ATAATSIMIITITALIAMUT ALLATSIGILIGASSARPUT ILLIUA?
Inatsisartut Allattoqarfiat ataatsimiititaliami allatsinik pikkorissunik pingasunik pissarsiorput
Inatsisartut Allattoqarfiat inatsisartuni ataatsimiititalianut sullissisussanik ataatsimiititaliami allatsinik pingasunik, ulloq 16. september 2024 imaluunniit isumaqatigiissuteqarneq malillugu atorfinittussatut naatsorsuutigineqartunik, Inatsisartut ataatsimiititaliaannik sullissisussanik pissarsiorpoq. Pineqarput piffissaq tamakkerlugu suliffiusumik atorfiit pingasut.
Uagut pilluta:
Inatsisartut Allattoqarfiat Inatsisartut allaffeqarfigaat. Inatsisartut ukiumoortumik marloriarlutik ataatsimiittarneri aaqqissuuttarpavut aammalu Inatsisartunut ilaasortat 31-t Inatsisartullu ataatsimiititaliaat sullitaraagut. Massakkut tamakkerluta sulisut 30-uvugut.
Uku suliassat pingaarnerit suliassaraatit:
Ataatsimiititaliap allattaatut suliassaq pingaarneq tassaavoq Inatsisartut ataatsimiititaliaasa ilaannik sullissinissaq, tassani ataatsimiititaliami attaveqaqateqarnerit tamarmik isumagineqassallutik ataatsimiititaliamilu sulinermi sinaakkutissanik pitsaanerpaanik pilersitseqataanissamut ukkatarinninneq.
Tamanna ilaatigut ima isumaqarpoq illit:
· ataatsimiititaliami sulinermi ataatsimiititaliap siulittaasua ataatsimiititaliamilu ilaasortat siunnersortassagitit ikiortassagitillu, suliassat tamaasa
· apeqqutinik suliaqarnermi ataatsimiititaliami ilaasortat ataasiakkaat ataatsimiititaliarlu tamakkiisoq siunnersorlugillu ikiortassagitit, akissuteqaatit, allakkiat saaffiginnissutillu paasiniarnerini ikiuutaasassasutit, ataatsimiititaliap isumaliutissiissutaanut, tusagassiorfinnut nalunaarutissaannut missingiusianik allattassasutit, ataatsimiititaliap ataatsimiinnissaanut oqaluuserisassat atortussallu suliarinissaannut ikiuutaasassasutit
· siunersiuinernik takuniaanernillu aammalu ataatsimiititaliap angalanissaanik pilersaarusiorneq ingerlatsinerlu suliarisassavatit
· inatsisilerituujuguit inatsisilerinermik suliaqartut (Inatsisissanik Nalilersuisarfimmi), Inatsisartut sinnerlugit inatsisissatut siunnersuutit pitsaassusiannik qulakkeerinnittartut suleqatigissavatit aammalu inatsisissanik nalilersuinermi peqataasassallutit
· ilaasortat siunnersuutaannik suliarinninnermut atatillugu suliaqaqataaneq pisariartitsisoqarpallu siunnersuineq
Ataatsimiititaliap ataatsimiinneri sulinerilu kalaallisut amerlanertigut ingerlanneqartarput. Ataatsimiititaliamut oqalutsi qanimut suleqatigissavat.
Illit pillutit:
Ataatsimiititaliamut allatsitut sulinissanni pingaartipparput:
- Kandidatitut naleqquttumik ilinniagaqarsimanissat, ajornanngippat inatsisilerituutut imaluunniit aningaasaqarnermut tunngasutigut ilinniagaqarsimanissat, kisianni kandidatitut ilinniagaqarsimasut tamarmik qinnuteqarnissaminnut tikilluaqqusaapput
- Akisussaassuseqarluartuunissat, ilisimasaqarluartuunissat aammalu ataatsimiititaliap siulittaasuanik qanimut suleqateqarnissaminut soqutiginnittuunissat naalakkersuinikkullu ingerlatsisunik qanimut suleqateqarnissamik soqutiginninnissat
- Oqaatsitigut allakkatigullu ingerlatitseqqillaqqissuunissat aammalu kukkuneqanngitsumik allassinnaanissat
- Suleqataalluartullutit ikiuerusussuseqarnissat aammalu Allattoqarfimmi qanimut angusaqarusussuseqartumillu suleqatigiinnermi peqataarusussuseqartutit
- Eqaatsumik suleriuseqarsinnaanissat, aaqqiissuteqarsinnaanissat aammalu Allattoqarfimmi sulinermi ulluinnarni allanngorarsinnaasumi peqataarusussuseqassasutit
- Ilakkuminartuunissat, inussiarnersuunissat suleqatigiilluarsinnaassuseqarlutillu
Kalaallit Nunaanni pissutsit ilisimasaqarfiginissaat iluaqutaassaaq. Aamma taamaappoq pisortani allamik atorfeqarsimanermit misilittagaqarnissaq eqqarsaatigalugu.
Apeqqutaavallaanngilaq ilinniakkat naammasseqqammernerit imaluunniit ukiuni arlalinni misilittagaqarnerit, pingaarneruvorli ilinniakkatigut ineriartoqqinnissamut soqutiginninnissat aammalu pisortani ingerlatsinermik ilisimasaqarnissat. Suliassatit ilinniagaqarnernut misilittagaqarninnullu naleqqussarneqarumaarput.
Malugalugu, taassuminnga atorfeqassagaanni politikkikkut soqutigisanik ingerlatsisoqassanngilaq qanittukkulluunniit ingerlatsisoqarsimassanani.
Neqeroorutigaarput:
- Sulinermi avatangiisit suliamik annertuumik ilisimasaqarfiusut ineriartortitsinermillu pingaartitsiviusut
- Suleqatit misilittagaqarluartut tunniusimasullu persuarsiunngitsumik ataatsimooqatiginerat
- Suliassat pissanganartut assigiinngisitaartullu
- DJØF-ip aammalu Inatsisartut Siulittaasoqarfiata akornanni isumaqatigiissut atuuttoq naapertorlugu AC-fuldmægtigitut atorfinitsinneqarnermi akissarsiat pissutsillu orniginartut
- Atorfininnermi soraarnermilu angalanermut akiliunneqarneq
Allattoqarfik inissaqartitsisinnaavoq.
Qinnuteqaat:
Atorfiup imarisai annertunerusumik paasisaqarfigerusukkukkit allatseqarfimmi pisortaq Mikaela Augustussen e-mail una aqqutigalugu attavigisinnaavat: mika@ina.alla.gl imaluunniit HR-imi immikkoortortami pisortaq Ida Nielsen idnie@ina.alla.gl
Qinnuteqaat CV-t soraarummeersimanermullu uppernarsaatit ilanngullugit e-mailikkut uunga nassiunneqassapput; Inatsisartut@inatsisartut.gl.
Qinnuteqarnissamut killiliussaq: 12. august 2024.
Atorfiit inuttassarsiuussat arlaqarmata qinnuteqartunik oqaloqatiginnittarneq ataavartumik ingerlanneqassaaq.
Annertunerusumik paasisaqarusukkuit:
Inatsisartut aammalu Inatsisartut Allattoqarfiat uani annertunerusumik paasisaqarfigisinnaavatit: www.inatsisartut.gl
Pisortani atorfigisamit allamit sulinngiffeqarnissamut periarfissaq:
Naalagaaffimmi imaluunniit Danmarkimi kommunimi atorfeqarpit? Naalagaaffimmi atorfillit aammalu AC-mik isumaqatigiissut arlallit malillugit atorfeqartinneqartut Namminersorlutik Oqartussani atorfinitsinneqarnermut atatillugu akissarsiaqarnatik sulinngiffeqarsinnaatitaapput. Sulinngiffeqarneq pillugu aalajangersakkami aamma ilaatinneqarput katissimallugu aapparisaq inooqatigisarluunniit. Aamma eqqumaffigineqassaaq Namminersorlutik Oqartussani atorfinitsinneqarnermut atatillugu akissarsiaqarnani sulinngiffeqarnissamut qinnuteqaatit akuersaartaqqullugit nunami namminermi pissutsinut ministereqarfiup kommuninut nunallu immikkoortuinut kaammattuutigisimammagu.
Attavigisassaq:
Inatsisartut | Imaneq 2 | Postboks 1060 | 3900 Nuuk |inatsisartut@inatsisartut.gl