![Aningaasaqarnermut Akileraartarnermullu Naalakkersuisoqarfik Aningaasaqarnikkut pilersaarusiornermut immikkoortortaqarfimmut allaffimmi pisortassarsiorpoq](https://image.sermitsiaq.ag/1491011.webp?imageId=1491011&width=960&height=606&format=jpg)
Aningaasaqarnermut Akileraartarnermullu Naalakkersuisoqarfik Aningaasaqarnikkut pilersaarusiornermut immikkoortortaqarfimmut allaffimmi pisortassarsiorpoq
Aningaasaqarnermut Akileraartarnermullu Naalakkersuisoqarfik Aningaasaqarnikkut pilersaarusiornermut immikkoortortaqarfimmut allaffimmi pisortassarsiorpoq
Immikkoortortaqarfimmi pisortaq qanimut suleqatigalugu immikkoortortaqarfiup suliatigut pitsaassusiinissamut kiisalu immikkoortortaqarfiup sulisuanik ingerlatsinermilu ataqatigiissaarerusuppit, taamaappat allaffimmi pisortassarigunarpatsigit.
Atorfik pillugu
Aningaasaqarnikkut pilersaarusiornermut immikkoortortaqarfimmi allaffiup pisortaatut suliat ataqatigiissaassavatit, tamatumalu saniatigut, allaffimmi pisortaq attaveqatigiinnikkut, pilersaarusiornikkut, ingerlatitseqqinnikkut minnerunngitsumillu sulisunik aqutsinikkut immikkut suliassaqarpoq.
Allaffimmi pisortaq immikkoortoqarfimmi sulisunik ulluinnarni aqutsisuuvoq, immikkoortortaqarfimmilu pisortap ataaniilluni. Allaffimmi pisortaq immikkoortortaqarfimmi pisortamut sinniisuuvoq.
Suliatigut pikkorittunik, taakkulu aningaasaqarnikkut pilersaarusiornermut aamma politikikut aalajangigassanut tunngaviliinissamut qularnaarisussanik suleqateqassaatit. Immikkoortortaqarfik arfineq marlunnik sulisoqarpoq.
Allaffimmi pisortatut atorfik qaammatit aqqaneq marlunnik killilittut atorfiginissaa kissaatigineqarpoq.
Suliassatit
Suliassatit pingaarnerit tassaapput:
Sulisunik aqutsineq immikkoortortaqarfimmilu sulianik aqutsineq
Tusarniaanermut akissutinik aqutsineq aamma qularnaarineq
Suliatigut ilitsersuusiorneq
Aningaasanut inatsisissatut siunnersuummut isumaqatigiissummik ataqatigiissaarineq
Aningaasaqarnikkut pilersaarusiornermut immikkoortortaqarfik sinnerlugu soqutigisaqatigiinnut saqqummiussisarneq
Sulisut piginnaasaannik ineriartortitsineq pillugu oqaloqatiginninneq
Immikkoortortaqarfimmi sulisut pillugit sulianik assigiinngitsunik isumaginninneq (sulinngiffeqarnermut pilersaarusiorneq, qaangiuttoornermut taarsiullugu sulinngiffeqarneq, qaangiuttoorneq il.il.)
Suleqatigiissitanik arlalinnik suleqatiginninneq
Suliatigut siunersiueqatiginninneq
Sulianik ataqatigiissaarinermik pitsaassusiliinissamillu qularnaarineq
Sulianik ingerlasunik ingerlatitseqqinneq
Piffissaagallartillugu suliassanik isumaginninneq
Naatsorsuutigaarput
Pingaarnertut aningaasaqarnermut attuumassutilimmik ilinniakkamik naammassisimasutit, soorlu HA aamma/imaluunniit HD, oecon, polit., merc. imaluunniit allamik.
Allattariarsornermi pikkorittutit
Aningaasaqarnikkut misissueqqissaarnernik ilisimasaqartutit
Prismemik imaluunniit Microsoft AX-systemimik allamik ilisimasaqaruit iluaqutaassaaq
Inuussutissarsiornikkut misilittagaqartutit. Suliffimmik politikikut ingerlatsinertalimmi misilittagaqarnerit assut iluaqutaassaaq
Kalaallit Nunaanni inuiaqatigiinnik oqaatsinillu ilisimasaqartutit kiisalu Kalaallit Nunaanni inuiaqatigiit atugaannik paasisaqarnerit assut iluaqutaassaaq
Neqeroorutigaarput
Suliffik pissanganartoq akisussaaffeqartorlu
Suliatigut tunniusimanertalimmik suliallu sunniutaanik malugisaqartitsinermik kiisalu iliuuseqarfiusumik suliffeqarnissaq
Politikimut qaninnissaq
Pingaarnertut anguniakkamut annertuumik sunniuteqarnissaq
Persuarsiunngitsumik suleqatigiinneq
Uagut pilluta
Naalakkersuisoqarfik Naalakkersuisut ataanni qitiusumik allaffeqarfiit ilagaat. Suliassarput pingaarneq tassaavoq politikikut aningaasaqarneq. Naalakkersuisoqarfik maannakkut 26-nik sulisoqarpoq taakkulu immikkoortortaqarfinnut arlalinnut soorlu aningaasaqarnermi, inatsisilerinermi nunalu tamakkerlugu pilersaarusiornermi agguaqqapput. Naalakkersuisoqarfiullu ataaniipput uku Akileraartarnermut Aqutsisoqarfik, Aningaasaqarnermut Sulisoqarnermullu Aqutsisoqarfik kiisalu Naatsorsueqqissaartarfik.
Suliassarput pingaarneq tassaavoq Aningaasaqarnermut Akileraartarnermullu Naalakkersuisumut sullissinissaq siunnersuinissarlu kiisalu aningaasaqarnermi politikikut oqaluuserisassanik ataqatigiissaarinissaq. Aningaasaliissutinik aamma akileraartarnermut inatsisiliornikkut, nakkutilliinikkut aamma misissueqqissaarnikkut, aningaasaqarnikkut aamma nunaminertanik pilersaarusiornikkut kiisalu aaqqissuusseqqinnikkut allarpassuarnillu suliaqarnermut akisussaavugut.
Akissarsiat atorfeqartitaanermilu atugassarititaasut
Atorfeqartitaanermi atugassarititaasut:
Atorfik akissaateqarfimmi LR 36-mi maanna inissisimavoq. Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemanditut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassarititaasut naapertorlugit atorfinitsinneqarsinnaavoq.
Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat, piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq.
Allaffimmi pisortatut atorfik qaammatit aqqaneq marlunnik killilittut atorfiginissaa kissaatigineqarpoq.
Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.
Sukumiinerusumik paasissutissat
Atorfik pillugu sukumiinerusumik paasissutissat immikkoortortaqarfimmi pisortaq Emil Garney tlf. +299 34 51 62 imaluunniit e-mail egar@nanoq.gl aqqutigalugit pissarsiarineqarsinnaapput.
Namminersorlutik Oqartussat pillugit paasissutissat uani atuarneqarsinnaapput www.naalakkersuisut.gl.
Qinnuteqarneq
Qinnuteqarnissamut killigititaq 2/8 2024 nal. 12:00.
Piaartumik atorfininnissamik isumaqatigiissuteqarnissaq siunertaralugu oqaloqatigiinnerit augusti naalernerani 2024-mi pissapput.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job