Avatangiisinut Upalungaarsimanermullu Immikkoortortaqarfimmut AC-fuldmægtigi / Immikkut ittumik siunnersorti
Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfimmi Avatangiisinut Upalungaarsimanermullu Immikkoortortaqarfimmut AC-fuldmægtigi/immikkut ittumik siunnersorti
Avatangiisinut Upalungaarsimanermullu Immikkoortortaqarfik 1-2-nik suleqatissanik pikkorissunik tunniusimasunillu, ajornanngippat avatangiisinut piujuartitsinermullu misilittagalimmik, aamma tamanut tunngasunut piginnaasaqarluartumik pissarsiorpoq.
Suliffeqarfik naatsumik
Avatangiisinut Upalungaarsimanermullu Immikkoortortaqarfimmi, Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfiup ilaani suleqataalissaatit. Immikkoortortaqarfimmi sulineq avatangiisini pissanganartuni suliassatigullu unammillernartuni, suliatigut ineriartornissamut periarfissaqarfiulluartuni ingerlanneqarpoq. Suliffeqarfimmut pitsaasunik suleqateqarfiusumut, pingaartorsiorfiunngitsunik pissusilersorfiusumut aammalu toqqissisimanissamik ineriartornissamillu pingaartitsiffiusumut ilaalissaatit.
Avatangiisinut Upalungaarsimanermullu Immikkoortortaqarfiup suliassaqarfiit arlallit akisussaaffigai, taakkununngalu eqqakkat, imeq imigassaq, immami sinerissamut qanittumi avatangiisit, imeq errortuutikoq, ASN, suliffeqarfiit annertuumik mingutsitsisut aamma upalungaarsimaneq ilaapput. Aamma immikkoortortaqarfiup avatangiisinik illersuineq pillugu nunani tamalaani isumaqatigiissutit arlallit naapertorlugit ingerlatsinerit akisussaaffigai.
Suliffeqarfimmut pitsaasunik suleqateqarfiusumut, pingaartorsiorfiunngitsunik pissusilersorfiusumut aammalu toqqissisimanissamik ineriartornissamillu pingaartitsiffiusumut ilaalissaatit.
Suliassatit
Avatangiisinut piujuartitsinermullu politikkikkut ullormut oqaluuserisassanik tunniusimalluartumik, 1-2-nik Naalakkersuisunit avatangiisinut suliassanut pileraarusiat periusissiallu atortussanngortitsinermut suliassaqarfimmi suleqatissanik ujaasivugut. Suleqatit nutaat eqqagassalerinermi suliassaqarfimmut, avatangiisit pillugit akuersissutinut, immami avatangiisinut aamma anartarfilerinermut tunngatillugu suliassaqarfimmut suliaqarusuttumik atorfissaqartitsivugut Immikkoortortaqarfimmi suliassaqarfimmi suliassanik ataatsimi imaluunniit arlalinni suliaqarnissamut kajumissuseqartuussaatit.
Ulluinnaat pissanganartut, suliassanik assigiinngitsorpassuarnik suliaqarfiusut, amerlanertigut politikerit, innuttaasut kommunilluunniit tungaanniit saaffiginnissutinik apeqqutaatitsiffiusut. Sulinermi Naalakkersuisoqarfimmi immikkoortortaqarfiit allat, aamma Namminersorlutik Oqartussani oqartussaasut allat, kiisalu avataaniit suleqataasut suleqatigineqarput.
Suliassat ilaatigut tassaassapput:
Suliassaqarfimmi ataatsimi imaluunniit arlalinni piginnaasat, atorfissaqartitsineq aamma soqutigisaq apeqqutaatillugit suliassamik isumaginninneq
Naalakkersuinikkut kiffartuussinerit, taakkununnga allakkiorneq aalajangiiffigisassanullu isummernissamut tunngavissiat ilanngullugit
Namminersorlutik Oqartussat oqartussaaffii akimorlugit tusarniaanernik ataqatigiissaarineq
Inatsisinik, nalunaarutinik maleruaqqusanillu suliaqarneq iluarsaassinerlu
Kommuninut suliffeqarfinnullu siunnersuineq ilitsersuinerlu.
Immikkoortortaqarfimmiit atortussat, aqutsisunut Naalakkersuisoqarfimmullu saqqummiunneqartussat pitsaassusiinik qulakkeerinninneq
Pilersaarusiornermi sulisunik aqutsineq, suliatigut piginnaasatit apeqqutaallutik
Immikkoortortaqarfimmi sulisut allat qanittumik suleqatigalugit sulissaatit, aamma avatangiisinut suliassaqarfimmi tamarmiusumi suliassanik pissarsisarsinnaassaatit.
Piginnaaneqarfiit
Avatangiisinut suliassaqarfik nuannaraat, namminersorsinnaavutit, eqaatsumik aaqqiisinnaavutit, nutaanik suliaqarnissamut piginnaaneqarfeqarputit, ilusiliussat allanngutsaaliorsinnaavatit suliatillu paasisimaarisinnaallugit. Eqqissisimasuuvutit, unammilligassat kajumilersittarpaatsit, pisussaaffitit naammassisarpatit, unneqqarissuuvutit isumagissaartuullutillu.
Suliassaqarfiit ilaat immikkut ilisimasaqarfigisinnaavat imaluunniit arlalitsigut ilisimasaqarfigisinnaavatit. Suliassat pillugit anguniagaq anguniartillugu suliffiup iluani avataanilu suleqateqartoqartassaaq taamaammat ileqqorissaartuunissat, kiffartuussinermik pingaartitsinissat aammalu oqaasiliornermut attaveqaqateqarnermullu piginnaaneqarluarnissat pisariaqarpoq.
Naatsorsuutigisavut
Kissaatigaarput:
Ilinniagartuutut ingerlaqqiffiusumik ilinniarsimassasutit imaluunniit suliatigut attuumassutilimmik allamik tunuliaqutaqassasutit
Avatangiisinut suliassaqarfimmi ataatsimi imaluunniit arlalinni suliassaqarfik misilittagaqarfigissagit soqutigissagillu
Sulianik aqutsinermik misilittagaqassasutit
Aaqqissuussaanermi naalakkersuinikkut aqunneqartumi sulinermik misilittagaqassasutit
Pisortat ingerlatsinerannik suliaqarnermik imaluunniit suliffeqarfimmi siunnersuisartumi sulinermik misilittagaqassasutit
Isummerfissat pisariusut oqaatsit ersarissut atorlugit ingerlateqqinnissaannut piginnaaneqassasutit
Suleqatikkuminartuussasutit, kiisalu suliassanik ataatsikkut amerlasuunik ingerlatsinissamut piginnaaneqassasutit
Oqaatsinut piginnaaneqarluassasutit, taakkununngalu tuluttut, danskisut kalaallisullu oqaatsit ilaapput kiisalu kalaallit kultoorianut aamma inuiaqatigiinnut kalaallinut ilisimasaqartuussasutit.
Suliavit naalakkersuinikkut eqqumaffigineqarnerat iluarisimaarpat, aammalu isummerfissat pisariusut oqaatsit ersarissut atorlugit ingerlateqqissinnaavatit. Namminersorlutit, tunniusimallutit, pitsaasumik isumagissaarlutillu sulisarnissat pingaartipparput.
Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfik pillugu
Naalakkersuisoqarfimmi sulisut 45-t missaanniippugut, Avatangiisinut Upalungaarsimanermullu Immikkoortortaqarfimmi sulisut 13-upput . Tamatuma saniatigut pisortat pilersuisoqarfiat Nukissiorfiit, Innaallagissiornermut Oqartussaasut, Pinngortitaleriffik aamma Asiaq Naalakkersuisoqarfimmut immikkoortortaqarfittut inissisimapput.
Naalakkersuisoqarfimmi suliassat inuiaqatigiinnut pingaarutillit Kalaallit Nunaannut iluaqutaasumik isumagisaraagut. Ulluinnarni sulisut akunnerminni nuannersumik, aammalu suliat inernerinut namminneerlutik sunniuteqarsinnaanerinut inissaqartitsiviusumik pissuseqarput.
Ineriartortitsinermi pissanganartorpassuarnik suliaqarpugut, aammalu atorfinni ineriartorsinnaallutit misiginissat uagutsinnut pingaaruteqarpoq.
Naalakkersuisoqarfiup aqutsisuisa nukittuumik ataavartumillu qaffasissusilimmik toqqissisimanissaq pingaartippaat. Naalakkersuisoqarfimmi uninngaannannginnerput, pimoorussinerput akisussaaffinnillu tigusisarnerput ilisarnaatigaarput. Naalakkersuisoqarfik ataaseq ataatsimoorfigaarput, assigiinngissutsigut nukittoqqutigalugit. Taamaattumik avatangiisini toqqissisimanartuni sulisinnaanerit, tamatumunngalu tapertatut tunniussaqarsinnaanerit takusinnaassavat.
Akissarsiat atorfeqarnermilu atugassarititaasut
Akissarsiat atorfeqarnermilu atugassarititaasut, taakkununnga atorfininnermut soraarnermullu atatillugu angalanernut akiliunneqarsinnaatitaaneq ilanngullugit, piffissami atorfiniffiusumi Namminersorlutik Oqartussat kattuffiullu isumaqatiginninniarsinnaatitaasup ilaasortaaffigisap akornanni isumaqatigiissutit tunngavigineqassapput. Sapaatit akunnerannut piffissaq suliffiusoq nal. ak. 40-nik sivisussuseqarpoq.
Naalagaaffimmi tjenestemandit aamma AC-mut isumaqatigiissutit arlallit, ilaatigut DJØF-ip aamma Aningaasaqarnermut Ministereqarfiup akornanni isumaqatigiissutit malillugit atorfeqartinneqartut, Namminersorlutik Oqartussani atorfeqarnerminnut atatillugu akissarsiaqaratik sulinngiffeqarsinnaatitaapput. Aamma Nunamut Namminermut Ministereqarfik kommuninut nunallu immikkoortuinut inassuteqarpoq, Namminersorlutik Oqartussani atorfeqarnermut atatillugu akissarsiaqarani sulinngiffeqarnissamut qinnuteqartunut akuersaaqqullugit. Sulinngiffeqarnermut aalajangersakkanut aamma Namminersorlutik Oqartussani atorfinittunut aappaasut/inooqataasut ilaatinneqarput.
Inissiaq
Atorfimmut atatillugu sulisunut inissiamik neqerooruteqartoqassanngilaq. Qinnuteqartup Namminersorlutik Oqartussani atorfeqarnerminut atatillugu sulisunut inissiami najugaqareersimaguni sulisumut inissiamut innersuunneqarsinnaatitaaneq pigiinnassavaa. Sulisunut inissiaq atorfeqarnermut atasuuvoq, atorfeqarnerullu naanerani qimanneqassalluni.
Nuuk
Suliffeqarfik Nuummi inissisimavoq. Illoqarfik periarfissarpassuaqarpoq, taakkununngalu kulturip illorsua, filmertarfik, naluttarfik, timigissartarfiit, kaffisorniartarfiit, neriniartarfiit peqatigiiffiillu assigiinngitsut ilaapput. Aamma Nuup eqqaani pinngortitami sisorartarfeqarpoq golfertarfeqarlunilu, kiisalu qajartornissamut, aalisarnissamut, imaatigut angalanissamut, nunakkut pisunnissamut sunngiffimmilu sammisassanik arlalissuarnik periarfissaqarpoq.
Paasissutissat amerlanerusut
Atorfik pillugu annertunerusumik paasisaqarusukkuit immikkoortortami pisortaagallartumutErik Rosingimut attaveqarfigisinnaavutit oqarasuaat (+299) 34 55 02.
Qinnuteqaat:
Qinnuteqarnissamut 31. juli 2024 killigitinneqarpoq
1. september 2024-mi imaluunniit piaarnerpaamik atorfinitsitsisoqassaaq.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job