GUX Aasiaat kantinemi pisortassarsiorpoq
GUX-Aasiaat kantiinami aqutsisussamik pissarsiorpoq
Avannaani Ilinniarnertuunngorniarfimmi, GUX–Aasianni nerinermi nerisassat puuguttamiittut saniatigut allarpassuit pineqartarput. Kantiinarput ilinniartuutitsinnut, ulluinnarni atugaannut, sulisunut aamma GUX-Aasianni ingerlatsinernut pingaaruteqartuulluni qitiuvoq.
Avannaani Ilinniarnertuunngorniarfik Kalaallit Nunaata avannaanit tamaneersunik 380-it missaannik ilinniartoqarpoq. Nunap immikkoortua susassaqarfipput kujataani qaasuitsup killeqarfianiit avannamut Kalaallit Nunaanni inuiaqatigiit avannarpasinnerpaat Qaanaaq tikillugu isorartussuseqarpoq. Tamatuma kingunerisaanik ilinniartut amerlanerpaartaat atuarfiup kollegiani najugaqartuupput aamma ilinniartut 18-init inorlugit ukiullit atuarfiup kantiinaani tamatigut nerisarput. Atuarfik 60 angullugit sulisoqarpoq, sulisut aamma ilinniartut ullup qeqqanut kissartunik nerisassarsinnaapput. Nerisassat peqqinnartut, pitsaassuseq aamma akisussaassuseqartumik aqutsineq uagut kantiinatsinni kissaatigaavut.
Tamakku ilinnut tulluarsorigukkit taava immaqa illit tassaavutit kantiinatsinni aqutsisortaassarput.
Kantiinamik aqutsisussarsiorpugut tassaasumik
Igasutut, igaffimmi aqutsisutut, økonomatut imaluunniit nerisassiornermut tunngasumik allatut ittumik tunngaveqartumik.
Aqutsisutut misilittagaqartumik aamma allaffissornermi suliassanik misilittagalimmik.
Tulluarsarsinnaasoq ataatsimut isiginnissinnaasoq aamma ulappusernermi isumagissaarnermik qimatsisanngitsoq.
Igaffimmi piumassuseqarnermut, nutaaliornermut / isumassarsiassanut aamma akisussaassuseqarnermut sunniisartoq.
Nutaanik eqqarsartoq igaffimmi aningasaqarnermut aamma aningaasartuutit qaffasissusiannut tappiffiginnilluartoq.
Pilersaarusiullaqqissoq aamma tulleriiaarillaqqissoq.
Kantiinami ulluinnarni sulinermut aamma piareersimasarnermut pilersaarutinut nalinginnaasumik peqataasoq ilinniartut unnukkut aamma sapaatit akunnerisa naanerini nerisassaqarnissaat qulakkeerniarlugit.
Immikkut ittunik pisoqartillugu immikkut sulisinnaasoq aamma sulisut taamaaliornissaannik isumaginnittartoq.
Erseqqittumik aqutsisoq ataavartumik suliatigut pitsaassutsimik qulakkeerinnittoq aamma sammisamut tunngatillugu inatsisinik ilisimasaqartoq.
Oqaatsinik marlunnik atuisinnaasoq kalaallisut aamma qallunaatut.
Illit pissarsiarissavatit
Akisussaassuseqarfik annertooq aamma aqutsisutut atorfik.
Immikkoortumi annertuumik inuussutissarsiutigalugu misilittagaqarneq
Kantiinamik ingerlatsinermut akisussaaffik tassani pineqarput sulinermik pilersaarusiorneq, piareersimanissamut pilersaarutit, nioqqutissanik inniminniineq, nerisassaliassanik pilersaarusiorneq, nakkutilliineq aamma missingersuutinut akisussaassuseqarneq.
Sulisunut akisussaarfeqarneq aamma igaffimmi sulisut ineriartornissaannut.
Suleqatit 60-it aallussilluartut taakkuninnga qulit missaanniittut igaffimmi.
Aqutsisut suleqatigiit tassani qitiutinneqarlutik pitsaassuseq, ineriartorneq aamma isummersoqatigiinneq.
Suliffeqarfik ineriartorluartoq tassani illit nammineq periarfissaqarputit ineriartornermut sunniuteqarnissamut.
Atuartut 380-it missaanniittut aamma sulisut 60-it illit igaffinniit nerisassanik peqqinnartunik aamma pissanganartunik pisariaqartitsisut.
Uagut neqeroorutigaavut
Suleqatit aallussilluartut aamma suliatigut sanngisuut
Annertuumik akisussaaffeqarnissamik aamma nammineerluni suliassaqarneq
Pædagogikkimut tunngasunik kollegiarminik iliuuseqartitsinissamut annertuumik kiffaanngissuseqarluni ineriartortitsinissaq
Suliassat ajunngitsorsiassat soorlu timigissartarfimmut isersinnaaneq, qajanik attartorneq, kiisalu ataarutinik attartorneq
Uagut naatsorsuutigaarput illit 1. juli 2024 imaluunniit tamatuma kingornatigut piaarnerpaamik aallartissinnaanissat.
Atorfimmi piffissaq suliffiusoq tassaavoq sapaatit akunnerannut nalunaaquttap akunneri 40-t.
Qinnuteqaateqarnissamut piffissarititaasoq kingullerpaaq juunip 14-ani 2024.
Apeqqutissat allat ingerlatinneqarsinnaapput uunga: Kantine leder Mina Lundblad, mail milu@gux-aasiaat.gl imaluunniit oqarasuaat +299 89 49 08.
Tusarfiginissat qilanaaraarput.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job