GUX Nuuk ilinniartitsisumik ikiortissarsiorpoq
Inuussuttunik sullissineq nuannarisaraajuk – aamma inuusuttut amerlanerit ilinniarnertuutut ilinniakkaminnik naammassinninnissaat peqataaffigerusuppiuk? Taava imaassinnaavoq illit tassaasutit suleqatissatut ujartugarput.
Qeqqani Ilinniarnertunngorniarfik/GUX Nuummi 1. august 2024 aallarnerfigalugu imaluunniit tamatuma kinguninnguatigut atuartunik siunnersuisartutut atorfik piffissaq tamaat suliffiusoq inuttassarsiorneqarpoq.
GUX Nuuk tassaavoq Kalaallit Nunaanni ilinniarnertuunngorniarfiit anginersaat ukiumi atuarfiusumi nutaami atuartut 500 missaanniissapput, ukiumut atuaqatigiinni pingasuusuni ilinniakkat arfineq pingasuullutik, ilinniartitsisut 50 missaanniipput kiisalu PAM-it 15-it missaanniillutik. Atuartuutivut ilinniarnermini aamma inuttut atugassarititaasutigut assigiinngitsunik tunngaveqarput, kisianni takorluugaat ataasiuvoq tassa ilinniarnertuunngorusunneq.
Atuarfimmut atasumik arlalinnik kollegiaqarpoq aamma ilinniarnertuunngorniartut aggerfiat tassaavoq kangiani Tasiilamiit kitaani kujammut Paamiunut, taamaattorli atuartut amerlanersaat Nuummeersuupput. Atuarfimmi sulinitsinni tunngaviuvoq marluinnik oqaaseqartunut pædagogik aamma atuartitsineq kulturimik tunngaveqartoq, kiisalu atuartut atuarfiup ingerlaneranut qitiutinneqarlutik.
GUX Nuummi atuartut iluarisimaarinninnissaat annertuumik sulissutigaarput, inuttut, inuuniarnikkut aamma ilinniarnissamut. Atuartut ukiup atuarfiusup ingerlanerani arlaleriarlutik iluarisimaarinninneq pillugu ilinniartunik siunnersuisartumik oqaloqatiginninnissaminnut neqeroorfigineqartarput. Atuartunik siunnersuisartutut atuartunik siunnersuisartut allat marluk, inunnik isumaginnittutut kollegiani sulisut aamma siunnersortit qanimut suleqatigissavatit. Suleqatigiit suleqatigiiaanut ilaapput, tassani qitiutinneqarput atuartut iluarisimaarinninnissaat aamma atuarunnaannginnissaat, ingammik sammineqarlutik atuartut ilinniarnertuunngorniarnerminnik naammassinninnissamut immikkut tapersersorneqarnissaminnut pisariaqartitsisut.
Suliassat tassaapput:
Atuarfimmi aqutsisut, kollegiani inunnik isumaginninnermik suliaqartut, atuartunik siunnersuisartut sinneri, ingerlalluarnissamik siunnersuisartut aamma sulisut allat ulluinnarni qanimut suleqatiginissaat
Atuarfimmi atuartunik aalajangersimasunik iluarisimaarinninneq pillugu oqaloqateqartarneq, kiisalu atuartunik allanik oqaloqateqartarneq taakkua pisariaqartitsinerat naapertorlugu
Atuartut atuariartunngitsoortarnerannik nakkutiginninneq kiisalu tamanna tunngavigalugu piviusumik iliuuseqartarneq atuarfimmi rektori suleqatigalugu.
Naatsorsuutigaarput:
Tassa inunnik isumaginnittutut ilinniakkamik ingerlatsisimanermik, soorlu isumaginninnermik siunnersortitut, perorsaasutut, isumaginninnermi assistentitut imaluunniit isumaginninnermut ikiortitut ilinniagaqarsimanermik uppernarsaammik takutitsisinnaasutit
Tassa illit sulisut allat aamma aqutsisut qanimut suleqatigissallugit piareersimaffigigit, tassani qitiutippavut ulluinnarni unamminartunut tunngatillugu piviusumik iliuuseqartarnissarput
Tassa illit eqaatsumik periuseqartutit, aalajaatsumik suliartortartutit aamma allanngortitsisarnernut piareersimallutit
Tassa illit inoqatinnut akuersaartumik pissuseqartutit apeqqutaatinnagit atuartuunersut imaluunniit suleqatiginerlugit
Inuusuttunut pitsaasumik attuumassuteqarnermik aamma tatigeqatigiinnermik pilersitsisinnaasutit
Kalaallisut oqalussinnaaneq iluaqutaalluassaaq, taamaattorli pinngitsoornani piumasaqaataanngilaq
Taasa illit atorfimmi piffissami sivisuumi atorfeqarnissat takorloorsinnaagit.
Neqeroorutigaavut:
Atuarfik tassani atuartut aamma taakkua iluarisimaarinninnissaat qitiutinneqarluni
Atuarfik suli ineriartorfiusoq tassani qitiutinneqarlutik ilinniakkat – taamatuttaarlu nalinginnaasunik ilisimasaqartariaqarneq
Atorfimmi suliassat ineriartortinnissaannut annertuumik sunniuteqarnissamut periarfissat
Suliffeqarfimmi namminermi aamma avataani ilitsersorneqartarneq (supervision)
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Qaammatit pingasut misilitsiffiupput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Periuseq
Paasissutissat sukumiinerusut Ilinniartitaanermut Aqutsisoq Maureen Hendrikximut telefon + 299 256102-mut imaluunniit rektorimut Hanne Larsenimut telefon +299 363396-imut saaffiginninnikkut pissarsiarineqarsinnaapput.
Qinnuteqaatit nassiuguk CV-t aamma soraarummeernermut uppernarsaatit ilanngullugit portali aqqutigalugu kingusinnerpaamik tallimanngornermi juulip ulluisa 19-ianni 2024, nal. 12.00.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.