Paasissutissat
Atorfik: AC-fuldmægtig/Specialkonsulent
Suliffeqarfik: Namminersorlutik Oqartussat
Qinnuteqarfissaq kingulleq: 28. maj 2024
Attaveqarfissat: Janus Chemnitz Kleist
+299 34 54 07
Allagarsiuteqqitaq - Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfimmi ilinniartitaanermut susassaqarfik AC-fuldmægtigimik / Immikkut siunnersortimik pissarsiorpoq
Ulloq sulilerfissaq 1. juli 2024 imaluunniit isumaqatigiissuteqarnikkut pissaaq
Ilinniarfinnik pitsaanerusunik pilersitseqataarusuppit?
Ilinniartitaanermut suliassaqarfiup ineriartornera annertuumik salliutinneqarpoq, taamaalillunilu ilinniarnissamut periarfissat pitsaanerpaat pilersinneqassapput aamma inuussutissarsiornikkut inuunermut sulisinnaasut piukkunnaatillit qulakkeerneqassallutik. Kalaallit Nunaanni nuna tamakkerlugu ilinniartitaaneq pillugu siunnersuisoqatigiinnut allatsimik, pilersitseqataallunilu allattaasussaq kiisalu Ingerlariaqqiffiusumik ilinniarnernut angusarineqartartunik nukittorsaaqataanermi suleqataasussamik, Ilinniartitaanermut, Kultureqarnermut Timersornermut Ilageeqarnermullu Naalakkersuisoqarfik inuussutissarsiutinut ilinniartitaanermut suleqatissamik nutaamik suleqatissarsiorpoq.
Suleqatigiinnitsinni ileqqoqarpugut kikkut tamarmik aaqqissuussaanermut nutaanik eqqarsaatinik suliassanillu naammassinnittarnermut ilanngussisinnaatillugit. Ammasuuguit, suleqatigiissinnaanermik ilisimasaqarluarlutit ilinniartitaanermullu tunngasunik soqutigisaqarluarlutit, taava illiusimassagunarpoq suleqatissarput nutaaq.
Makkuninnga suliaqassaatit:
Kalaallit Nunaanni nuna tamakkerlugu ilinniartitaaneq pillugu siunnersuisoqatigiit: siunnersuisooqatigiinnik pilersitsineq, ineriartorneq taamatullu attaveqarfissanik pilersitsineq, suleqatigiinneq suleriusissarlu, siunnersuinermik sullissinermik ukkataqartumik suliaqarneq, ataatsimiinnissanik aaqqissuussineq, saqqummiineq il. il. taamatullu misissueqqissaarnissanik nalunaarusiornissanullu aaqqissuussineq.
Ingerlaqqiffiusumik ilinniarnerit:
Sullissineq, saaffiginnissutinik suliarinninneq, tusarniaanerit, Naalakkersuisuni, suliamut attuumassuteqartunik ataatsimiititaliani Inatsisartunilu suliassaqarfiit iluanni suliassat, taamatullu ingerlariaqqiffiusuni ilinniartitaanermi aaqqissuussineq ilaatigut pitsaassutsimik qulakkeerinninneq.
Illit inuttut piginnaasatit
AC-fuldmægtigimik/ Immikkut siunnersortimik pissarsiorpugut, suliamut tunngatillugu pimoorussisumik suleqatigiinnut suleqatigiilluinnartunut ilanngunnissamut piumassuseqarlunilu piginnaaneqarluartumik, ineriartortitsinernik qaffasissunik pingaartitsisoq. Peqatigitillugu pissarsiariniarpagut suliamut tunngatillugu isumannaatsumik sulinissaminnut tulluusimaarutiginnittut aaqqissuussamillu suliassaminnut pulasinnaasut. Allaffissornermiit ingerlatsinermut naalakkersuinikkullu kiffartuussisarnernik ineriartortitsisunik suliassat siammasissut.
Kissaatigaarput, illit:
- Kandidatitut qaffasissusilimmik attuumassutilimmik ilinniagaqartutit.
- Atorfimmit tassunga assingusumit imaluunniit ilinniartitaanermut suliassaqarfimmi atorfimmit misilittagaqassasutit.
- Aningaasaqarnermik naatsorsueqqissaarnermilu suliaqartarnermik ilisimasaqarluartutit.
- Ataatsimut isiginnittariaatsimik pitsaasumik piginnaaseqartutit ulapaarfimmilu sulisinnaalluartutit.
- Kalaallit Nunaanni inuiaqatigiinnut tunngasunik ilisimasaqarluartutit.
- Kalaallisut, nunani avannarlermiutit oqaasiinik tuluttullu oqaatsitigut pitsaasunik piginnaaneqartutit.
- Tamakkiisumik isiginnillaqqissuuvutit sulianillu ilungersunartunik tamanillu takunnissinnaassuseqarlutit.
Pingaarnertut suliassatut akisussaaffigisassat ukuupput:
- Kalaallit Nunaanni nuna tamakkerlugu ilinniartitaaneq pillugu siunnersuisoqatigiinnut ingerlaqqillunilu ilinniartitaanermut tunngasut suliarineri.
- Politikikkut sulialinnik sullissineq, soorlu allakkialiorneq, nassuiaasiorneq, nalunaarusiorneq, oqalugiaatissiorneq, suliakkiinneq, tusagassiorfinnullu nalunaarutissanik suliaqartarneq
- Sulisitsisuni, ataatsimiititaliani, suleqatigiinni siunnersuisooqatigiinnilu ataatsimiinnerni peqataanerit
- Suliassaqarfiit akimorlugit ineriartortitsinermi suliniutinik peqataaneq
- Naalakkersuisut Inatsisartullu suliassaanik qulakkeerinninneq
- Inuusuttunut ilinniarfinnut tunngasunik suliassat takkussuuttut
Naalakkersuisoqarfik ilinniarnermullu immikkoortortaqarfik pillugit
Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfimmi suliassat amerlaqaat - Naalakkersuisunik sullissinerniit oqartussaaffinnik pingaarnertut aqutsinerit. Suliassaqarfimmi pingaarnertut inuiaqatigiit ilinniagaasa qaffassarnissaat, kulturip nukittorsarneqarnissaa, innuttaasut inuttut inuunerisa qulakkeerneqarnissaat ingerlalluarnissaallu, ilaatigut timersornikkut ilageeqarnikkullu, suliassarineqarput. Naalakkersuisoqarfimmi 45-it missaat atorfeqarput, 15-it missaat ilinniarnermut immikkoortortaqarfimmiillutik.
Aningaasarsiatigut atorfinitsitaanermilu atugassarititaasut
Atorfik AC-Fuldmægtigtut inissisimavoq. Eqqortunik piginnaasalimmut naammattumillu misilittagalimmut Immikkut siunnersortitut atorfinitsitsisoqarsinnaassaaq. Akissarsiat atorfeqarnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut pisinnaatitaaneq, Kalaallit Nunaanni Namminersorlutik Oqartussat kattuffiullu isumaqatiginnisinnaatitaasup akornanni isumaqatigiissutaasut atorfininnerup nalaani atuuttut naapertorlugit.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Qinnuteqarnissamut killissarititaasoq: Majip 28.-at, 2024 23:59 (GMT-2).
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job
Qinnuteqaat nassiuguk