Attaveqaqatigiinnermut Pilerisaarinermullu akisussaasoq

Attaveqaqatigiinnermut pilerisaarinermullu akisussaasussamik Katuaq pissarsiorpoq, piaarnerpaamik imaluunniit isumaqatigiissut naapertorlugu aallartissinnaasumik.

Attaveqaqatigiinnermut Pilerisaarinermullu akisussaasutut attaveqaqatigiinnikkut pilerisaarinikkullu suliniutitut pilersaarutit, anguniakkat annertusagasallu ikorfartorlugit piviusunngortinnissaat akisussaaffigissavatit.

Qanoq avammut immitsinnut nittarsaannitta annertusarnerani patajaallisarneranilu qitiusumik inissisimassaatit kiisalu akornitsinni avammullu malunnaatilimmik attaveqaqatigiittarnissaq qulakkeertussaallugu. Katuap avataaniit qanoq isigineqarnera illit ataqatigiissassavat. Suliassat annersaat tusagassiuutinut assigiinngitsunut Katuamiit avammut attaveqartarnerit pillugit pilersaarusiornermut ataqatigiissaarinermullu tunngasuupput, kiisalu nittartakkap imarisai allallu pilerisaarinermut aqqutigisat ingerlaavartumik suliassaallutik.

Aaqqissuussinermut immikkoortortaqarfimmi inississaatit, aaqqissuussinermut pisortaq qullersaralugu Katuaq tamaat ataatsimut isigalugu atassuteqartuussallutit, ingammik café-mut ataatsimeersuarnernullu immikkortortaqarfimmut filmertarfimmullu atatillugu.

Suliassat pingaarnerit

· Katuaq tamaat ataatsimut isigalugu iliuusissatut pilersaarutit pilerisaarinermullu tunngasut aaqqissuunnissaat piviusunngortinnissaallu.

· Nittartakkami www.katuaq.gl-imi inuillu qarasaasiakkut naapittarfiit sulianut attuumassutillit imarisai, nutaarsiassat kiisalu paasissutissiinerit akisussaaffigissavatit.

· Susassaqarfinnut misissorneqartunut atatillugu akisussaasut peqatigalugit pilerisaarinermut nioqqutigisimasanullu tunngasut misissoqqissaarnissaat.

· Aaqqissuussat nioqqutigisassallu pillugit pilerisaarinermi imarisassaannik pilersaarusiorneq.

· Katuamik atuisartunut paasissutissanik allagartalersugassanillu ataqatigiissaarineq.

· Cafétuap nioqqutaasa ilusilersornerannik taakkualu pilerisaarutiginissaannik ataqatigiissaarineq.

· Aaqqissuussanik toqqarneqartunik ingerlatseqataanissaq, assinik videonillu uppernarsaasersuilluni imaluunniit atorfimmut naapertuuttunik allanik suliaqarluni.

· Aaqqissuussinermut immikkoortortaqarfimmi sulisunut akuullunilu pisariaqartillugu sulianut atatillugu tapersiisarnissaq.

Ilinnut atatillugu naatsorsuutigut:

· Pilerisaarinermut tunngasunik ilinniagaqarnikuusimanissaq imaluunniit tamatumunnga assigusunik suliaqarnikuunissaq.

· Internetsikkut inuit naapittarfiisa imaannik nittartakkanillu suliaqarnermik misilittagaqarnissaq.

· oqaasertalersuillaqqinneq.

· Kalaallisut, Danskisut Tuluttullu allassinnaallunilu oqalussinnaaneq.

· Allanik suleqateqarnermut atatillugu suleqatiginnillaqqissuuneq.

· Kulturip illorsuani pikialaartitsiviusumi, ilaannilu ulapaarfiusartumi iluarusussinnaaneq.

· Suliassat assigiinngitsut suliarineranni, Katuami avataanilu suleqatigisat peqatigalugit suliat kattullugit tamakkiisumik isiginnissinnaaneq.

· Katuap imminut qanoq nittarsaannissaanik soqutiginnillunilu suliaqarnissaq.

· pissutsit allanngorarneri naapertorlugit inissinnissamut piareersimaneq kiisalu nalinginnaasumik sulisarfiik avataatigut sulisinnaaneq.

· pissutsit aallaavigalugit iliuuseqarsinnaaneq kiisalu inerisaanissamik ukkassisinnaaneq.

· Kalaallit kulturiat inuiaqatigiillu pillugit ilisimasaqarneq paasisimasaqarnerlu.

Paasissutissat allat:

Atorfik pillugu apeqqutit, aaqqissuussinermut pisortamut, Jakob Søvndahl Skovaa-mut, ingerlatinneqassapput mobil normu una atorlugu: +299 54 71 94.

Qinnuteqaat

Qinnuteqaat piaarnerpaamik kingusinnerpaamillu ataasinngornermi 13. maaji 2024 aaqqissuussinermut pisortamut, Jakob Søvndahl Skovaa-mut nassiunneqassaaq, piginnaasat pillugit paasissutissat ilanngullugit kiisalu minnerpaamik suliffiginikuusanit marlunnit oqaaseqaatit ilanngullugit, una aqqutigalugu: eventmanager@katuaq.gl.

Katuamut tunngasut

Katuaq suliffeqarfiuvoq pikialaarfiujuartoq pissanganartorlu, ukioq kaajallallugu assigiinngitsunik aaqqissuussaqarnikkut inuppassuarnit orniganeqartuartoq. Katuami sulisut eqqumiitsuliortunik, kulturilerisunik, kattuffinnik, suliffeqarfinnik suleqateqartuupput kiisalu nunatsinneersunik nunanillu allaneersunik allarpassuarnillu suleqateqartarput.

Katuamit pingaartinneqartut tassaapput: Ataqatigiinneq, suleqatigiinneq, ataqqeqatigiinneq kiisalu tatigeqatigiinneq, taakkualu suliaqarnermut aallaaviullutik.

Katuaq inuussutissarsiorfittut aningaasaateqarfittut ingerlavoq, kulturimut atatillugu atassuteqaqatigisartakkat inerisarnerisigut suleqateqarnikkullu, Kalaallit Nunaanni nunanilu tamani kalaallit kulturiannik nittarsaavittut, Kalaallit Nunaanni Kulturip Illorsuatut ingerlasuulluni. Katuap nammineq filmetarfik café-lu ingerlatarai kiisalu ullorissanik tallimanik nalilerneqartunik ataatsimiittarfeqarlunilu ataatsimeersuartarfeqarluni. Katuap suleqatai tassaapput peqatigiiffiit, suliffeqarfiit, kattuffiit inuillu kulturilerisut ataasiakkaat assigiinngitsorpassuit. Katuamut tapiisartut tassaapput Kalaallit Nunaanni Namminersorlutik Oqartussat kiisalu Kommuneqarfik Sermersooq. Taakkua saniatigut arlalinnik Katuamut aningaasaliisoqartarpoq, Kalaallit Nunaanni tamani kulturikkut aaqissuussarpassuarnik assigiinngitsunik tapiisartunik.