik piginnaatitaaneranillu tigusisartussaalluni.
Piginnaasassat
- Qinnuteqartoq ph.d.-tut ilinniagaqarsimassaaq aamma lektoritut qaffasissusilimmik ilisimatusarnermi ilinniartitsinermilu misilittagaqassaaq.
- Avatangiisinik ilisimatusarfiusunik ilinniarfiusunillu aqutsinermik aaqqissuussinermillu qinnuteqartoq misilittagaqassaaq.
- Qinnuteqartoq misissueqqissaartarnermut pilersaarusiortarnermullu tunngasunik piginnaasaqarluassaaq.
- Ilisimatusarnermut tunngasunik qinnuteqartoq qaffasissumik piginnaasaqassaaq.
- Allaffissornikkut ilisimatusarnermilu suliassaqarfinni ulluinnarni suliassanik qinnuteqartoq isumaginnissinnaallunilu aaqqissuussisinnaassaaq.
- Qinnuteqartup kalaallisut, qallunaatut tuluttullu oqaatsit piginnaasaqarluarfigissavai, Kalaallit Nunaanni pissutsit paasisimasaqarfigissavai kiisalu nunani tamalaanut tunngasunik malinnaasuusussaalluni.
Atorfinitsitsinermi ingerlatseriaaseq
Piukkunnaatillit rektorip siulersuisunut innersuutigissavai, taakkualu atorfinitsitsineq pillugu aalajangiisuussapput.
Attavissaq aamma paasissutissat allat
Atorfik pillugu paasisaqarnerorusukkuit rektorip Gitte Adler Reimerip attaviginissaanut tikilluaqqusaavutit
oqarasuaammut uunga + 299 38 56 02.
Ilisimatusarfik pillugu paasisaqarnerorusukkuit ugguuna atuarnerusinnaavutit: www.uni.gl.
Ilisimatusarfik pillugu
Ilisimatusarfik 1987-imi pilersinneqarpoq. Maannakuugallartoq ilinniarneqarsinnaasut assigiinngitsut qulingiluaallutik taamatuttaaq Ilisimatusarfiup neqeroorutigai diplom-imut masterimullu saniatigut ilinniarnerit. Ilisimatusarfik issittumi universitetiuvoq nunarsuup ilaani pilertortumik ineriartorfiusumi nutaanik ilisimasaqalerfiusoq nutaaliorfiusorlu. Siulersuisut tassaapput Ilisimatusarfiup qullersai. Ulluinnarni aqutsineq rektorimit direktørimillu ingerlanneqarpoq. Instituttit sisamaasut Instituttini Siunnersuisoqatigiinnit siunnersorneqartumik siulersorneqarput.
Ilisimatusarfik sisamanik instituteqarpoq:
- Ilinniartitsinermik Ilisimatusarfik
- Inuiaqatigiilerinermik, Aningaasaqarnermik Tusagassiornermillu Ilisimatusarfik
- Kulturimik, Oqaatsinik Oqaluttuarisaanermillu Ilisimatusarfik
- Peqqissaanermik Pinngortitamillu Ilisimatusarfik
Allaffissornikkut aqutsisoqatigiiffik pillugu
Allaffissornikkut aqutsisoqatigiiffiup ilisimatusarfik tamakkerlugu sullitaraa. Ilisimatusarfiup direktørianit aqunneqarpoq. Allaffissornikkut aqutsisoqatigiiffik Ilinniarfissuarmi Ilimmarfimmilu immikkoortortaqarpoq. Immikkoortortat faginik ingerlatsiviusunik qanimut suleqateqartarput soorlu namminneq akunnerminni aamma taamaattartut. Allaffissornikkut aqutsisoqatigiiffimmi suliassat tassaapput: ilinniartut pillugit-, sulisut pillugit aqutsineq, Siulersuisuniik, Akademisk Rådimik kiisalu ilimmarfimmi sulisunik ilinniartunillu sullissineq. Allaffissornikkut aqutsisoqatigiiffiup Ilimmarfiup ilutaanik sanaartornermik nakkutiginninneq aamma ingerlataraa.
Akissarsiat atorfeqartitaanermilu atugassarititaasut:
Atorfik ukiuni pingasuni piffissalikkamik inuttassarsiuunneqarpoq, periarfissaassallunilu sivitsuinissaq.
Atorfik akissaateqarfimmi LR 38-mi maanna inissisimavoq.
LR 38-mi akissarsiat isumaqatigiissutigineqartut tapit aalajangersimasut ukiunullu aalajangersimasunut atorfeqartitaanermut tapit ilanngullugit apriilip aallaqqaataani 2022-mi qaammammut kr. 68.379-iupput ukiumoortumillu kr. 820.557-it. Tassungalu ilanngullugit sulisitsisup soraarnerussutisiassanut akiliutai.
Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemandi-tut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassariti-taasut naapertorlugit atorfinitsinneqarsinnaavoq.
Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat.
Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq.
Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job