Paasissutissat
Atorfik: Inatsisilerituut
Suliffeqarfik: Namminersorlutik Oqartussat
Qinnuteqarfissaq kingulleq: 14. maaji 2024
Attaveqarfissat: Kenneth Lund Bøjler
+299 34 66 56
Kalaallit Nunaanni attaveqaasersuutinut inatsisilerinikkut tamatigoortumik sulisinnaasut
Inatsisilerinikkut unammilligassat allanngorartut aammalu allanngortitsisussamik sulineq, pingaartippigit? Tamanna Ineqarnermut Attaveqaasersuutinullu Naalakkersuisoqarfimmi Attaveqaasersuutinut Immikkoortortaqarfimmi pilersuiffigisinnaavarput.
Kalaallit Nunaanni attaveqaasersuutit ineriartupiloorput. Immikkoortortaqarfimmi suliassat politikkikkut annertuumik eqqumaffigineqarput aammalu tamanut tusagassiuutiniillu soqutigineqarlutik. Aaqqiissutissanut, innuttaasut tamarmik ulluinnaannut aammalu nunatsinni siuariartortitsinissamut periarfissaqarfiit tamakkerlugit piviusunngortitsinissamut pingaaruteqartunut, tapersiisarpugut.
Suliffik pillugu
Ineqarnermut Attaveqaasersuutinullu Naalakkersuisoqarfik inatsisilerinikkut piginnaasaqarnerput nukittorsarniarlugu inatsisilerituunik marlunnik sulisussarsiorpoq. Suliassaqarfimmi sulisutta suliassatigut anguniakkat ilisimavaat, kisianni anguniakkat inatsisinngortinnissaannut inatsisilerinikkut piginnaasaqartut amigaatigaagut.
Suliassatit assigiinngisitaartuussapput aammalu immikkoortortaqarfimmi allaffiit marluk taakkunanilu suliassaqarfinni sulisut suleqatigalugit suliarineqartussaallutik. Immikkoortortaqarfimmiipput Imarsiornermut allaffik, umiarsualivinni imarsiornermilli suliaqartoq aammalu Silaannakkut angallannermut allaffik, timmisartoqarfinnik, silaannakkut angallassinermik, allakkanik, nalunaarasuartaatitigut attaveqaqatigiinnermik aqqusinertigullu angallannermik suliaqartoq. Allaffinnut marluusunut tunngatillugu suliassaqassaatit.
Suliassani ilaatigut ilaatinneqarput:
• Politikerinik sullissineq
• Inatsisilerinikkut isumasioqatigiinneq
• Inatsisinik nassuiaaneq
• Isumaqatigiissutinik misissuisarneq
• Tusarniaanernut akissuteqarnerit
• Naalagaaffimmi inatsisinut ataqatigiissaarineq passussinerlu
• Soqutigisaqartunik, suleqatigisartakkanik ataatsimeeqateqarnerit aammalu suleqatigiissitaliani ataatsimiinnerni peqataaneq
• Suliassaalertartunik suliassanik suliarinninneq
Sulineq avatangiisini ulapaarfiusuni ingerlanneqarpoq, sulinerup nuannarinera akisussaaffeqarnerlu qaffasissumik sulianut ilinniarsimasuunissamut pitsaasunillu angusaqarnissamut, tulluusimaarutigisinnaasatsinnut, ataqatigiilluinnarlutik.
Ilinniit neriuutigisagut
Pingaartipparput illit:
• Nunani avannarlerni ilisimatusarfinniit inatsisilerinikkut ilinniagartuujusutit
• Suliassaqarfinni arlalinni inatsisilerinikkut ajornartorsiutit assigiinngitsut suliarisinnaagitit
• Ilisimasat ajornartorsiutillu oqaatsini paasiuminartuni paasissutissiissutigisinnaagitit
• Tulleriissaartumik periaaseqarlutit sulisartutit aammalu aaqqissuussaaneq pikkoriffigigit
• Danmarkimi aamma Kalaallit Nunaanni politikkip akunnerminni oqimaaqatigiinnerat kiisalu suliassaqarfimmi inatsisit paasisimasaqarfigigitit
• Ajornartorsiutinik misissueqqissaarsinnaasutit aammalu aaqqiissutissanik eqqortunik nassaarniaqataasinnaasutit
• Immikkoortortaqarfimmi suleqatit aammalu Kalaallit Nunaanni aamma Danmarkimi suleqatigisartakkat suleqatigisinnaagitit
• Namminersorlutit sulisartutit, kisianni aamma qaqugu immikkoortortaqarfimmi suleqatitit allat isumasioqatigissanerlugit ilisimaarigit
• Aaqqissuussaanermi politikkikkut aqunneqartumi sulisinnaasutit
Inatsisilerituut ilinniarlutit naammasserlaat taamatullu misilittagallit qinnuteqarnissaannut kaammattorneqarput.
Inuiaqatigiinnut kalaallinut, oqaasiinut kulturiannullu ilisimasaqarneq iluaqutaassaaq, kisianni piumasaqaataanani.
Uagut pilluta
Attaveqaasersuutinut Immikkoortortaqarfimmiipput sulisut 12-it allaffinni marlunni agguarsimallutik. Immikkoortortaqarfimmi isumagisarineqarput silaannakkut angallannerup, timmisartoqarfiit, imarsiornerup, umiarsualivinni angallannerup, angallannerup, allakkerinerup aamma nalunaarasuartaateqarnikkut attaveqaqatigiinnerup iluanni pilersaarusiorneq, ataqatigiissaarineq aammalu suliassanik assigiinngitsunik suliaqarneq. Naalakkersuisoqarfimmi sulinerup kingunerisaanik politikerit pisariaqartunik aalajangiinissamut tunngavissaqarnissaat qulakkeertussaavarput aammalu politikerit kissaatigisaasa piviusunngortinnissaat qulakkeertussaallutigu.
Sulineq avatangiisini ulapaarfiusuni ingerlanneqarpoq, sulinerup nuannarinera aammalu akisussaaffeqarneq, qaffasissumik ilinniarsimasanik suliaqarnermut angusaqarluarnissamullu, tulluusimaarutigisinnaasatsinnut, ataqatigiilluinnarlutik. Ulluinnarni amerlanertigut ulapaarfiusuni qiimaneq ulluinnarni malunnarpoq. Sulliviuvugut periarfissaqartitsilluartoq, suleqatigiit ataatsimooqatigiilluartarlutik aammalu sulineq ilaqutariinnilu inuuneq ataqatigiittussaasut ataqqineqarluni.
Apeqqutissaqarpit?
Atorfik, immikkoortortaqarfik, Namminersorlutik Oqartussat, Nuuk allalluunniit pillugit apeqqutissaqaruit immikkut ittumik siunnersortip Dorte Juul Munch (dojm@nanoq.gl, oqarasuaammut +299 34 52 56) imaluunniit immikkoortortaqarfimmi pisortap Kenneth Lund Bøjler (kebo@nanoq.gl, oqarasuaammut +299 34 66 56 ) attavigineqarnissaannut tikilluaqqusaavutit.
PISORTATIGOORTUMIK PISUSSANUT TUNNGASUT
Isumannaallisaanermi akuerineqarsimaneq
Atorfimmut piukkunnartutut isigineqarnissamut malittarisassat atuuttut naapertorlugit isumannaallisaanermi akuerineqarsimanissaq piumasaqaataavoq. Taamaattumik aallarniutaasumik pinerlussimasut nalunaarsuisarfianit pineqaatissinneqarsimannginnermut uppernarsaatip assilineqarnera annillatsinneqarsimasoq ilanngullugu nassiuguk. Taanna najukkami politiitut oqartussaasuni imaluunniit uani piniarneqarsinnaavoq: www.politi.gl/bestil-straffeattest/privat-straffeattest.
Aningaasarsiat atorfininnermullu tunngasut
Aningaasarsiat atorfininnermilu atugassarititaasut, ilanngullugit atorfininnermi soraarnermilu akiliunneqarluni angalanissamut aamma pisattat nuunnerinut akiliunneqarnissamut pisinnaatitaaneq, atorfininnerup nalaani Namminersorlutik Oqartussat kattuffiullu isumaqatiginninniarsinnaatitaasup pineqartup akornanni isumaqatigiissutit atuuttut naapertorlugit ingerlanneqassapput.
Ineqarneq
Atorfimmut atatillugu inigisassamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnini aqqutigalugu sulisutut ineqareersimaguni sulisutut inissiamik innersuussivigineqarnissamut pisinnaatitaaffik attatiinnarneqassaaq. Sulisutut inigisaq atorfeqarnermut tunngavoq, atorfeqarnerullu uninnerani qimanneqassalluni.
Ulloq atorfiniffiusussaq
1. juli 2024, imaluunniit isumaqatigiissuteqarneq malillugu.
Piffissaq suliffiusoq
Sapaatip akunneranut nalunaaquttap akunneri 40-t.
Atorfinitsitsinissamut oqaloqateqarnerit ingerlanneqarnissaannut ulluliussaq
Oqaloqateqarnerit ingerlaavartumik ingerlanneqassapput
Qinnuteqaat, CV, ilinniarsimanermut aamma pikkorissarsimanermut uppernarsaatit, pillagaasimannginnermut uppernarsaat kiisalu allakkiat attuumassutillit allat nassiutikkit una toorlugu ”Qinnuteqaat nassiuguk”.
Qinnuteqaatit e-mailikkut nassiunneqartut tiguneq ajorpagut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job
Qinnuteqaat nassiuguk