Ilinniartitsinermut studieadjunkti/lektori/adjunkti.

Ilinniartitsinermik Ilisimatusarfimmi ilinniartitsinermut studieadjunkti/lektori/adjunkti.

Ilinniartitsinermik Ilisimatusarfimmi fysik/kemimi pinngortitalerinermilu fagini allani studieadjunktimik/lektorimik/adjunktimik ilinniartitsisussamik pissarsiorpugut 2024-mi aggustip aallaqqaataani imaluunniit isumaqatigiissuteqarnikkut sulilertussamik.

Ilinniartut nunatsinni meeqqat atuarfiini ilinniartitsisutut sulilernissaannut piukkunnarsarlugit piareersaasussamik aammattaaq ilinniaqqiffiit nangitsiviusumillu ilinniartitaanerit attuumassuteqartut aqqutigalugit meeqqat atuarfiini maanna ilinniartitsisuusunik nukittorsaasussamik Ilinniartitsinermik Ilisimatusarfik ilinniartitsisumik pissarsiorpoq.

Ilinniartitsinermik Ilisimatusarfimmi ilinniartitsisutut atorfik unammillernartuuvoq, periaaseqarlunilu aamma aallussisumik sulinissaq kiisalu ilinniartitsisunngorniarluni ilinniakkami suliaqartunut assigiinngitsunut atatillugu nammineq suliassaqarfigisap sunniiveqateqartarneranik qanorlu pitsanngorsarneqarsinnaaneranik takunnissinnaaneq pisariaqartinneqarput.

Suliassatit tassaassapput:

• Fysik / kemimi pinngortitalerinermilu fagitut qinigassami assigiinngitsunik fageqarfiusumi ilinniartitsisunngornianik ilinniartitsisarneq
• Fagimik ingerlaavartumik ineriartortitsineq
• Suliassaqarfiup iluani suleqatigiinnik pioreersunik suliassatigut qanimut suleqateqarneq
• Ilinniartitsisunngorniarfimmi suliassaqarfinni assigiinngitsuni suliaqartunik suleqateqarneq
• Suliniutini ilinniartitsisutut ilinniakkamik, ilinniaqqiffinnik nangitsiviusumillu ilinniartititsisarnernik ineriartortitsinermik toraagalinni peqataaneq
• Ilinniartitsisutut ilinniakkami digitaliusunut attuumassuteqartunik ineriartortitseqataaneq
• Kisimiilluni imaluunniit assersuutigalugu suleqatinik meeqqat atuarfiannilluunniit suleqateqarnikkut suliassaqarfimmut attuumassuteqartunik ineriartortitsinermik suliniutit aamma/imaluunniit ilisimatuutut misissuinerit ilaatigut ingerlanneri

Suliatigut piginnaasassat ataani allassimasut amerlanerpaat pigigitit naatsorsuutigaarput:

• Kandidatitut qaffasissusilimmik naapertuuttumik ilinniagaqarsimavutit
• Ilinniartitsinermik naapertuuttumik misilittagaqarputit
• Ilinniartitsissutissanik aamma atorfinissutaasussanik toraagaqarluni sulineq misilittagaqarfigaat
• Piumasaqaatit taaneqartut atorlugit ilinniartitsisut allat suleqatiginerisigut sulinerup ilusaa pileriartorneralu aaqqissuussinnaavatit
• Kalaallit Nunaanni ilinniartitsisutut ilinniagaq aamma/imaluunniit meeqqat atuarfii pillugit ilisimasaqarluarneq iluaqutaassaaq 
• Nunatsinni nunanilu allani suliatigut aamma ilinniartitsissutini ilisimatusarnerit nutaajunerusut pillugit paasisimasaqarputit
• Suliassaqarfini assigiinngitsuni ilinniartitsinermik aamma suliassaqarfinni assigiinngitsuni suleqatigisinnaasanik pilersitsinermik suliaqarusuttuuvutit
• Suliffimmi uummaarissumik eqaatsumillu avatangiisilimmi unammillernartut nutaat kiinnerusuttarpatit
• Atuartitsinermut sammivilerlugu tusagassiuutinik digitaliusunik naleqquttumik atuinermi ineriartortitserusupputit
• Fagini allani, assersuutigalugu?, ilinniartitsisunngornianik ilinniartitsisinnaaneq iluaqutaassaaq

Inuttut piginnaasat

• Arlalinnik kultureqarfiusumi oqaaseqarfiusumilu attuumassutilinni sulisinnaallutillu ilinniartitsisinnaavutit
• Kalaallisut oqaatsit piginnaasaqarfigigukkit iluaqutaassaaq
• Naammagittartuuvutit inissaqartitsisuullutillu
• Ilinniartut qaffasissumik angusaqarluarnissaannut kajumissaarusussuseqarputit
• Akuersaartuuvutit kiinneraartuullutillu aamma suleqateqallaqqillutit, attaveqateqallaqqillutillu kajumissaarilluartartuuvutit
• Ineriartortitsinissamik siunertaqarlutit eqqarsarsinnaavutit. 
• Tamakkiisumik isiginninneq annaanagu amerlasuunik ataatsikkut sulianik ingerlassaqarsinnaavutit. 
• Kalaallit Nunaanni inuiaqatigiinni pissutsinut aamma ilinniartitaanerup aaqqissugaaneranut tulluarsarusullutillu paasisimasaqarfigerusuppatit

 Neqeroorutigaagut

• Suliffimmi avatangiisit ineriartorluartut, taakkunanilu suliassaqarfinni namminersorluni aamma suleqatigiilluni sulinerup oqimaaqatigiinnissaa anguniagaavoq
• Pinngortitalerinermi fagit iluanni suleqatigiit tunniusimasut, eqeersimaartut ingerlalluartullu aamma sisammerneqarnissaminnut qilanaartut
• Tunniusimasunik kajumissuseqartunillu suleqateqarluni ilinniartitsinermi avatangiisit uummaarissut
• Suliatigut ilinniartitsinerullu iluani ineriartornissamut periarfissarpassuit.

Qinnuteqaat.

Qinnuteqaatip saniatigut ilanngussat ukua ilanngoqquneqarput:

• Ilinniagaq pillugu paasissutissat,
• siornatigut suliarisimasat,
• soraarummeernerit allagartaasa assilineri kiisalu
• piginnaasat ilisimatusarnermut ilinniartitsinermullu attuumassuteqartut pillugit uppernarsaatit naleqquttut

Naliliisarneq atorfinitsitsisarnerlu studielektor adjunktinullu atorfinnut

Qinnuteqartut nalilerneqarnerat malittarisassat atuuttut naapertorlugit naliliisartunit ilisimasalinnit ingerlanneqartarpoq. Qinnuteqartut piffissap qinnuteqarfiusup naareernerani naliliisartut inuttalersornerinik ilisimatinneqassapput. Qinnuteqaatit takkussuuttut naliliisartoqatigiinnit misissorneqassapput, tamanna pereerpat taakkua Instituttimi aqutsisumut innersuusiussallutik.

Studieadjunktitut atorfeqartitaaneq ukiunik 6-nik sivisussuseqarpoq, tamatumalu kingorna suli ukiut marluk angullugit sivitsorneqarsinnaalluni. Tamatuma kingorna lektorit naliliinerat tunngavigalugu studielektoritut atorfittut aalajangersimasunngorlugu atorfinitsinneqarsinnaavoq.

Studielektoritut atorfinitsitaaneq pisinnaavoq atorfininnissaq sioqqullugu naliliilluartoqarpat imaluunniit qinnuteqartoq piffimmi allami sammisami lektorimit nalilerneqarsimappat.

Adjunktitut atorfeqartitaaneq nalinginnaasumik ukiunik 4-nik sivisussuseqarpoq, tamatumalu kingorna suli ukiut marluk angullugit sivitsorneqarsinnaalluni. Tamatuma kingorna lektorip naliliinera tunngavigalugu lektoritut atorfittut aalajangersimasunngorlugu atorfinitsinneqarsinnaavoq.

Attavissat/paasissutissat:

Atorfik pillugu paasisaqarnerorusukkuit Instituttip pisortarigallagaa Nitta Lyberth-Mørchip attaviginissaanut tikilluaqqusaavutit oqarasuaammut uunga

 + 299 385702. 

Ilisimatusarfik pillugu paasisaqarnerorusukkuit ugguuna atuarnerusinnaavutit: www.uni.gl.

Ilisimatusarfik pillugu

Ilisimatusarfik 1987-imi pilersinneqarpoq. Maannakuugallartoq ilinniarneqarsinnaasut assigiinngitsut qulingiluaallutik taamatuttaaq Ilisimatusarfiup neqeroorutigai diplom-imut masterimullu saniatigut ilinniarnerit. Ilisimatusarfik issittumi universitetiuvoq nunarsuup ilaani pilertortumik ineriartorfiusumi nutaanik ilisimasaqalerfiusoq nutaaliorfiusorlu. Siulersuisut tassaapput Ilisimatusarfiup qullersai. Ulluinnarni aqutsineq rektorimit direktørimillu ingerlanneqarpoq. Instituttit sisamaasut Instituttini Siunnersuisoqatigiinnit siunnersorneqartumik siulersorneqarput.

Ilisimatusarfik sisamanik instituteqarpoq:

• Ilinniartitsinermik Ilisimatusarfik
• Inuiaqatigiilerinermik, Aningaasaqarnermik Tusagassiornermillu Ilisimatusarfik
• Kulturimik, Oqaatsinik Oqaluttuarisaanermillu Ilisimatusarfik
• Peqqissaanermik Pinngortitamillu Ilisimatusarfik

Allaffissornikkut aqutsisoqatigiiffik pillugu

Allaffissornikkut aqutsisoqatigiiffiup ilisimatusarfik tamakkerlugu sullitaraa. Ilisimatusarfiup direktørianit aqunneqarpoq. Allaffissornikkut aqutsisoqatigiiffik Ilinniarfissuarmi Ilimmarfimmilu immikkoortortaqarpoq. Immikkoortortat faginik ingerlatsiviusunik qanimut suleqateqartarput soorlu namminneq akunnerminni aamma taamaattartut. Allaffissornikkut aqutsisoqatigiiffimmi suliassat tassaapput: ilinniartut pillugit-, sulisut pillugit aqutsineq, Siulersuisuniik, Akademisk Rådimik kiisalu ilimmarfimmi sulisunik ilinniartunillu sullissineq. Allaffissornikkut aqutsisoqatigiiffiup Ilimmarfiup ilutaanik sanaartornermik nakkutiginninneq aamma ingerlataraa.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk