Allagarsiuteqqitaq - Uuttortaatinut teknikeri Nuummi

Nukissiorfiit Nuummut uuttortaatinut teknikerimik pikkorissumik pimoorussisumik pissarsiorpoq

Arlalinnik isumagisassarpassuarnik sulineq nuannarigukku, aammalu suliassannut misissueqqissaarisutut tikitaqartarlutit, taava Nunap immikkoortuani Nuummi uuttortaatinut teknikeritut atorfik ilinnut naleqqutissaqqoorpoq.

Teknikerimik pikkorissumik, nutaanik ilinniagaqarnissamut arajutsinianngiffeqartumik, aammalu Nuummi innaallagissamut, imermut kiassarnermullu uuttortaatitta 4000-it sinnitsiarlugit amerlassusillit naatsorsuuserisarnermut nakkutilliisarnermullu aaqqiissutitsinnut piffissaq eqqorlugu paasissutissanik attaveqaqatigiissitsillunilu nassiussaqartarnissaannik pimoorussisumik ujartugaqarpugut. Tunngavigisatut tassaasinnaavutit innaallagisserisutut ilinniagaqarsimasoq, maskinmesteri, allatulluunniit attuumassutilimmik ilinniagaqarsimasoq, imaluunniit misilittagaqartoq.

Nunap immikkoortuani allaffimmi pisortaq qullersarissavat. Suliassanni ilaatigut ilaapput tigussaasutut suliassat, ilaatigullu allaffissornerit. Tigussaasutut suliat ilaatigut tassaapput uuttortaatinik ivertitaqarlunilu piiagaqartarnerit, koncentratorinik antenninillu ivertiterinikkut attaveqaqatigiinnermut attaveqarfimmik pitsanngorsaaneq, aammalu pigisat ataqatigiissinneri, taamaalilluni paasissutissanik katersuisarneq sapinngisamik akornuteqannginnerpaatut pisassammat. Aamma attaveqarfiginngisatsinni uuttortaatini kukkussutinik ujaasinerit iluarsaassinerillu arlallit pisassapput, imaluunniit naatsorsuutigisatut atugarisap avataanniilerlutik naleqassutsit appariarnerinik misissuisarnerit. Ingerlatat tamatigut pitsaanerpaanngortinniarlugit aaqqissuussaasumik misissueqqissaarisumillu tikitaqartarnissaq tassani pisariaqarpoq.

Allaffissornermi suliassat ilaatigut uuttortaatinik ivertitanik piiakkanillu uppernarsaasarnernut tunngapput, ilanngullugit uuttortaatinik pisiortornerit toqqorsivimmillu aqutsinerit, qullersaqarfimmi uuttortaaserisartutut suleqatigiinnut sumiiffigisani allattuiffinnik suliaqarnerit, kiisalu uuttortaatit kukkusumik inissinneqarsimassappata missiliuutigisatut naatsorsuinernik suliaqarnerit, il.il.

Ilanngullugit uuttortaatinik misissuinernut (avataanit aamma orniguffigisanut) atatillugit suliassaqarumaassaaq, ilanngullugit kukkussutinik nassaarniartarnerit/kukkussutinik iluarsiisarnerit, aammalu suliassat attuumassutillit allat.

Teknikkimut, kisitsitsinut, IT-mullu tunngasunut piginnaaneqarluarputit, aammalu kiffartuusserusuttuullutit.

Ujarparput suleqat ima ittoq:

• Teknikkip tungaatigut ilinniagaqarsimasoq, ajornanngippat maskinmesteritut, qinnuteqartulli allamik attuumassutilimmik ilinniagaqarsimasut, aammalu siamasissumik misilittagaqartut aamma soqutigineqartuupput.
• Innaallagissamik pilersuinermut ingerlatsivimmik ilisimasalik – imaluunniit ilisimasaqalernissamik piumassuseqartoq
• Namminersuutigisaminik kinguneqartussamillu suliaqartartoq
• Aalaakkaasoq, aammalu suliffigisamini aaqqissuussilluartuusoq
• Misissueqqissaarinermut piginnaasaqarluartoq, Uuttortaatini teknikkimik soqutigisalillu
• Biilinut nalinginnarnut biilersinnaanermut allagartalik

Ilinniartitaareernerup kingornatigut immikkoortoqarfinnut allanut pigaartoqarnermut aaqqissuussivimmi ilaasussaq, suleqatit allat peqatigalugit paarlakaattarluni

Ilinnut neqeroorutigisinnaavavut:

• Suliffik pissanganarlunilu assigiinngiiaartoq, tassani suliassanik iluarsiinermi aallaqqaataanit naammassinissanut suliaqarfigalugu ilanngussimasuussallutit.
• suliffik, ullut suliffigisat aaqqissuussaaneranut assut sunniuteqarfigisat
• suliffimmi avatangiisut najoqqutassialigaanngitsut, suleqatigiittut suleqatigiiffigisarput
• sulianut tunngasunik soorlulusooq inuttut ineriartornissamut periarfissatsialaat

Akissaatitigut atorfeqartitaanermilu atugassarititaasut:

Naalakkersuisut (Kalaallit Nunaanni Namminersornerullutik Oqartussat) kattuffigisallu naleqquttup isumaqatigiissutaat naapertorlugu akissarsiaqartitsineq pissaaq.

Atorfininneq qaammatini pingasuni misiliutitaqarpoq

Atorfimmut atatillugu inissamik innersuussisoqarsinnaanngilaq

Atorfimmut tunngasunik paasisaqarnerorusukkuit una attavigineqarsinnaavoq:

Suliassat akisussaaffigisassarlu atorfik pillugit annerusumik paasisaqarusukkaanni Immikkoortumi pisortaq Filip Sivertsen attavigineqarsinnaavoq emailikkut: FSI@nukissiorfiit.gl imaluunniit oqarasuaammut (+299) 342272 imaluunniit allaffimmi aqutsisoq Julie Johannesen (+299) 34 22 79

Paasissutissat allat: Allanut nalinginnaanerusunut tunngatillugu apeqqutissaqaruit sulisoqarnermut immikkoortortaqarfik saaffigisinnaavat uunga: hr@nukissiorfiit.gl

Qinnuteqarnissamut killissarititaasoq: maajip 2.-at, 2024

ATORFIK UNA QINNUTEQARFIGIUK