Cand merc, cand merc aud imaluunniit assingusumik ilinniagaqarsimasoq aamma aningaasaqarnermik naatsorsuutinillu soqutigisalik
Excel-arkikkut paasissutissanillu suliarinnissinnaavit? - Immikkoortortaqarfimmi suliassaqarfinni assigiinngitsuni naatsorsuuserinermut pisortap allaffinnilu aqutsisullu qanimut suleqatigineratigut kisitsisitigut misissueqqissaarnermullu piginnaasaqartumik suliassanik pissanganartunik suliaqartussamik Qitiusumik Naatsorsuuseriffik suleqatissarsiorpoq.
Kisitsisinik annertuunik nakkutilliinermut misilittagalimmik ulluinnarmilu tamanik sammisaqarfiusumut pissanganartumullu piareersimasumik AC-fuldmægtigissarsiorpugut. Aaqqissuisinnaassuseqarnissat, suliumatuujunissat nammineersinnaassuseqarnissallu kissaatigaarput, tamatumalu saniatigut suliffeqarfimmi sullitatsinnut pitsaanerpaamik kiffartuussiffiusumi sulerusussaatit.
Suliffik pillugu
Suliassat assigiinngisitaartut atorfimmut ilaapput aammalu pisinnaasatit soqutigisatillu aallaavigalugit erseqqissumik suliassanik allaaserinnittoqarsinnaassaaq, naatsorsuutigaarpulli Namminersorlutik Oqartussani aningaasaqarnikkut nalunaarusiortarnermik, ilaatigut Namminersorlutik Oqartussani suliassaqarfinni assigiinngitsuni missingersuutinik qitiusumiit malitseqartitsisarnermik aammalu Nunatta karsiata naatsorsuutai pillugit nalunaaruteqartarnermik pingaarnertut suliaqassasutit.
Tamatuma saniatigut suliassaqarfinni tullinnguuttuni suliassaqartarumaarpoq:
Aningaasaqarnermut Sulisoqarnermullu Aqutsisoqarfimmi suliassaqarfinni assigiinngitsuni aningaasaqarnikkut kisitsisitigullu piginnaasaqarnitit atorlugit nalinginnaasumik taperseeqataasassallutit.
Nakkutilliineq, tamatumanilu Namminersorlutik Oqartussani nakkutilliinermut ineriatortitsineq.
Ineriartortitsinermik aamma misissueqqissaarnermik nalunaarusiortarnermut atortulersuutit naleqqussarnerannut attuumassuteqartunik suliassat.
Namminersorlutik Oqartussani taarsigassarsisitsisarnermi atortoq nutaaq atuutilertinneqarnera.
Suliatigut piginnaasassatit
Naatsorsuutigaarput suliassat arlallit tullinnguuttut ilisarisinnaassagitit:
Aningaasaqarnermut, inuiaqatigiilerinermut, pisortani allaffissornermut, naatsorsuusiornermut assigisaannulluunniit tunngasumik sivisuumik ilinniagaqarsimaneq.
Nalilersuilluni misissuisarnermut piginnaassuseqarneq kisitsisinillu paasisimasaqarluarneq
Sulianut tunngatillugu suliamik ilisimasaqanngitsunut attaveqaqateqallaqqissuuneq
Excelip atornissaanut pitsaasunik piginnaasaqarneq
IT-kkut atortorissaarutinik soqutigisaqarlunilu piginnaasaqarneq
Paasissutissanik suliarinninneq kisitsisilerinerlu
Inuttut piginnaasassatit
Akisussaaffeqarluarneq nammineerlunilu sulisinnaassuseqarneq
Aaqqissuussaasumik suleriaaseqarputit, tamakkiisumillu isiginnissinnaassuseqarluartuuvutit.
Sulisunik assigiinngitsunik tunngaveqartunik suleqateqarnissamut suleqateqarusussuseqarneq
Akuersaartoq aammalu suliffiup iluani avataaniillu atassuteqarfinnik pilersitsisinnaassuseqartoq
Ilinnut neqeroorutigisinnaasavut:
Suliaqarfik soqutiginarluni unamminartoq
Suleqatit nuannersut inussiarnersumillu suleqatigiinneq
Suleqatit sulerusussuseqarluartut
Suliassatigut ilisimannilluarfiusoq qaffasissumillu akisussaaffeqarfiusoq
Akisussaassuseqartumik kiffaanngissuseqarneq
Kalaallisut oqalussinnaaguit aamma/imaluunniit Namminersorlutik Oqartussat pillugit ilisimasaqaruit iluaqutaassaaq piumasaqaataananili.
Ulloq atorfiniffissaq: 1. august 2024 isumaqatigiissuteqarnikkulluunniit.
Paasissutissat sukumiinerusut:
Apeqqutissaqaruit Namminersorlutik Oqartussat naatsorsuuserinermut pisortaat Egon Skindhøj attaveqarfigisinnaavat oqarasuaatitigut + 299 54 64 26 mailikkulluunniit ugguuna egsk@nanoq.gl.
DcR pillugu
DcR Aningaasaqarnermut Sulisoqarnermullu Aqutsisoqarfimmi immikkoortortaavoq aammalu Nunatta Karsiata naatsorsuutaanut akisussaanerpaalluni. DcR 40-t missaannik sulisoqarpoq tallimanillu allaffeqarfeqarluni; Akiligassalinnik Naatsorsuuseriffik, Akiligassaqarfigisanik aamma Aningaasaqarnermut Tunngasunik aamma Immikkut Ittumik Naatsorsuuseriffik, Naatsorsuutinik ineriartortitsinermut allaffik, nakkutilliisoqarfik aammalu missingersuutinik nakkutilliineq.
ASA pillugu
Aningaasaqarnermut Sulisoqarnermullu Aqutsisoqarfik, ulluinnarni ASA-mik taagorneqartoq, Kalaallit Nunaanni Namminersorlutik Oqartussat ataatsimoorussamik kiffartuussinermut sullissivigaat. Maannakkut ASA 110-t missaannik sulisoqarpoq ilaatigut naatsorsuutit saqqummiunneqartarnerannut, pisiortornermi, isumaqatiginninniarnernut tunngasunut, aningaasarsiaqarnermut sulisoqarnermullu politikimut, nutserisoqarnermut kiisalu illuutit ingerlanneqarnerannut akisussaasuulluni.
Aningaasaqarnermut Sulisoqarnermullu Aqutsisoqarfik pillugu aammalu pingaartitagut pillugit uani atuarsinnaavatit:www.asa.gl
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job