Allagarsiuteqqitaq - Paamiuni Nukissiorfiit ingerlatsinermik sulisussarsiorpoq
Paamiuni Nukissiorfiit atorfimmut pissanganarlunilu ilungersornartortalimmut sulianut tunngasutut attuumassutilittut teknikkimik ilinniagaqarsimasumik/misilittagalimmik innaallagissiorfimmut sulisussarsiorpoq. Siammarterinermut suleqatigiinnut pisortaq qullersarissavat.
Suliassanni pingaarnerpaaniipput malitassanut, najoqqutassianut aamma ilitsersuutinut tunngavigisanut naleqqiullugit imeqarfinnik ulluinnarni ingerlatsinerit, aserfallatsaaliuinerit, aamma misissuisarnerit, kiisalu ledningeqarfinnik, ventilhusinik, kuutsitsivinnik/imertartarfinnik, undercentralinik, aamma imeqarfimmut atasutut ingerlatsivinnik misissuisarnerit aamma aserfallatsaaliuinerit.
Ilinniartitaareernerpit kingorna Nukissiorfiit Paamiuni pigaartuusartunik aaqqissuussiffimmi ilaalertussaassaatit.
Piffissap ilaani aamma Nukissiorfiit Paamiuni immikkoortoqarfinni killeqarfiit qaangerlugit, qaqutigoortutullu pisartuni nunap immikkoortuani Sermersooq Kitaani sumiiffinni allani suliaqartarnissaq pisariaqartinneqartarumaarpoq.
Suleqat ujartugarput tassaavoq:
• attuumassutilittut sulianut tunngasumik/teknikkimik ilinniagaqarsimasoq, soorlu VVS-ilerisutut, skibsmontøritut, maskinarbejderitut, imaluunniit innaallagisserisutut.
• namminersuutigisaminik, soorlulusooq suleqatigiinni sulisinnaasoq.
• isumassarseriataartarlunilu nutaanik pilersitaqartartuusoq – killiliissutinut taarsiullugit pe-riarfissanik takunnittartoq.
• atuisartutut inissisimaffimmi EDB-mik annikitsumik ilisimasaqartoq.
• biilinik – minnerpaamik kategori B-nik – ingerlatsisinnaanermut allagartalik.
Makku ilinnut neqeroorutigisinnaavagut:
• suliffik pissanganartoq allanngorartorlu, aallaqqaataanit naanissaata tungaanut suliassanik iluarsiinermi suliaqarfigalugu peqataasassallutit.
• najoqqutassialigaanngitsumik sullivimmi avatangiisit, suleqatigiittut peqatigiilluta suliffigisarput.
• sulianut tunngasutut, soorlulusooq inuttut ineriartornissamut periarfissatsialalik.
Atorfinitsitaanermi pissutsit
Atorfinitsitaaneq Namminersorlutik Oqartussat, aamma attuumassutilittut sulisartut kattuffiata akornanni isumaqatigiissut najoqqutaralugu pissaaq.
Atorffimmut atatillugu inissamik innersuussisoqarsinnaanngilaq.Nammineq Namminersorlutik Oqartussani atorfeqarneq aqqutigalugu sulisunut inissiamik innersuunneqareersimassaguit inissiamut innersuussamut pisinnaatitaaffik pigiinnassavat.
Atorfinitsitaaffigisat tassaavoq Nunap Immikkoortua Sermersooq Kitaa.
Nukissiorfiit tassaavoq nunami namminermi innaallagissamik, imermik kiassarnermillu pilersuisarfittut ingerlatseqatigiiffik, Kalaallit Nunaanni inuunermut nutaaliaasumut tunngaviusoq. Ingerlatseqatigiiffiup attaveqaasersuutit tunngaviusut aqutarai, taamaattumillu nunap nangitsisumik ineriartortitaaneranut naleqqiullugu pingaaruteqartuuvoq. Ingerlatseqatigiiffiup aqutsisoqarfia Nuummi qullersaqarfimmi katersugaavoq. Sulisut 400-t tikingajallugit suliffissaqartitaraagut, taakkulu illoqarfinnut 17-inut nunaqarfinnullu 54-inut agguataarsimapput.
Atorfik pillugu paasissutissat erseqqinnerusut uani pissarsiarineqarsinnaapput:
Nunap immikkoortuani pisortaq Filip Sivertsen, oq. +299 263509. Maili: fsi@nukissiorfiit.gl
Apeqqutit nalinginnaanerusut sulisoqarnermut immikkoortoqarfimmi uani pissarsiarineqarsinnaapput: hr@nukissiorfiit.gl
Qinnuteqaat CV-mik, ilinniagaqarnermut uppernarsaatip assinganik najoqqutassanillu ilanngussiffigisaq A-postitut, imaluunniit nittartagaq aqqutigalugu nassiunneqarsinnaavoq.
Nukissiorfiit pillugu annermik ilisimatitsissutit uaniipput: www.nukissiorfiit.gl.
Qinnuteqarnissamut killissarititaasoq: juunip 4.-at, 2024