ALLAGARSIUTEQQITAQ: AC-Fuldmægtigimik kisitsisilerillaqqillunilu naatsorsueqqissaarsinnaasumik ujaasivoq

Paasissutissat

Atorfik: AC-fuldmægtig

Suliffeqarfik: Namminersorlutik Oqartussat

Qinnuteqarfissaq kingulleq: 29. juli 2024 12:00

Attaveqarfissat: Ilannguaq Møller
+299 34 56 84

ALLAGARSIUTEQQITAQ Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik AC-Fuldmægtigimik kisitsisilerillaqqillunilu naatsorsueqqissaarsinnaasumik ujaasivoq

Ulloq atorfiniffissaq 1. september 2024 imaluunniit sukumiinerusumik isumaqateqarnikkut ulloq inissinneqarsinnaavoq

Ulluinnanni unammillerneqarnissannut piareersimavit?

Politikkikkut ilinniartitaanerup ineriartortinnissaa pingaartinneqartorujussuuvoq, taamaaliornikkut ilinniartitaanerit kikkunnut tamanut pitsaasumik pilersinneqarnissaat piniassammat tamatumalu ilutigisaanik suliffeqarfiit inuussutissarsiortut ilinniarluarsimasunik sulisoqalerniassammata. Taamaattumik Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik aningaasaqarnermut immikkoortortaqarfimmut suleqatissarsiorpoq – suleqat nutaaq ilinniartitaanerup, kultureqarnerup, timersornerup ilageeqarnerullu iluani missingersuutinik aningaasanillu aqutsinermik ineriartortitseqataasussaq ataavartumillu nukittorsaaqataasussaq.

Naalakkersuisoqarfimmi suleriuseraarput tamat periarfississallugit aaqqissuussaanerup suleriutsillu pitsanngorsarnissaannut nutaamik eqqarsaatigeqqinneranut tunniussaqartissallugit. Aaqqissuulluakkamik suleriuseqartaruit, suleqateqarusussuseqartuullutit, tunngaviusumillu aningaasaqarnermut paasinnissinnaassuseqarlutit, taamaappat immaqa illiuvoq aningaasaqarnermut immikkoortortami suleqatitaassarput.

Illit inuttut pisinnaasatit

AC-Fuldmægtigi suliaminut tunniusimasoq eqimattani suleqatiginnikkusussuseqarlunilu piginnaasaqartoq, ineriartortitsinermillu pingaartitalik ujarparput. Illit sullarissoq suliannillu nuannarinnillutit qajannaatsumik tunniusserusuttartoq, suligaangavillu aaqqissuulluakkamik suleriusilik ujarpatsigit. Allaffissornerup iluani ulluinnarni suliassat saniatigut ineriartortitsinermik politikkikkullu sullissinermik suliaqartussaq.

Takorusupparput:

  • Ingerlariaqqiffiusumik naleqquttumik ilinniagaqartuusutit, erhvervsøkonomimi imaluunniit revisionimi ilinniagaqarsimaguit pitsaaqutaassaaq.
  • Assingusumik suliaqarnermik misilittagalik, imaluunniit finansip silarsuaani misilittagalik.
  • Aningaasaqarnermik naatsorsueqqissaarnermillu suliaqarnermik paasinnissinnaassusilik.
  • Inuiaqatigiit kalaallit pillugit Kalaallit Nunaannilu pisortat aaqqissuussaanerat pillugu ilisimasaqarluartoq.
  • Oqaatsitigut piginnaasaqarluartoq, takorusussinnaavarput kalaallit oqaasiinik, nordisket oqaasiinik tuluillu oqaasiinik piginnaasalik.
  • Ingerlariutsip katitigaanerat assigiinngisitaarsinnaagaluartoq piffissakilliorlunilu suliassaagaluartoq tamakkiisumik takunnissinnaassusilik.

Suliassat:

  • Naalakkersuisoqarfiup akisussaaffeqarfiini aningaasaqarnerup iluani ineriartortitsinermik missingersuutinillu aqutsinermik isumaginninneq
  • Naalakkersuisoqarfiup akisussaaffeqarfiini atorfeqarfinni tamani aningaasanik aqutsinerup ataavartumik nakkutilliiviginerinik qulakkeerinninneq.
  • Aningaasanut inatsisissamut atugassanik piareersaaqataaneq, tamatumalu kingorna aningaasanut inatsisissap Inatsisartuni aappassaaneerneranut pingajussaaneerneranullu atugassanik ataqatigiissaarineq.
  • Naalakkersuisoqarfiup akisussaaffeqarfiini missingersuutinik malitseqartitsinernik peqataaneq.
  • Immikkoortunut pilersaarusiornernik suliaqarneq nutarterinerlu.
  • Politikkikkut sullissineq, soorlu notatiliornerit, aningaasaqarnikkut nassuiaasiornerit, aamma Naalakkersuisunut isummernissamik saqqummississusiornerit.
  • Naalakkersuisoqarfiup akisussaaffeqarfiini atorfeqarfinni tamani aningaasaqarnikkut akisussaasut ataatsimeeqatiginerini peqataanerit.
  • Aningaasaqarnerup iluani suliassat ataasiakkaat aalajangersimasut.

Atorfimmi neqeroorutigineqarput sunniuteqarneq, akisussaaqataaneq suliassat assigiinngisitaartut, taavalu suleqatigiit iluminni suleqatigiilluartut imminnullu paasissutissanik avitseqatigiilluartut.

Aningaasarsiat atorfininnermilu atugassarititat

Aningaasarsiat atorfininnermilu atugassarititat, tamatumani atorfininnermut soraarnermullu atatillugu angalanerit pisattanillu assartuussinerit ilaapputtaaq, taakkulu atorfinninnerup nalaani Namminersorlutik Oqartussat isumaqatigiinniarsinnaatitaasullu akornanni isumaqatigiissutit aallaavigineqassapput.

Ineqarneq

Atorfimmut attuumasumik pisatalersorneqanngitsumik malittarisassat malillugit inissaqartitsisoqarpoq. Kommunemi Namminersorlutik Oqartussaniluunniit atorfimmut attuumasumik ineqareernermi inissamik nutaamik tunniussisoqarsinnaanngilaq. Qaammammut akiliut depositumilu malittarisassat malillugit akilerneqartarput. Atorfeqarnermi ineqartitaaneq atorfimmut attuumassuteqarmat atorfeqarunnaarnermi inigisaq qimanneqassaaq.

Ineqarnermut akiliut inigisallu pitsaassusai inip pisoqaassusaa piginnittuilu apeqqutaallutik allanngorarsinnaapput. Ataavartumik atorfimmut attuumasumik inissamik tunineqarnissaq utaqqinertaqarsinnaavoq, taamaattumillu utaqqiisaasumik ineqartitaaneq pisinnaalluni, uani ilaapput ineqatigiiaarnerit imaluunniit hotelimiinnerit, taamaalisoqartillugulu akileraartarnikkut akiligassartaqartarluni. Uumasuutit annerusut, soorlu qimmit qitsuilluunniit inigisamik ineqarfigigallakkamilu peqatigineqarsinnaanngillat.

Paasissutissat allat

Atorfik pillugu paasisaqarnerorusukkuit, imaluunniit apeqqutissaqaruit Aningaasaqarnermut Ilinniartunillu Sullissinermut Immikkoortortaqarfimmut Pisortaq Ilannguaq K. Møller attavigisinnaavat uunga ilmo@nanoq.gl imal. tlf. +299 34 56 84.

Qinnuteqaatit, CV-it, ilinniarnermut pikkorissarsimanermullu uppernarsaatit, paasissutissallu qinnuteqarnermut attuumassutillit allat ilanngullugit ”Qinnuteqaat nassiuguk” toorlugu nassiutikkit.

Qinnuteqaatit e-mailikkoortut tigusutut nalunaarsorneq ajorpagut.

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk

Powered by Labrador CMS