Atuarfik Inussuk Pedelimik 1. aggusti atorfinittussamik pissarsiorpoq
Kalaallit Nunaanni meeqqat atuarfiannik pitsaanerpaamik pilersitseqataarusuppit? Suliffeqarfimmilu uummaarissumi, akuersaarneq, ataatsimoorneq aamma ineriartortitsineq tunngaviusumik naleqartinneqartumi sulerusuppit?
Taava atorfimmik ilinnut tulluaqqissaartumik neqeroorfigisinnaavatsigit!
2024-mi aggustip qaammataanni Nuummi atuarfik nutaaq - Atuarfik Inussuk - sulisunik atuartunillu maanna illoqarfimmi meeqqat atuarfianneersunik aamma atuarnerup kingorna ornittakkaneersunik tikilluaqqusinissaminut piareersimassaaq.
Atuarfik:
Atuarfik Inussuk atuarfik nutaavissuuvoq 1000-it missaani atuartulik, taavalu 100-inillu sulisoqassalluni immikkoortunut sisamaasunut agguakkanut: Nukarliit, akulliit, angajulliit specialklassillu. Atuarfimmi pisortaqarpoq, pisortap tullii pingasut, allaffissornermi pisortaq, immikkoortuni aqutsisut sisamat specialklassinut ataqatigiissaarisulik. Atorfiit piffissami suliffiusussaq tamaat suliffiupput. Atuarfik Inussuk pillugu annertunerusumik uani paasisaqarit:
https://sermersooq.gl/kl/2023/08/nuummi-atuarfik-nutaamik-ateqalerpoq/
https://sermersooq.gl/kl/nuummi-atuarfissaq-nutaaq/
Ataatsimoorneq patajaatsoq:
Kissaatigaarput Atuarfik Inussuk suliffeqarfiussasoq eqeersimaarfiusoq, tassani pingaarnertut naleqartitat tassaallutik akuersaarneq, ataatsimoorneq ineriartornerlu. Akunnitsinni isumalluartumik akuersaartumillu pissuseqarfigeqatigiinnissaq pingaartipparput, atuarfik suliffeqarfillu pitsaasoq pilersinniarlugu tamatta akisussaaffimmik tiguseqatigiissalluta. Upperaarput qaffasissumik anguniagaqarneq ingerlalluarnerlu ilikkagaqartitsisinnaalluarnissamut ineriartortitsilluarnissamullu pisariaqartuusut, taamaattumillu kikkut tamarmik suliniuteqarnissaat isumalerujussuuvoq - eqqiaasuuppata, aqutsisuuppata, allaffimmiuuppata, isumaginninnermi siunnersortaappata aqqutissiuussisuuppataluunniit, ilinniartitsisuuppata, perorsaasuuppata pedeliuppataluunniit.
Kinaana atorfinitsinniaripput:
Pingaaruteqarluinnarpoq illit atuarfipput ataatsimoortoq ulluinnarni pilersitseqataaffigissagit, taamaattumik suliffik nikerartoq pissanganartorlu suliffigissallugu piareersimaffigissavat. Pingaaruteqarpoq illit atuartunik, angajoqqaajusunik sulisunillu ikiuerusussuseqarlutit ikiuilluarsinnaanissat, taavalu atuarfiup ulluinnarni ingerlanera ajunnginnerpaamik ingerlanissaa pingaartissagit. Taamaattumik pisariaqartipparput inuk inussiarnersoq, pitsaasumillu kiinnertarlutit atuarfik eqqiluitsuutiitigalugu. Naatsorsuutigissavat atuarfimmi allaffimmiutut atuarfiup aqutsisui qanimut suleqatigilluinnaqqissaarnissai.
Kikkut suleqatigissavigit:
Illit qanimut suleqatissatillu marluussaasi pingasulluunniit, aammalu kantinemi sulisut aammalu allaffissornermi pisortaq qanimut suleqatigisassallugit.
Allaffimmioq atorfinitsitassarput makkuninnga suliassaqarpoq nakkutigisaqarlunilu:
∙ Ulluinnarni atuarfiup ingerlanerani suleqataaneq aamma aaqqissugassat suliaralugit, atuarfiup iluani silataanilu
∙ Pisariaqaleraangat atuarfiup silataani aputaajaanerit siorarterinerillu
∙ Aaqqissugassaqaleraangat suliaralugit aaqqiipallanneq
∙ Eqqagassanik katersineq, atuarfillu eqqiluitsuutillugu
∙ Atuartut nerisassaannut piareersaanermut ikiuunneq
∙ Atuarfiup iluani silataanilu qalipanneqarnikunut piiaanerit
∙ Aaqqissuisoqarneranut piareersaanerit ikiuuffigalugit
∙ Lejrskolertut angalaqatigalugit
∙ Suliassallu allat
Neqeroorutigissavagut:
∙ Suliffik ulapaarfik, kisianni aamma allanngorartoq pissanganartoq ilikkagaqarfiusinnaasorlu.
∙ Suliffik nikerartoq suliassatigut namminersuutigisassat
∙ Suleqatit qanimut suleqatigalugit
∙ Isumaqatigiinnermi suliffik piffissaq allanngorarsinnaasoq
Naatsorsuutigaarput:
∙ Tekniskimik/sanaartornermut misilittagaqarneq
∙ Suliffimmik assingusumik sulereersimanissaq
∙ Sanaartornermut suliaqarneq pikkoriffigigit
∙ Nammineersinnaasutit aammalu nammineq suliaqarsinnaallutillu sulisinnaasutit
∙ Torersuutitsisoq peqqissaartorlu
∙ Inussiarnersoq naapikkuminartorlu
Sapaatip-akunneranut akunnerit suliffissat:40 tiimit sapaatip-akunneranut
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Nuka Bilo Heilmann, oqarasuaat +299 36 73 81 imaluunniit e-mail: nbhl@sermersooq.gl
Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Qinnuteqaat:
Qinnuteqaat qulequtserlugu Atorfiup ilisarnaataa 596-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: juulip 3.-at, 2024