Allagarsiutigeqqitaq PI/SPS Kalaallit Nunaanni perorsaanilerinermik ilinniarfinni ilinniartitsisussarsiorpoq
Perorsaanermi Ilinniarfimmi ilinnialernissamut qinnuteqartorpassuaqarnera peqqutigalugu Nuummi immikkoortortaqarfitsinni Socialpædagoginngorniarluk bachelorinngorniartunik augustip qaammataani 2024-mi aallartitsilerpugut.
Unammilligassanut nutaanut ujartuisuuguit misileraanissamullu sapiissuseqarlutit, taava Perorsaanermik Ilinniarfiup Nuummi immikkoortortaqarfiani ilinniartitsisutut atorfimmik ilinnut neqeroorutigisinnaasatsinnik peqarpugut.
Perorsaanermi Ilinniarfimmi 60-it missaanni sulisoqarpugut, ilinniartuutigullu 300-t missaanniittut ilinniakkanut arfineq-pingasunut agguarsimapput, ukuusunut: Ulluunerani meeqqanik sullissinermi ikiortinngorniarneq, isumaginninnermi ikiortinngorniarneq, socialassistentitut ilinniarneq, perorsaasutut sammivilimmik bacheloritut ilinniarneq, pædagogassistentitut inuussutissarsiummik ilinniarneq, siunnersuinermi ikiortitut ilinniagaq, inulerinermi siunnersorti aammalu immikkut pisariaqartitsisunut sammivilimmi perorsaanilerinermi ilinniarneq.
Perorsaanermi Ilinniarfiup Kalaallit Nunaat tamakkerlugu makkunannga sullillugu ingerlatsisarpoq:
Perorsaanermi sulisunik piukkunnartunik ilinniartitsineq
Pikkorissaaneq, ilinniaqqinnerit ilinniareernerullu kingorna qaffassarnerit inunnik isumaginninnermi siunnersuinermi immikkullu pisariaqartitsisunut sammivilimmik perorsaanilerinermi ilinniarneq
Ineriartortitsinissamut isumassarsisitsiniarneq perorsaanermi iluani sulinermi ilinniarnermilu.
Ilinniartitsisumik uujasivugut, perorsaanermi ilinniarnermi ilinniartitsisinnaasumik annerusumik perorsasutut sammivilimmik bacheloritut ilinniartunut ilinniartitsisinnaasoq. Pinngorartitsinermut pikkoriffeqaruit, perorsaanermi tarnip pissusaannik ilisimasaqarluaruit, nalinginnaasumik perorsaanermi ilisimasaqaruit imaluunniit ilinniakkami atuartitsissutit tamaasa ilinniartitsissutigisinnaagukkit illiuvoq ujartugarput.
Nutaanik suleqatigiiliuleratta naatsorsuutigissavat aallartinnermi Ilulissani immikkoortortarfimmiunik suleqarteqarnissarsi pisariaqartissagassiuk aallartilluartikkusullusi.
Tamatigoortumik, suleqatigiikkusussusermik pigisalimmik minnerunngitsumillu ineriartortitserusuttumik ilinniartitsisussamik ujaasivugut. Perorsaanerup iluani ilinniartitserusulluinnartumik aammalu suleqatigiilluarusuttumik suleqatissarsiorpugut, avatangiisiminut suliaminullu nuannersussamik isigisumikm unammillernartut suleqatigiinnikkut qaangertarmata.
Perorsaanermi Ilinniarfimmi ilinniartitsisoqatigiinnut ilanngutissaatit ilinniartitsinerup ingerlanerani ineriartorneranilu peqataaffigisinnaalerlugu, Perorsaanermi Ilinniarfiup siunertarisaa naapertorlugu Nunatsinni perorsaanerup iluani suleriutsimut peqataasitsineq sunneeqataaffigalugulu.
Minnerpaamik Master-isut ilinniarsimanngikkuit kandidat-itut ilinniarsimassaatit.
Kissaatigaarput perorsaanerup iluani sulinermi misilittagarluarnissat imaluunniit inersimasunik ilinniartitsinermik misilittagaqarluarnissat.
Kalaallit Nunaanni misilittagaqarlutillu nalunngisaqarluassaatit
Oqaatsit assigiinngitsut ulluinnarni atorneqartut akornanni ingerlatsisinnaassaatit
Nammineerlutit sulisinnaassaatit aammalu suleqatitit suleqatigalugit sulisinnaallutit nammineq ilinniartitsissutissarni aammalu ataqatigiittumik ineriartortumillu ilinniarnerup iluani.
Akuerserpalaartumik isiginninneq, tatiginninneq akisussaaffeqarnerlu illit suleqatitut ilisarnaatigissavat.
Kalaallisut danskisullu oqaaseqartuussaatit
Atorfik inuttalerneqassaaq kingusinnerpaamik augustip aallaqqaataani 2024-mi. Qinnuteqarfissaq kingulleq juunip 21-at 2024 nal. 12:00 nallertinnagu. Atorfimmut tunngatillugu oqaloqatiginninnerit pissapput: Pingasunngornermi juunip 26-ani 2024.
Paasissutissanik allanik pissarserusukkuit Teamleder Laila Berit Thorsen imaluunniit Perorsaanermi Ilinniarfimmi pisortap tullersortaa Marianne Nissen attavigisinnaavat oqarasuaat +299 38 35 50 atorlugu imaluunniit e-mailikkut allaffik@pi.sps.gl
Perorsaanermik Ilinniarfik pillugu paasisaqarnerorusukkuit nittartagarput alakkarsinnaavat www.pi.sps.gl
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.