Aningaasaqarnermut inatsit pillugu missingersuutitigut atorfinitsitassarsiorpoq

Aningaasaqarnermut Akileraartarnermullu Naalakkersuisoqarfik aningaasaqarnermut inatsit pillugu missingersuutitigut misilittagalimmik atorfinitsitassarsiorpoq

Missingersuutinik aqutsisinnaavit – naalakkersuinikkut aalajangiinernut tunngaviusussat kisitsitalersorusuppigit, aammalu sullivimmi suliassanut ilisimasaqarluarnermik ineriartortitsinermillu annertuumik pingaartitsisumi sulineq nuannaraajuk – taamaappat Aningaasaqarnikkut Pilersaarusiornermut Immikkoortoqarfimmi sulisussarsiorpugut.

Atorfik pillugu

Aningaasaqarnermut Akileraartarnermullu Naalakkersuisoqarfiup ukiumut aningaasanut inatsisiliornissaq qitiusumik suliassaraa. Tamatumunnga sulisussarsiorpugut. Assigiinngitsutigut missingersuusiornernut pikkorittariaqarputit, aaqqissuussilluarsinnaasariaqarputit nuannaralugulu kiisalu naatsorsuinernik soqutigisaqarlutit.

Aningaasanut inatsisiliornermut akisussaaqataassaatit. Aningaasanut inatsisiliorneq aningaasanut inatsimmi aamma tamatumunnga atatillugu paasissutissanik pisariaqartunik, pingaarnermik nalunaarsuiffinnik aamma naatsorsuutinik aaqqissuinertaqarpoq. Maanna aningaasanut inatsit excelimi nalunaarsuiffiit aamma wordimi allattuiffiit atorlugit aaqqissugaavoq, taamaammallu taakku sulinermi pingaarnertut sakkorissavatit.

Tamatuma saniatigut Namminersorlutik Oqartussani ulluinnarni aningaasaqarnikkut aqutsinermi aamma tapiissutitut aningaasaliinermi akisussaaqataassaatit, taakkumi aningaasanut inatsit aaqqissugaanera aamma aningaasaliissutai tunngavigineqarmata.

Maannakkut aningaasanut inatsisiliornermi nutaamik aaqqissuussaliornissaq eqqarsaatigineqarpoq. Tamanna soqutigigukku suliassarisinnaavat aamma.

Suliassatit

Suliassatit ukuusinnaapput:

• Namminersorlutik Oqartussani aningaasaqarnermut inatsisiliornermik aqutsineq
• Aningaasaqarnermut inatsimmut atatillugu missingersuusiorneq
• Namminersorlutik Oqartussani aningaasaqarnikkut aqutsinermik ineriartortitsineq
• Aningaasaqarnermut inatsisiliornermik ineriartortitsineq
• Aningaasaqarnermut inatsit pillugit politikikut isumaqatiginninniarnernut kisitsisinik pissutsinillu ilapittuineq
• Aningaasartuutinik misissueqqissaarneq
• Naalakkersuinikkut suliassanik suliarinninneq, ilanngullugit tusarniaanerit aamma § 37 naapertorlugu apeqquteqaatit
• Aningaasaqarnikkut saqqummersitassanik suliaqarnermut atatillugu ikiuunneq
• Aammalu pisariaqartitsineq malillugu Naalakkersuisoqarfiup suliassanik allanik isumaginninnerani peqataaneq

Naatsorsuutigaarput

• Qitiusumik aningaasaqarnermut attuumassutilimmik ilinniakkamik naammassinnisimanerit soorlu HA aamma/imaluunniit HD, oecon, polit., merc. imaluunniit alla.
• Allattariarsornikkut taamatullu oqaluinnarnikkut paasissutissiillaqqissuusutit
• Excelimik aamma Wordimik misilittagaqarneq
• Prisme imaluunniit Microsoft AX-system atorlugit suliaqarsimasutit, tamanna iluaqutaasussatut isigineqarluni
• Pingaartumik aaqqissuussaanermit politikikkut aqunneqartumit inuussutissarsiornermi misilittagaqarneq, tamannalu annertuumik iluaqutaasussatut isigineqarluni
• Inuiaqatigiinnut kalaallinut oqaatsinullu ilisimasaqartutit kiisalu inuiaqatigiinnut kalaallinut tunngasunut paasisimasaqarneq, tamannalu iluaqutaalluinnartussatut isigineqassalluni

Neqeroorutigaavut

• Suliffik pissanganartoq akisussaassuseqarfiusorlu
• Paasissutissiissuseqatigiittarneq ukkataralugu suliaqarfimmi pitsaasunik avatangiisilinni ilaalernissaq aammalu iliuuseqarnissamut aqqutissaq sivikitsoq
• Naalakkersuinermut tunngasunut qanittumiinnissaq
• Anguniakkat pingaarnerit iluanni annertuumik sunniuteqarneq
• Persuarsiorfiunngitsumik suleqatigiinnermi periaaseqarneq

Uagut pilluta

Aningaasaqarnermut Akileraartarnermullu Naalakkersuisoqarfik Naalakkersuisut ataanni qitiusumik allaffeqarfiit ilagaat. Politikikut aningaasaqarneq qitiusumik suliassaraarput. Naalakkersuisoqarfik maannakkut 28-nik sulisoqarpoq, taakkulu ukunani agguarsimapput: Aningaasaqarnikkut Pilersaarusiornermut Immikkoortoqarfik, Inatsisilerinermut immikkoortortaqarfik, Nuna tamakkerlugu pilersaarusiortarnermut immikkoortortaqarfik kiisalu Aqutsinermut allattoqarfik. Uku aamma Naalakkersuisoqarfiup avataani aamma ataaniipput: Aningaasaqarnermut Sulisoqarnermullu Aqutsisoqarfik, Akileraartarnermut Aqutsisoqarfik kiisalu Naatsorsueqqissaartarfik.

Suliassarput pingaarneq tassaavoq, Aningaasaqarnermut Akileraartarnermullu Naalakkersuisup aningaasaqarnermut aamma aningaasaqarnerup politikkimi ullormut oqaluuserisassaanut tunngatillugu sullinneqarnera siunnersorneqarneralu. Aningaasaliissutinut akileraartarnermullu inatsisiliorneq, nakkutilliineq aamma misissueqqissaarneq, aningaasaqarnikkut aamma sanaartornermut pilersaarusiorneq kiisalu aningaasaqarnikkut aaqqissuusseqqinneq allarpassuillu akisussaaffigaavut.

Aningaasarsiatigut atorfinitsitaanermilu atugassarititaasut

Sulineq sapaatip akunneranut akunnerit 40-nik sivisussuseqarpoq.

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatigiinniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Atorfik aallaaviatigut AC-fuldmægtigitut inuttalerneqassaaq. Kandidatinut naleqquttumik ilinniagalinnut kiisalu annertuumik naleqquttumik minnerpaamilu ukiuni pingasuni misilittagalinnut immikkut siunnersortitut/siunnersortaanertut atorfinitsinneqarnissaq periarfissaasinnaavoq. Kandidatinut annertuumik naleqquttumik minnerpaamilu ukiuni arfinilinni kiisalu pisortani missingersuusiornermut aamma anigaasaqarnikkut aqutsinermut misilittagalinnut siunnersortaanertut atorfinitsinneqarnissaq periarfissaasinnaavoq.

Naalagaaffimmi tjenestemandit aamma AC-nut isumaqatigiissutit arlallit, ilaatigut DJØF-ip Finansministeeriaqarfiullu akornanni isumaqatigiissutit malillugit sulisut Namminersorlutik Oqartussani atorfinitsinneqarnerminnut atatillugu aningaasarsiaqaratik sulinngiffeqarsinnaatitaapput. Aammattaaq Nunamullu namminermut Ministeeriaqarfiup Kalaallit Nunaanni Namminersorlutik Oqartussani atorfinitsitaanerminnut atatillugu akissarsiaqaratik sulinngiffeqarallarnissamik qinnuteqaateqartunut akuersaartumik pissusilersortoqassasoq Namminersorlutik oqartussanut innersuussutigisimavaa. Sulinngiffeqarallarnissaq pillugu aalajangersakkat Kalaallit Nunaanni Namminersorlutik Oqartussani inuit atorfinitsinneqartut uiinut nuliaannut/aappaannut aamma atuupput.

Suiaassuseq, inuiaassutsikkut tunuliaqutaq, upperisaq imaluunniit innarluuteqarneq apeqqutaatinnagu naligiissitsinissaq Naalakkersuisoqarfiup siuarsassallugu kissaatigaa. Taamatuttaaq inuunermi misilittagaqarneq inuttullu inerisimaneq iluaqutaasutut isigaavut.

Paasissutissat allat

Atorfik pillugu sukumiinerusumik paasissutissat pissarsiarineqarsinnaapput immikkoortoqarfimmi pisortaq Emil Garney telefonikkut +299 34 51 62 imaluunniit e-mailikkut egar@nanoq.gl pissarsiarineqarsinnaapput.

Namminersorlutik Oqartussat pillugit paasissutissat sukumiinerusut uani pissarsiarineqarsinnaapput www.naalakkersuisut.gl.

Qinnuteqarneq

Qinnuteqarnissamut killiliussaq 29/5 2024 nal. 12:00-uvoq.

Atorfininnissamut oqaloqatigiinnerit 2024-mi marsi naalernerani isumaqatigiissuteqarneq tunngavigalugu piaarnerpaamik atorfininnissaq siunertaralugu pissaaq.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk