Digitalinngortitsinermut Aqutsisoqarfimmut inatsisileritooq

Kalaallit Nunaanni digitalimik ineriartorneq ingerlatsilluarnissarlu neqeroorutini isumaqatigiissutinilu qulakkeerniarneqartarpoq. Neqeroorutit isumaqatigiissutillu pitsaasut digitalimik aaqqiissutinik pitsaasunik akinillu naleqquttunik tunngavilerneqartarput. Isumaqatigiissusiorluarneruttaaq qulakkeerniartarpaa ingerlatsineq aserfallatsaaliinerlu pitsaanerpaamik sinaakkuteqarluni pinissaa.

IT-qarnermi sillimaniarneq nittartakkatigut saassussinernit navianartoqarnera isumaqatigiissusiorluarnernit pingaaruteqarneruvoq. Taamaattumik digitalimik aaqqiissummi neqeroorutit isumaqatigiissutillu iluanni paasissutissat suut passunneqassanersut aammalu IT-qarnermi sillimaniarnermut politikkinut naapertuuttumik suliaqarneq kiisalu isumaqatigiissut qanoq qulakkeerneqassanersoq aamma allassimasariaqarpoq.

Digitalinngortitsinermut Aqutsisoqarfimi inatsisilerituutut Kalaallit Nunaata digitalimik ingerlannissaanut nukissatut sulissaatit. Digitalinngortitsinermut Aqutsisoqarfimmi inatsisilerituutut sulininni inatsisilerituutut inuttullu piginnaasanni ineriartussaatit. Kalaallit Nunaanni digitaleqarnerup iluani isumaqatigiissutit ingerlanneqartut tunngaviusumik nunat tamalaat akornanni ingerlanneqartut assigaat. Kalaallit Nunaanni isumaqatigiissusioriaaseq EU-mi inatsisit malittorujussuuaat.

Digitalinngortitsinermut Aqutsisoqarfimmi inatsisinut immikkoortortaqarfik

Digitalinngortitsinermut Aqutsisoqarfimmi inatsisilerituut tassaassapput illit inatsisilerituullu allat marluk. Suliassat annerpaamik inatsisinut inatsisinillu paasinninnermut attuumassuteqassapput. Atorfimmik matuminnga inuttassarsiussineq, allamillu aamma inuttaliiniarnerup siunertaa tassaavoq IT-qarnermi pisiniarnermut pilersuisunillu aqutsineq. Suliffeqarfiup aaqqissuussaanera eqqarsaatigalugu inatsisinut immikkoortortaqarfik aqutsisoqarfiup pisortaata ataani inissisimavoq.

Inatsisinut immikkoortortaqarfimmit pisortaqarfiit IT-qarnermut pisiniartillugit, paasissutissanik illersuinissamut inatsisitigullu digitalinngorsaanissaq pillugu siunnersuisoqarlunilu suliaqartoqartarpoq. Nunat tamalaat ataatsimut isigalugit, tassani EU aamma Kalaallit Nunaata nunanut isumaqatigiissuseqarfiup avataaniittutut sillimaniarneq eqqarsaatigalugu qularnaatsutut inissisimaneq eqqarsaatigalugu aalajangersimasunik piumasaqaatitaqarpoq, taakkualu pillugit immikkoortortaqarfik aamma siunnersuisarpoq.

Oqartussaqarfiit akimorlugit peqqutaalluni soqutigisalinnut assigiinngitsunut suleqatigiissinnaaneq, attaveqatigiissinnaaneq inatsisilerituutut inuttullu piginnaanitit unammillerneqartarsinnaassapput.

Siunissami suliassatit tassaassapput:

• Oqartussaqarfinni IT-qarnermut neqeroortitsinernik suliaqartassasutit, aammalu neqeroorutissanik aammalu neqeroorutinik nalilersuisassasutit
• Isumaqatigiissusiornerup iluani peqataaneq, isumaqatigiissutinik suliaqartassasutit, isumaqatigiissusiortassasutit, atuutsitsisassasutit aquttassagitillu
• Suleqatitit, pisortat kiisalu oqartussaqarfiit allat neqeroortitsinerit isumaqatigiissusiornerillu iluanni inatsisinut attuumassusilinnut siunnersortassagitit
• Aqutsisoqarfimmi inatsisinut immikkoortortaqarfimmi suliassanut takkuttunut suleqataasassasutit, soorlu saaffiginnissutinut inatsisinut attuumassutillit

Piginnaasassatit:

• Inatsisilerinerup iluani bacheloriuvutit imaluunniit HA (jur.), cand.jur. kiisalu cand.merc.jur

Neqeroorutigisinnaasagut:

• Bachelorinut inatsisilerituutulluunniit naammasserlaanut ukiuni pingasuni graduatemik taasamik ingerlatsisoqarnissaa neqeroorutigaarput, tassanilu suliat pillugit paasisaqarnerunissaq, ilinniartinneqarnissaq, certifikatinik pissarsinissaq pikkorissarnissarlu ukkatarineqartarput.
• Kandidatitut ilinniarsimasunuttaaq ukiuni pingasuni ilinniarnissaq neqeroorutigineqarsinnaavoq, tassanilu neqeroortitsinissamut certifikati, qarasaasiaqarnermi isumaqatigiissutit nalinginnaasut pillugit pikkorissarneq, paasissutissanik illersuineq cyberimilu sillimaniarneq pikkorissaavigineqarsinnaalluni. Ilinniarnissamut periarfissat qinnuteqartup piginnaasaanut nalimmassarneqassapput.
• Neqerooruteqartitsinerup isumaqatigiissuteqarnerullu iluani suliassatigut unammillerneqarneq, tassani annertuumik nunat tamalaat akornanni isumaqatigiissusioriaaseq malinneqarpoq, soorluttaaq inuit paasissutissaataat avammut aamma nuunneqartartut
• Pikkorissunik suleqateqarneq
• Suliassaqarfiup iluani suliaqartunit isumasiorneqarnissaq ilinniartinneqarnissarlu
• Atorfik akisussaaffeqartoq attaveqaaterpassualillu
• Suliassaqarfik immikkut suliassaqarfiuvoq ineriartorfiuinnavissorlu
• Suliffeqarfimmi sulisut naammagisimaarinninnerisa qaffassarneqarnissaat anguniarlugu sulinermi avatangiisit ingerlaavartumik ukkataqarfigisaraagut – immikkoortortaqarfinni aqutsisoqarfillu ataatsimut isigalugu
• Sulisut ineriartornissaat pingaartittorujussuuarput, ukiumut marloriarluta aqutsisoqarfimmi ulloqartitsisarpugut, tassanilu naammagisimaarinninneq pingaarnertut sammineqartarpoq, ukiumut aqutsisut nalilersorneqartarput aammalu sapaatip-akunnera allortarlugu ataasiakkaaraluni oqaloqatiginninnerit ingerlanneqartarlutik, soorluttaaq ukiumut MUS-imik oqaloqatiginninnerit ingerlanneqartarlutik – taakkualu ukiup affakkaartumik malitseqartinneqartarput

Uagut pilluta

Digitalinngortitsinermut Aqutsisoqarfimmi Kalaallit Nunaanni inuiaqatigiinni qularnaatsumik digitalimik siunissaqarnissaq suliniutigineqarpoq, assigiissaakkanillu digitalimik aaqqiissutinik ineriartortitsinikkut suliniut sulissutigineqarluni. Digitalinngortitsinermut Aqutsisoqarfimmi Kalaallit Nunaanni digitaliseriineq aammalu Namminersorlutik Oqartussat iluanni qarasaasialerineq suliarineqartarput. Aqutsisoqarfimmi akisussaaffeqarfiit annertupput, Aqutsisoqarfimmullu soqutiginninneq naatsorsuutillu aamma annertullutik. Kalaallit Nunaata digitaliseerernissaannut suliniutinut akisussaasutut ingerlatsinerput tulluusimaarutigeqaarput, suliagullu maniguulluta suliarisarlutigit. Taamaaliorsinnaanissatsinnut ilisimasatigut inuttullu piginnaasatigut piumasaqaateqartoqarpoq – taakkualu tunngavigalugit ulluinnarni ulapaarlutalu allanngorarfiusumi sulisarpugut. Sulisut naammagisimaarinnilluarnissaat anguniarlugu suleqatigiilluarneq – ilisimasatigut inuttullu assigiinngissutsit ataqqivagut aammalu sulianik ukkataqarsinnaaneq tunngavigalugit sulivugut.

Atorfik pillugu sukumiinerusumik paasisaqarusukkuit aqutsisoqarfimmi pisortaq Katrine Hjelholt Nathanielsen mailikkut kat@nanoq.gl oqarasuaatikkulluunniit +299 34 59 70 attavigineqarsinnaavoq. Qinnuteqaat Digitalinngortitsinermut Aqutsisoqarfimmut kingusinnerpaamik 24. maaji 2024 tunniunneqarsimassaaq.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk